Assalamu'alaikum saleuëm kamoë bri
keu mandum akhi kuta deungon gampong
Nyoë saboh haba keuneuk loen rawi
hai demontrasi keuneuk kamoë suson
Bak tanggai sa mai rab teungoh hari
kajeut tradisi ka trep meu thôn thôn
Lagei nyan lazem geu pubuet wali
jak demontrasi u kuta geutrôn
Bak saboëh taman phôn geu mulai
ngon jalan kaki kota geurawôn
Geujak bak jalan sare meu riti
koën ban keu biri gue jak meu rôn rôn
Bak binéh jalan ureuëng meu riti
sokongan jibri demo geu dukong
Na syit yang ladom yang pèh rapai
na syit yang lagi mukat si kumbong
Inong deungon agam muda deungon mudi
Itam deungon gapi keu nan meuhimpôn
Deungon bendera meu warna warni
rap rata nagri bandun na ta kaleon.
Geu tanyouë Atjèh na geu hadiri
sebab buet wali mantong geu sambong
Deungon spanduk sép tari tari
jawa geu caci biëk ta ëun geulong
Jawa geu kutok deungon demontrasi
sabab sep keji buët jih di gampong
Yang jawa peubuet si deh di negri
sabe ta anti bah pih meu thôn thôn
Sira ta laké sabè bak rabbi
ngon hatè suci ië mata di trôn
Nyan mandum jendral yang pangkat tinggi
ya Allah neubri bala neu peutrôn
Keu kamoë Atjèh ya Allah neubri
deungon si pai jawa bèk léë meu gabong
Neu bri Atjèh nyoë jeut saboh negri
ban kheun ilahi beu teudong hukom.
Yang dari Danmark sokongan geu bri
na geu hadiri jak ikot demon
bah pih sep juoh meu ribei kali
Tan geu peuduli laot geu harong
Yang peunteng gob nyan na demontrasi
keu ekonomi bandum droë tanggong
Dep nan keuh ikhlas bak let si pai
asai buet suci sabé geu dukong
Hana kamoë piké ju ôh meu kali
tan kamoë paduli gle deungon urong
Meu bantu Atjèh bak prang si pai
di lua negri ju ôh deungon gampong
Leubèh semerak lom demontrasi
sabab na mentri bak jalan geu trôn
Geu jak deungon rakyat tanpa polisi
geu meu orasi lam uroë tutong
Yang rakyat laké hana geu anti
malah di mentri mandum geu dukong
Kôn lagé tanyoë di yup si pai
sapeu han jibri malah di hukom
Amin ya Allah Amin ya rahman Amin ya rahim
---------------------------------
Be a better friend, newshound, and know-it-all with Yahoo! Mobile. Try it now.
