Alo mPok Atun nyang bahenol, Pigimana kabarenya, apa masih betah jadi te ka we di kerajaan jiran sonoh ?, en pigimana sama gosip ntu kerajaan nyang mau di ganyang ama kerajaan jawa sinih ?, diketawa-in kagak di sonoh ?, kalo di ketawa-in nitip kepret pake tali beha mPok Atun yah......sekali ajah jangan banyak-banyak, ntar keder bisa bunuh diri gara-gara kena kepret ntu tali beha.
Mpok Atun, bulan ini katanya si uda bantat proletar Hasan Basri mau nyambang-in tempat-tempat semedi nya dulu di kapitol siti, kayaknya seh sekalian mao nyekar ama nyugih nyari elmu buat nantinya bisa dipake nyari duit di sonoh sonder banyak keluar keringet ( padahal pas musim dingin mana bisa keluar keringet yah ). Dan si uda habeh ini juga mao ngeliat mBogor si kota angkot ama kebon bangke yang sekarang udah kelilipan polisi ama polusi, dan nyang jelas seh katanya pengen sowan ke raja bolu dari gawir mBogor. Sayangnya seperti juga kayak taon-taon sebelon nya si uda habeh nyang kadung kacing calang ini kudu ajah keselipet kakinya pas udah nyampe di tujuan, jadi ajah sowan setor muka ke raja gawir Bogor bantat melulu. Kayaknya ni orang dalem an nya kudu di ruwat dulu biar ntu setan dedemit didalem badan nya pada belingsatan keluar dari dalem badan nya. ( keder juga seh nepa ke orang laen dah ). Padahal aku sebagai raja beneran nunggu in upeti lima lema luma nya tuh. Eh mPok Atun ni ari aye turun gunung juga ke kapitol siti buat nyetor muka culun aye ke warga kampung Pincen si Aliong, seru juga seh turba nya, soale di sonoh aye dapet upeti makanan tumpang sari, ama aye bisa nemu-in banyak orang-orang unik, dan aye demen beeng nemu-in ntu orang-orang, soale banyak nyang punya elmu per kuntaw-an nyang aye kagak ngerti-ngerti amat ( maklum seh aye mah raja, mana mau ngerti nyang rumet ama rubat ribet, kebiasaan di suap-in terusss ). Nyang jelas aye nemu juga orang nyang tebel muka dan orang inih ogah korupsi, padahal orang tebel muka biasanya paling demen korupsi, inih orang malah beneran kebalikan nya, pas bagian tebel muka malah nyari duit pake cara halal banget, ama modal pede nya ntu beneran dah kudu diacung-in empat jempol ( ngasih jempolnya sambil ngedapang dah ). Belonan lagi ngedengerin kisah kasih lelakon cowok nyang jatoh bangun kayak orang lagi belajar lari dialangin rintang nyang dipasang setiap meter, dimana buntutnya malah sekali loncat ntu rintangan kelewat, hasilnya ?....... tibang si udah habeh seh mental jauh dah, soale si doi mah masih cinta ama ini kerajaan padahal ini kerajaan masih acakkadut gak puguh, sedang si uda habeh mah seudah loncat cuman mewek sebentar terus loncat-loncat kegirangan kayak si otong dikasih dodol gula merah. Sayang nya aye sebagai raja badannya ntu rada-rada belagu dan emang kudu dibikin rada-rada belagu jadi ajah kudu angkat kaki sebelon kena usir si pleki nyang demen nguping buat ngegosip nge gukguk. mPok Atun sejak pagi tadi aye ngedenger gacoan aye ama junjungan aye raja diraja udah berangkat duluan nemu-in kakek moyang aye, beneran bikin aye rada-rada gimana gituh, soale di atu saat aye pengen banget ni raja cepetan ketemuan ama kakek moyang aye, disaat yang bersamaan juga ngarepin ni raja sehat afiat, pan bikin aye rada-rada mumet nyingset. Dan sekarang ternyata beneran pergi, suer dah aye jadi salting gak puguh. Bayang-in ajah semalem masang bola ajah udah ketar-ketir kwalat dan keok, eh beneran malah keok, padahal udah di itung wolak-walik pake segala elmu per sepak bola an, ntu pasangan aye dijamin bakalan menang, ampe kepikiran ni kerajaan dipasang-in juga bakalan jadi dua kerajaan. Ehhhh gak taunya beneran keok, kalo bukan kwalat pasti namanya sial daleman ( dangkalan mah masih bisa aye loncat-in euy ). Eniwe kondisi ni kerajaan sekarang ini beneran bikin aye sebagai raja bolu belingsatan dah, udah puluhan tukang bikin roti gulung tiker ( kudunya ntu tiker dilipet ngkali yah ), dan harga modal udah kesambet jin iprit nyang demen maen layangan, sedang harga jual masih tetep ke iket gak boleh ngibrit jauh-jauh, orang kate ini pan kayak kebo nyang mau di potong terus di iket dulu jadi ajah gak bisa geras gerus dedaonan. Saingan aye seh udah pada koar-koar nantang-in pindah harga ( naek harga mah masih enteng tuh ), dan aye boro-boro mau mindahin ntu harga, naeik-in dikit keq, nyesuai-in dikit keq tetep ajah ogah, soale ada kerajaan bolu laen nyang coba-coba naek harga, langsung dah kelelep ama ntu bolu nyang kagak laku......beneran rese pan. Belonan lagi.................eh mPok Atun, mata aye koq ngedadak rada-rada sepet, mendingan aye bobo dulu dah yah.. Salam buat bokap ama nyokap yah, dan jangan lupa si JeDing sekarang ini yang lagi koar-koar sesumbar di kampung apakabar kudu di godeg ama elmu pinggul bahenol biar dikit waras, soale ni orang beneran dah bisa di gorok ama kapitalis setan nyang rajanya si Bush Wuss Wuss, padahal dia ntu kentut masih di sonoh.......jangan lupa yah....ciao. ai lop yu ( bukan lop kayak pasangan nyang suka nongkrong dibawah poon lho ) sur ( busyet kenapa jadi ngantuk beeng yah ) ------------------------ Yahoo! Groups Sponsor --------------------~--> Has someone you know been affected by illness or disease? Network for Good is THE place to support health awareness efforts! http://us.click.yahoo.com/rkgkPB/UOnJAA/Zx0JAA/uTGrlB/TM --------------------------------------------------------------------~-> Post message: [EMAIL PROTECTED] Subscribe : [EMAIL PROTECTED] Unsubscribe : [EMAIL PROTECTED] List owner : [EMAIL PROTECTED] Homepage : http://proletar.8m.com/ Yahoo! Groups Links <*> To visit your group on the web, go to: http://groups.yahoo.com/group/proletar/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
