buat yg kangen bhs Manado..:))
-----Original Message-----
From:
Sent:
To:
Subject: Mop ala Manado
KASE MASO ULANG
Pulang dari greja, om Utu pe dua mata bangka deng' biru merah, sampe de pe
istri kage skali... Kong om Utu pe istri, tanta Mintje tanya "Utu, kiapa sampe
bagitu tu' mata ?"
Om Utu : "Tadi kwa di greja samantara manyanyi, tiba ada cewek fasung maso deng
rok pendek skali, maar de pe rok dang', ada tamaso kadalam pa de pe panta,
karna dia badiri pas pa kita pe muka, jadi kita hela akang de pe rok supaya
rapi dang maar tu' cewek malah 'da tinju akang kamari 'tu mata sablah kiri....."
Tanta Mintje : "Maar, kiapa 'tu mata kanan bangka dang..??"
Om Utu : "Karna kita kira dia nyanda' suka 'da hela de pe rok, kong terpaksa
kita kase maso ulang tu rok kadalang... kong dia tinju tu mata sablah........."
NYANDA PERNAH BALAS
Utu, seorang murid SMP yang terkenal nakal, ditegur oleh Ibu Gurunya.
Ibu Guru : "Utu, kiapa kalamarin ngana nyanda maso skolah ?"
Utu : "Sakit, Nci !"
Ibu Guru : "Kiapa nyanda kirim surat ?"
Utu : "Percuma ! Nci kwa nyanda pernah balas...?????"
BECAK
Ada tiga nona nona dari Manado mo nae tu becak, kong bilang bagini 'pa itu
tukang becak. "Bang ! 'Tong tiga boleh...?". Kong 'tu abang manyao bagini
"Hah...?! Tong satu aja berat banget apa lagi tiga, Neng !!!!"
BAKU TINGGI PANGKAT
Ale : Kita pe papa waktu taong 1975, depe pangkat so Mayor. Skarang, so Mayjen.
Utu : ah..kalu kita pe Oom taong 1970 so Kolonel.
Ale : Berarti so Jendral skarang kang ?
Utu : Nyanda, so meninggal.
OPA DENG TOMAT
Di sekolah, Endi so terkenal lantaran amper tiap hari dia datang terlambat.
Kong suatu waktu lantaran so pasti Endi selalu terlambat maso, de pe Engku so
jaga kong mo tanya apa lei depe alasan sampe dia terlambat maso skolah hari
itu.
Engku : skarang apa lei ngana pe alasan terlambat maso sekolah pagi ini endi ?
Endi : Adoooh.., engku, kita pe keluarga ada musibah pagi ini.
Engku : Hmm... musibah apa ?
Endi : Tape Opa meninggal tadi pagi di kobong belakang
Engku : Ba apa so ngana pe Opa pagi-pagi di kobong ?
Endi : Tape mama ada suruh pete tomat for mo beking smokol,
Eeeh...tunggu-tunggu tape opa so nyanda muncul. Serta tape mama pi cek di
kobong, tape Opa so kras di sei pohong tomat, kong tu tomat so ancor dia so
tindis deng depe badan
Engku : Astagaaaaa....! Kong bagimana jo ngana pe mama waktu da lia ngana pe
opa so dalam keadaan bagitu ?
Endi : Mama langsung pigi di pasar ba beli tomat
Engku : ???
AYAM DI PURU ANJING
Oom Anton ada sementara bagale tanah kong Oom Abe, depe birman datang batanya.
Abe : Hei Anton ngana ada lia tape anjing ?
Anton : Kiapa so ngana tanya pa kita ? ngana kira kita pe karja jaga-jaga ngana
pe anjing ?
Abe : Tuangali lei, cuma tanya bagitu so bamarah. Ngana dang ada bagale apa so
?
Anton : Bagale tanah for mo kubur tape ayam
Abe : kalu for mo kubur akang ayam, kiapa dang kong pe basar skali tu lubang ?
