Assalamu'alaikum w.w.
Bismillahirrahmanirrahim
Mamanda Mucthar Naim (maaf ambo lupo gala nan Mamak pakai)
Sabalunno ambo mintak maaf, bukan ambo basiasek, tapi iyo sabana batanyo jo mangana nan lamo.
Adopun nan ka mabo sampaikan. :
1. babarapo tahun nan lampau, dalam cara antaro Mamak jo Kamanakan wakatu itu pado siang hari di Gedung pertemuan Unversitas Padjadjaran Bandung jo di Asrama Banuhampu Jl. Cisitu Baru No 16, Bandung pado malam harino. Mamak manyampaiakan keadaan atau situasi kondisi nan dialami dek Ranah Minangkabau (Sumbar), dimano Mamak manyampaikan bahwasono sisitem pemerintahan di Ranah Minangkabau (sumbar) alah dijajah dek sistem pemerintahan dari daerh lain. Wakatu itu masih masih dalam sistem pemerintahan Desa, mungkin dek maharok Bandes nan Rp. 500.000,-, sahinggo luluah lantaklah sistem pemerintahan nan ado di Ranah Minangkabau (sumbar) nan ado sabalunno (cupak lah diganti rang panggaleh, jalan lah diasak urang lalu).
2. Kini, sitem pemerintahan alah babaliak ka sistem Nagari, nan sasuai jo perda nan dibuek Pemerintah. Baa mangko Kamanakan katokan sasuai jo Perda nan dibuek Pemerintah ? karano Kamanakan masih maragukan, apokoh alah bana (batua) Sitem Pemerintahan Nagari nan ado kini ko jo Sitem Pemerintahan Nagari manuruk Sistem nan balaku dalam Adaik Minangkabau. Hal iko alah pernah pulo Kamanakan sampaikan dalam Mubes Perantau Agam di Lubuak Basung sasudah Hari Rayo kapatangko, tapi jawek nan dapek adolah, "iko alah bana (sasuai) jo Perda" titik. (nan kato sambuanganno jo sistem pemerintahan Adaik indak dijawekno doh)
3. Mamak ! kapatangko ado pamilihan Wali Nagari salah satu Nagari di Agam, dimano, partamo Wali Nagari akan dipiliah dek masyarakaik Nagari tu, kabatulan nan banyak kadicalonkan adolah 2 (duo) urang Panghulu (Datuak), Mancaliak kaadaan sarupo iko, mako salah surang dari Panghulu nan ado di Nagari tu mamintak rapek kapado saluruh Panghulu , untuak mambicarokan pamilihan Wali Nagari, mako disinan :
babaju kusumbo lusuah, pakaian rajo tigo jurai, tanunan Puti di Ulakan, dapeklah paham nan saukua, batamo bana nan sasuia, nan kok bulek buliah digoloangkan, pipih nan buliah dilayangkan, isino : daripado awak nan sabagai Niniak Mamak dipaadu-adukan dek kamanakan, mako kni awak basamo nan manantukan sia nan kajadi Wali Nagari, sasudah itu baru disampaikan kapado masyarakat, ikolah nan jadi Wali Nagari pilihan kami sabagai Niniak Mamak.
Hal hal hasil, saluruh masyarakat manarimo, karano Bak Pituah Mamak juo : kamanakan barajo ka Mamak, Mamak Barajo ka Panghulu .. dst. Apo nan diputuihkan oleh Niniak Mamak (Panghulu) ditarimo dek anak kamanakanno. iNdak jadi dilaksanakan pamilihan langsuang dek masyarat doh Mak !
4. Hal iko Kamanakan sampaikan jo tanyokan karano raso-rasono lai bahubuangan jo nan Mamak sampaikan yaitu masalah SDM.
Dari nan kamakan sampaikan diateh cako, kirono Mamak dapek manyampaikan, ba a bana nan sabana no sistem Pemerintahan Nagari nan bana (batua) manuruk Sistem Adaik, atau ba a nan racak sistem pemerintahan nan kadilakukan di Ranah Minangkabau ?
