Garuda adalah binatang buas!
----- Original Message -----
From: " Meurdéhka "
To: [EMAIL PROTECTED] ; [email protected]
Sent: Friday, October 10, 2008 7:52 PM
Subject: «PPDi» Kapai Wali Woe u Atjeh
TANGGAI 11 POH SIPLÔH UROE SABTU
TENGKU HASAN MUHAMMAD U NANGGROE
SABAN2 GEUTAJOE KALON PEUE DJADÈH WALI
DJIPEUTAMONG DALAM KEPANGKUAN IBU PERTIWI
LAGÈE MUZAKKIR MURTAD KAMÉNG MEUDJANGGÔT
Campli Ubit <[EMAIL PROTECTED]> wrote:
Krue seumangat hai tanglông nanggroe
Wali ka geuwoe djak saweuë gata
Djak tadjak meu'ah tadjak tjôm djaroe
Wali geutanjoe ta peu-mulia
Bak uroë sabtu poh siplôh uroë
Wali trôk keunoë dari malaja
Kon ngon bôt geuwoë gobnjan kali njoë
Tapi hai adoe deugon udara
Ngon kapai terbang gobnjan tjit geuwoe
Han lé geulangoe seulat Malaka
Ingat hai ingat njan kon kapai droe
Tapi kapai njoe atra disèwa
Tjit tjuma Wali sagai njang geuwoe
Hana geupeuwoe njan putroe Dora
Hana pangéran Karim kali njoe
Gopnjan tjit djinoe di Amerika
Keuneuk geudjak eu Atjèh uroenjoe
Peuë keuh ka djinoe Atjèh Meurdéhka
Atoë tjit Atjèh sama ban baroe
Mantong geutajoe lamiët bak Djawa
Awak sipa-i tjukôp di siboe
Djamu bak djaroe tjap monjét duwa
Di ratjik djamu meu matjam bagoe
Keunan djipasoe di djampu tuba
Keuneuk di jue djép bak Wali nanggroe
Ngat mangat asoe wali ka tuha
Meunjo bit geudjép tjukôp that rugoe
Wali djeut meuwoe keu Indonesia
Burông garuda dudoe geu pudjoe
Geutiëk lam sagoe burak ngon singa
Bandira atjèh han lé geupakoe
Geutém grak djaroe tabék sang saka
Batjut lôn harap bak aneuk nanggroe
Djaga Wali njoe gob njan ka tuha
Bèk rôh geulangoe wali lam anoe
ôh akhé dudoe djeut luka dada
Dalam ië raja ureuëng meulangoe
Bèk wali sidroe langoe lam paja
Tanjoe baroedjéh gob njan peureunoe
Beudé geujue bloe geujue prang djawa
Meunjo bit wali langga atra njoe
Rata djeuët sagoe geuh di seurapa
Seulama gobjan hudép lam nanggroe
Hana pré uroë gobnjan di hina
Njang ex libya badjèë djipeusôk
Djiprèh Wali tròk seuragam teuntra
Njang kheun meurdéhka djikhok deungon plôk
Keu polis didjôk dji-juë peundjara
Njan ban djipeugah Adnan budôk
Wahé teungku ek koran neubatja
Bak perté PA bèk neutém tusôk
Perté paléng brôk han tuëng meurdéhka
Njan keuh njoe haba lôn karang bé-ôk
Kon hai radja ek ulôn peusuna
Malam ka djula ulôn ka suntôk
Singoh teungku trôk Wali u Banda