Anton : soalnya tape ayam so ada di dalam anjing pe puru
Abe : apa tu anjing pe warna ?
Anton : Korotei
Abe : Pemaar lei....! Itu kan tape anjing ....!
KANIBAL
Alo : Hei...Utu, ngana tau apa arti kata kanibal ?
Utu : Nintau noh...
Alo : Kalu bagitu skarang kita mo tanya pangana, kalu ngana makang ngana pe
mama deng papa, orang pangge apa dang pa ngana ?
Utu : Yatim piatu noh...
KACA MATA
Tanta Ola so rasa stress, lantaran, dia kalu lia orang so sadiki babayang.
Lantaran dia pikir depe mata so rusak, dia pigi di toko kaca mata.
Pelayan : Siang tante, ada yang boleh kita bantu ?
Tanta Ola : Kita pe mata so rusak ini noh...cari akang kacamata yang pas dang
?
Pelayan : Tante so pernah pake kacamata ?
Tanta Ola : Ohh.......blum........
Pelayan : kalu bagitu torang priksa dulu tante pe mata. Mari tante, torang ke
tampa priksa.
Pelayan : Tante, ini huruf apa ? (sambil tunjung tu huruf yang sadiki basar)
Tanta Ola : Nyanda jelas noh...
Pelayan : Kalu huruf ini dang ? (Sambil tunjung tu huruf yang lebeh basar)
Tanta Ola : Masih nyanda jelas noh....
Pelayan : Ini komaling tanta huruf yang paling besar yang ada disini. Sekarang
tanta bilang, ini huruf apa ? (sambil tunjung huruf yang depe basar rupa
piring)
Tanta Ola : Sama noh...masih nyanda jelas
Pelayan : (sambil garo-garo kapala lantaran bingo) Kiapa dari tadi nyanda jelas
dang tanta ?
Tanta Ola : Kita kwa nintau babaca, ngana kase tunjung huruf. Mana kita mo tau
?
BRAPA LITER
Suatu waktu, Kale pigi pa Oom Etu pe warong. Pas sampe dimuka warong :
Kale : Oom Etu, bli roko dang...?
Oom Etu : (acuh sambil ba ator jualan)
Kale : (deng suara yang sadiki keras) Oom Etu...bli roko dang ?
Oom Etu : (masih tetap acuh)
Kale : (bataria keras skali) Oom Etu....! Bli roko dang...!
Oom Etu : (deng nada marah) Eh..Kale, baku hormat sadiki deng orang tua, ngana
pe kira kita ini pongo ? Brapa liter minya so ngana mo bli ?
Kale : ???
_____
Express yourself with over 10,000 FREE Email Smileys - click
<http://www.smileycentral.com/> here!
[Non-text portions of this message have been removed]
------------------------ Yahoo! Groups Sponsor --------------------~-->
Great things are happening at Yahoo! Groups. See the new email design.
http://us.click.yahoo.com/TISQkA/hOaOAA/yQLSAA/BRUplB/TM
--------------------------------------------------------------------~->
***************************************************************************
Berdikusi dg Santun & Elegan, dg Semangat Persahabatan. Menuju Indonesia yg
Lebih Baik, in Commonality & Shared Destiny.
http://groups.yahoo.com/group/ppiindia
***************************************************************************
__________________________________________________________________________
Mohon Perhatian:
1. Harap tdk. memposting/reply yg menyinggung SARA (kecuali sbg otokritik)
2. Pesan yg akan direply harap dihapus, kecuali yg akan dikomentari.
3. Reading only, http://dear.to/ppi
4. Satu email perhari: [EMAIL PROTECTED]
5. No-email/web only: [EMAIL PROTECTED]
6. kembali menerima email: [EMAIL PROTECTED]
Yahoo! Groups Links
<*> To visit your group on the web, go to:
http://groups.yahoo.com/group/ppiindia/
<*> To unsubscribe from this group, send an email to:
[EMAIL PROTECTED]
<*> Your use of Yahoo! Groups is subject to:
http://docs.yahoo.com/info/terms/