Mamak, kini alah tajadi puo bacaka antaro kampuang jo nagari, nan mungkin pulo diakibaikkan indak ado urang nan balaku sabagai Niniak Mamak tu lai, antah kok niniak ngangak nan banyak, wallahu'alam !
sakitu dari Kamanakan, sakali lai kamanakan mintak maaf, saandaino ado kato nan salah jo jangga, atau Mamak tasingguang kalo ka naiak, talendo jikok katurun, nan dihati kamanakan hanyolah manyampaikan kagalauan (nan marusuah) nan kok siang jadi angan-angan, malam tibo jadi rasian.
Sutan Bandaro Labiah
karajono babelok pulo Mak
Mochtar Naim <[EMAIL PROTECTED]> wrote:
Sanak Irdam nan ambo muliakan,
Salam ka sanak jo ka sadonyo,
======= maaf bakuduang saketek
Dalam banak tu ado aka. Brain,
Mac! Kato si cowboy tu. Brain. Brain. Artinyo SDM.
Salamo Sumbar malengahkan brain nan manjadi
andalannyo salamo ko, jan diarok Sumbar ka bangun.
Matipun amuah. Tapi caliaklah Singapura, Japang,
Korea, Taiwan, Israel. Punya apa mereka dsari segi
SDAnya. Tapi, oo waik, mereka bukan sajo maju tapi
bahkan manguasoi dunia. Singapura nagari pulau nan
sagadang lapek tu malah menguasoi dan mengendalikan
ekonomi dan perdagangan Indonesia dan bahkan Asia
Tenggara. Dari Singapura dikendalikan ekonomi
Indonesia kini, dan bahkan Asia Tenggara.
Nah, nasib awak ko indak tagantuang di urang. Tapi
tagantuang di awak sandiri. Ambo tagalak katiko ado
kawan nan mananyokan tentang perimbangan keuangan
Pusat dan Daerah, di mano DAU Sumbar labiah 50 % dari
pusat. Itu kan awak masih bapikia dalam bingkai lamo:
katergantungan ka pusat. Co pesong arah kiblat tu.
Bukan ka pusat tapi ka kaniang tu. Pesong
utak.Puta
utak. Angkatkan kemampuan SDMnyo.Jan jadi urang
pandia juo, tapi jadilah jadi urang pandai.
Cadiak-candokio. Urang pandia sukonyo cuma
manggantuangkan diri ka urang. Urang pandai nyo pandai
cari jalan sendiri. Tapi iyo, untuak itu harus kerja
keras. Hiduik badikik-dikik. Hemat dan memandang ke
depan. Kalau urang Cino Singapura sajo bisa, manga
urang Minang nan mangatokan dirinyo cadiak, ndak bisa.
Apa sesungguhnya yang kita perlukan di Sumbar dalam
manantang matoari ke depan itu? Tidak lain: Ariak
diri. Bangihi diri. Lalu buka baju, sinsiangkan
langan. Karajo kareh lah di tampaik tagak awak
masiang-masiang. Dan untuak itu perlu ada kesediaan
untuk bekerjasama. Saayun salangkah. Sahilia-samudiak.
Nama nan panciluah, ariak. Katoi. Nan manyalengkang
kasi sanksi. Nan korupsi, gantuang. Kadia di awak.
labiah baiak mambunuah nan surang tu demi untuk
menyelamatkan sekian ribu dan sekian juta nan lain nan
tidak
basalah.
Nah, sanak, iko nan mangecek baru ambo nan dhaif ko.
Baa pulo di sanak.
Tarimo kasih. Jazakumullah khairan katsiran. MN
O iyo, tolong dipajaleh, nomor calon bara ambo
garan? 20 atau memang 22. Nan disampaikan ka ambo
sabalunnyo 20. Tolong dibantu mampajaleh sanak. Maklum
awak sadang manggaleh babelok ka rantau, tu rantau nan
jauah di mato tu: Ann Arbor, Michigan, USA. Tapi insya
Allah akhir Feb atau awal Maret pulang. Insya Allah.
-
Yahoo! Messenger - Communicate instantly..."Ping" your friends
today! Download Messenger Now____________________________________________________
Berhenti/mengganti konfigurasi keanggotaan anda, silahkan ke:
http://groups.or.id/mailman/options/rantau-net
____________________________________________________
