olá: debido principalmente ao desexo do autor (que seguramente vos sona o seu nome) ... lede isto ...
aburinho!! ___________________________________________________________________________ Manuel A. Fernández Montecelo (CrEqUe) <cre...@futura.interbook.net> GzLiNuX - Documentación de GNU/Linux en galego [http://gzlinux.dhs.org] GLUG - Grupo de Usuari@s Galeg@s de Linux [http://www.glug.es] k0me & C what GNU can do 4 U!! [http://www.gnu.org]
--- Begin Message ---Ola a tod@s: Preocupado pola falta de software en galego, e albiscando unha solución, escribin un artigo do cal incluo a continuación parte da introdución. O artigo enteiro pode-se atopar na seguinte páxina: http://members.xoom.com/RamonFlores/PARADISO/Computadores-galegofonos.html Son benvidas todas clase de comentários, suxeréncias, críticas, etc. Sei que nesta rolda as ideas expostas neste artigo non son novas, mais quixera facelo circular por outros foros, en plan "evanxelista", e gostaria coñecer as vosas opinións. ########### COMPUTADORES GALEGÓFONOS ################# Hai anos que os computadores entraron nas nosas vidas, e non semella que vaian abandonar-nos nun futuro próximo, senón ás avesas facer-se cadora máis omnipresentes, seguindo o mesmo carreiro que muitos outros aparellos modernos. Agora ben, a diferenza doutros trebellos, estes poden "falar" connosco, mais seica non entenden a nosa língua; primeiro falaban inglés, logo pasaron-se ao castelán mais o galego costa-lles. Non parece que este feito preocupe excesivamente nen as nosas autoridades linguísticas, nen as organizacións que defenden o galego. E penso eu, se cadra por que paso várias horas ao dia diante dun deses aparellos, que cumpre prestarmos-lle a atención que merece. A incapacidade de comunicar-nos en galego cos computadores atenta contra os nosos direitos linguísticos, ao nos obrigar a empregar de seguido unha língua quen non é a nosa, sendo ademais unha nova arma para o arsenal dos que atacan o galego pola sua suposta "falta de utilidade". Nun mundo dominado polo software proprietário, onde os copyrights impiden que os usuários poidamos adaptar o software ás nosas necesidades, e onde a falta de competéncia da lugar a que os pequenos mercados sexan ignorados, o futuro do software en galego é certamente precário. Afortunadamente para nós, é para muitos millóns doutras persoas pois a nosa situación non é nen muito menos única no mundo, as cousas estan a cambiar. O software libre está a revolucionar o mundo da informática, traendo non xa unha refolada de ar fresco, senón un auténtico furacán liberador. O software libre, tamén coñecido como software de fonte aberta, permite entre outras cousas traducir os programas, e representa hoxe en dia unha alternativa viábel ao software proprietário, con independéncia da língua, mais no caso galego representa, na miña opinión, a mellor alternativa. As nosas autoridades poderian aproveitar esta ocasión para, fornecendo software en galego á cidadania, demostrar o seu interese pola nosa cultura. Mais o mellor de todo é que neste caso as autoridades non son imprescindíbeis, ainda que loxicamente poden facilitar muito a tarefa. A tradución de software libre é normalmente unha tarefa tecnicamente sinxela, e de feito xa existen vários programas traducidos ao galego. Caso de que o leitor/a teña interese en comunicar-se en galego co seu computador, pode facer-se unha idea na seguinte páxina http://members.xoom.com/RamonFlores/PARADISO/Monte_Nebo.html onde se mostran algunhas imaxes capturadas do meu. ------------------------------------------------------------------------ ************************************************************************* Proxecto de documentación de GNU/Linux en galego [http://gzlinux.dhs.org] ************************************************************************* ------------------------------------------------------------------------ Want to send money instantly to anyone, anywhere, anytime? You can today at X.com - and we'll give you $20 to try it! Sign up today at X.com. It's quick, free, & there's no obligation! http://click.egroups.com/1/332/3/_/189875/_/946990808 eGroups.com Home: http://www.egroups.com/group/gzlinux/ http://www.egroups.com - Simplifying group communications
--- End Message ---
