Paya Bujok <[EMAIL PROTECTED]> wrote:
Wilayah Peureulak <[EMAIL PROTECTED]> wrote:
Assalamu,alikom lon beut ngon jaroe.
Keu asoe nanggroe ban sigom donya.
Meu,ah keu ulon kadang meugilho.
Meusingkee bak dhow hana lon saja.
Sigoh lon rawi panyang ban taloe.
Meu,ah kue lon nyoe aneuk miet buta.
Buta politek hana lon tuho.
Lon deungo-deungo Atjeh lam gala.
Pue nyoe keuh meunan hai meuntroe-meuntroe.
Peugah bak kamoe ban sigom donya.
Pat lon tanyoeng peuneuduk Nanggroe.
Teungku Hasan di tiro taloepun hana.
Aleh mantong hudep wali Nanggroe.
Hana lontuho wahai chedara.
Yoh mantong Atjeh gohlom di peubloe.
Na sigo go lon peugah haba.
Oh lheuh Atjeh di tanda jaroe.
Hana meusigo lon peugah haba.
Pakiban nasib Teungku hasan di tiro.
Aleh ka di gilho uleh chedara.
Teungku Hasan,nyan wali Nanggroe.
Kon wali toto si mata-mata.
Meuban lon teupue teuduk lam sagoe.
Teungku Hasan di tiro wali chedara.
Lon tanyoeng bak Zaini toto.
Kasibok ngon adoe kompanyo,P,tiga.
Meunan cit Malek perdana meuntroe.
Pajoh bu cot uroe ngon yusuf kala.
Tapeugah bak lon cukop that bakoe.
Beuthat beusidroe teutap Atjeh Meurdehka.
Meuban di brie peng ngon bu cot uroe.
Wali neugilhoe bek peugah haba.
Putoih hubongan ngon wali Nanggroe.
Atjeh di peubloe gob nyan katuha.
Hana geuteupue Atjeh di peubloe.
Malek ngon toto keurija sama.
Di koh talipun wali Nanggroe.
Bekna meusidroe jeuet peugah haba.
Lagee lon nyoe hai asoe nanggroe.
Hanjeuet meutoe ngon wali Neugara.
Puelom lon nyoe kon wareh tiro.
Ji oh ulon nyoe timu Neugara.
Beuthat ulon nyoe kon wareh tiro.
Hana biek kamoe jak peubloe Bansa.
Hai teungku-teungku neu sidek keudroe.
Wareh di tiro pue di keurija.
Atjeh meurdehka kalheueh di peubloe.
Jimeu mat jaroe jinoe ngon jawa.
Ijab kabul di peusah Nanggroe.
Di peugah jinoe kita sebangsa.
Narit Malek ngon Zaini toto.
Kita meusaho dalam,P,tiga.
Puenyoe meunan neupike keudroe.
Seubeueb ulon nyoe hana sikula.
Neutimang-timang jaroe nibak dhoe.
Puekeuh ulon nyoe peurupaganda.
Oh noe dilee ka nibak kamoe.
Mue,ah keulon nyoe bansigom donya.
Kadang kureueng paih ca"e meugilhoe.
Bak Allah sidroe nyang that seumpurna.
Wassalam
Teungku di Peureulak.
---------------------------------
Any questions? Get answers on any topic at Yahoo! Answers. Try it now.
---------------------------------
Want to start your own business? Learn how on Yahoo! Small Business.
__________________________________________________
Do You Yahoo!?
Tired of spam? Yahoo! Mail has the best spam protection around
http://mail.yahoo.com
