Hai Irwandi. Lon lahe thon 1954. Bahpih meunan hanatjit lon peukah keu gata.
Njoe keusalahan gata njeng phon that seubagoe tjalon gubernur. Njoe
menunnjukkan gatanjan hana sifat peumimpin njeng meuiman. Geutanjoe meuseue
kataduek keu peumimpin, pantang that awai emosi lageenjan. Peuelom njeng
tamaritnjan meunurot beue gata, ken meunurot ureueng Acheh njeng sadar. Kamoe
njeng manteng lam posisi seubagoe bahagian dari bangsa Acheh (rakyat), patet
meuteugor ureueng-ureueng njeng peubeutei meukeusut musoh. Geutanjoe
handjeuet sagai tapeukeng buet awaknjan untok teutap lam bingkai
Hindunesianjan.
Narit gata njeng lageenjan meumakna katateutimeng UUPA Otonomi, paleng
kureueng seunangteuh njen UUPA tempe basinjan. Njan peunadjok awak Jawakarta
ken peunadjoh geutanjoe Acheh hai Irwandi. Seubeuteidjih hai lageenjan hanapeue
lon peurunoe sare meuseubab gata ken ureueng bangai, tapi peungakuan gata njeng
lageenjan, karhet keu bangai. Mudah-mudahan peungakuan gatanjan meurupakan
saboh keusilapan ken meuseubab kadeuh "boh manok mirah", hingga ka "tasipak
bola lam gon droe".
Meunurot djeunaweueb gata njeng emosi keu lonnjoe, sang handipateh gata
silap. Ureueng rame kadeuh geukalen bahwa njan nakeuh asoe pruet gata kamulai
tapeutubiet. Lam MoU Helsinki memang hana meutuleh bahwa Acheh dilua bingkai
Hendon tapi hanatjit meutuleh didalamdjih. Meuseubabnjan geutanjoe patet ta
fokus bak kata guntji njakni Self Government atawa Peumeurintah Acheh atawa
Peumeurintah droe ken peumeurintah Jawakarta. Meunje ken meunan hana bangai
waki-waki geutanjoe geudjak teurimeng lagee njeng gata meukeusut bahwa Acheh
lambingkai Hindunesia.
Pulitek nakeuh pulitek, meunje tatem meudawa han glah-glah peukaranjan. Di
hendon djipeugah lambingkai djih di ureueng Acheh peugah dilua Hendon atawa
Peumeurintah droe, keutjuali na ladom ureueng aceh njeng manteng keulabee aneuk
mata atawa meubreut-breut. Njeng djeulaih Irwandi seunang ngen hase dari
"Pilkada"(baca oionomi), seudangkan kamoe ureueng Atjeh teutap meudambakan
beuna "Pilkapa" (Peumeurintah Acheh)
Masaalah Acheh na saboh peupatah droeteuh njeng relevan njakni : "Meunje
tatuoh peulaku MoU djeuet keu Mardeka, meunje hana tatuoh peulaku njan nakeuh
apakalu kameusureuek lam geutiek Jawakarta". Peupatahnjoe meuasai dari: "Meunje
tatuoh peulaku, boh labu djeuet keu asoe kaja"
Keun Irwand seulandjutdjihi: "Bek gob nyang muprang gata angkee droe keu
panglima. Bek gob nyang poh rimueng gata jak laboe darah". Narit Irwandinjoe
meumakna hanameuphom peue njeng geukheun perdjuangan atawa peue njeng geukheun
meuprang. Disinoe djeulaih bahwa Irwandi hana meuphom definisi Prang. Lam
dugaan Irwandi mjeng meuprang njan nakeu hanja ureueng njeng mat bude manteng.
Njoe tji tanjeng bak ureueng laen pakiban djeuet geumeuprang meunje hana soe
bloe bude, pakiban geumuprang meunje hana peumimpin.
Meuseue lageenjan tjara Irwandi Seumike, hana salah kheun seubahagian ureueng
Atjeh bahwa Irwandi ka djipeulikot peumimpin, meuseubab dikira ledjih hana
geumeuprang di peumimpinnjan keupeue tadjak ikot ureuengnjan, ken get tapeu
ulee keudroeteuh manteng. Njoe ken lon kheun hai Irwandi, neusimak beuget bek
taseumike ngen emosi njeng akibatdjih rhet keubangai dan maleeteuh. Njan makna
dari narit gata seureuta realitadjih.
Kheun si Irwandilom lageenjhoe: "Meunyoe meuheut bila Acheh, ci woe keunoe
siat dan beumeurumpok deungon ulon dan ci peunyata droe bek meusom di likot nan
samaran"
Narit si Irwandinjoepih that meutjokolo. Dipike ledjih ureueng njeng kawoe u
Acheh manteng njeng djeuet bila Acheh. Narit si Irwandinjan nakeuh meumakna
sang-sang djih njeng bila Atjeh. Meuseue taanalisa seusuai njeng peungakuandjih
bahwa Acheh lam bingkai Hendon, djustru Irwandi njeng khianati perdjuangan
Acheh - Sumatra. Njan keuh makadjih kajem ta batja email-email bahwa Irwandi ka
publoe nanggroe. Njoe ken lon kheun Irwandi, ta batja keulai email-email njeng
ka ulikot.
Lam kondisi Acheh njeng manteng ureueng njeng salah seumike lagee gata,
bagilon manteng leubeh meumanfaat tinggai di lua nanggroe. Lon manteng djeuet
lon bila Acheh meulalui Komputer seubagoe "GLM atawa Ak 47" dibandengkan lon
woe u nanggroe. Teuntang tawaran gata, baro lon meureumpek meuseue gata tatem
peulaku "boh labu beudjeuet keu asoe kaja". Teuntang anggapan Irwandi bahwa
lon musom dilikot nan samaran, tji glip beutrang email Irwandinjan peue ken
samaran? Hanakarunjan nakeuh nan awak Djeupang. Meunje geutanjoe na ileumee
phisikologi dan filsafat njan mangat bak tateupeue paken djeuet roh diboh nan
njan.
Ohnoe manteng dilee mudah-mudahan Irwandi beusadar bahwa seubagoe tjalon
peumimpin pantang emosi dalam berkomunikasi. Ukeue sjedaralon bandum ureueng
Acheh njeng sadar, lon lakee meuah andaidjih na silap lon bak lon marit njoe.
Mudah-mudahan Allah Neupeutunjok sabe keu geutanjoe bansa Acheh djalan njeng
beutei diantara djalan-djalan njeng salah. Aamin ja Rabbal 'Aalamin. Salaamun
'alaikum warahmatullaahi wabarakaatuh
Billahi fi sabililhaq
alqbr,-
---------------------------------
Alt i én. Få Yahoo! Mail med adressekartotek, kalender og notisblokk.
