Assalamualaikum WW Mamak Muchtar Naim nan terhormat. Tarimo kasih ateh perhatiannyo atas kebutuhan dikampuang kami (awak), mudahan usaho nan mulia tanpa pamrihko dapek imbalan pahalo oleh Allah SWT. Amiin.
O .... iyo, dek ambo labiah sapuluah tahun labiah muda dari mamak, iyo indak tapek mamanggia pak doh. Panggia sajolah jo namo, mungkin labiah akrab. Kalau ka mamanggia gala jadi juo, gala ambo Patiah (St. Parapatiah). Satantangan mendatangkan guru Bahaso Inggirih untuak mambari semangat jo gengsi pesantren awak dikampuang, iyo santiang bana tuh. Ambo alah mahubuangi MUS dikampuang mbo, sangat batarimo kasih bana uarng tu. Apo lai guru nantun bisa datang sandiri jo biayanyo sandiri. Iyo pucuak dicinto ulam tibo bana. Mudahan sumbangan urang Amerika tu dibari pahalo nan malimpah dek Allah SWT. Satantangan penginapannyo dikampuang indak masaalah bagai doh. Apo lai mereka tu namuah manarimo rumah jo keadaan dikampuang. Kabatulan pulo MUS Canduang ko sadang marintis penginapan Syariah. Dengan memanfaatkan rumah nan ditingga marantau dek pemiliknyo. Jadi iyo aso dikakaok duo tigo utang tabaia, sakali mandayuang duo tigo pulau talampaui. Satantangan pengayaan silek dosen silek di Uni Michigan nantun, bisa pulo kami usahokan guru silek nan ado di Canduang, tambah banyak hubuangan kebudayaan duo bangsa dari duo arah permukaan bumi dan jo budaya nan jauah babeda tu. Disiko baru taraso bana pepatah urang gaek awak, "duduak rami balapanglapang, duduak sandiri basampiksampik. Iyo taraso lapang kini tuh mah mamak. Jadi kami tunggu perkembangan salanjuiknyo dari mamak. Kok harus kami bakomunikasi jo mereka dalam bahaso inggirih tapathpatah gai bisa juo. Tolong kecekkan ka calon volunteer nantun bahaso kami ingin bakomunikasi jo sanak dibaliak bumi nantun. -----Original Message----- From: [EMAIL PROTECTED] [mailto:[EMAIL PROTECTED] Behalf Of Mochtar Naim Sent: Thursday, January 08, 2004 12:10 AM Pak Zul dan Pak Darul, Ba Apak ambo ruponyo saharusnyo. Maaf kalau ambo lah salah panggia. Ambo lah ditegur dek Mak Bandaro. Maklumlah di nagari nan ambo tumpangi kiniko sado urang basabuik namo. Lupo nan bahaso awak ko urang Minang. Nan rang sumando tu tetap urang sumando nan harus dihormati. Bagaimanapun. Pak Zul dan Pak Darul, Ndak segera ambo baleh email Bapak kaduonyo. Ambo jo urang rumah kabatulan malakukan perlawatan spiritual ka Selatan, yaitu ka Orlando jo ka Atlanta. Baa caritonyo bialah ambo tuangkan dalam sebuah travelog nan ambo lampirkan di siko: "Perlawatan Ruhani ke Selatan." Dalam perjalanan ko kami basuo jo seorang muslim nan katiko tu inyo jadi Khatib di musajik Atlanta. Kami lalu sempat berkenalan dan setelah carito-carito inyo suami-isteri basadio datang ka Parabek ataupun ka Canduang maajakan Bahaso Inggeris, sebagai native speaker. Bahkan nyo bisa maajakan Bahaso Arab, sabab inyo fasih berbahaso Arab. Inyo sikola di Yaman. Inyo dilahiakan dari keluarga Kristen, tapi waktu inyo baumua 7 bulan, kaduo urang tuonyo masuak Islam, dan inyo lah dididik sacaro Islam. Nan mareka ko dari keluarga African American, atau negro caro saisuaknyo. Malah kini jadi Imam dan Khatib. Inyo sangat alim dan sangat tawadhu`. Umua baru 28 tahun. Isterinyo kurang saketek umuanyo dari itu. Isterinyo ko sabalun kawin adolah Kristen dan indak dibuliahkan dek rang gaeknyo masuak Islam. Tapi kalau hidayah datang, ndak ado nan bisa maambek. Tapi untuak partamo kali ko inyo baru bisa datang salamo musim panas nan ka datang, muloi Juni. Nah, nan ambo tawarkan ka mereka hanyolah sekadar housing dan biaya makan. Nan lain-lain inyo tangguang sandiri. Kalau lai berkenan di Apak nan baduo, proceed lah. Kirimkan malalui ambo atau langsuang ke nyo undangan resmi dari Parabek ataupun Canduang. Namonyo: Khalil abdur-Rashid, isterinyo: Marsha, dan Emailnyo: [EMAIL PROTECTED] Phone: (770)603-3284 atau (770)490-1062. Lalu brother in law nyo, jadi suami kakak perempuannyo malah labiah fasiah pulo bahaso Arabnyo dan basadio pulo datang ka Parabek atau ke Canduang. Samantaro tu kamipun sadang malakukan panjajakan dengan seorang guru silat Minang, Waleed namonyo, warga Amerika, asal West Indies atau somewhere begitu, Islam taat, bahkan guru tarekat, untuak datang ka Sumbar mambuka pusat-pusat pelatihan silat Minang di madrasah-madrasah, nan bisa dimuloi di Canduang dan Parabek. Rasonyo silek Minang ko paralu diiduikkan baliak di surau-surau, khususnyo di sikola-sikola agamo saparati di P dan C ko. Nah, murik-muriknyo nan ka nyo kirimkan ka mari bisa pulolah maajakan Bahaso Inggerih ka anak-anak murid awak. Kalau lai disetujui ambo lanjutkan. Dan Waleed ko baraja silek ka guru-guru silek di Sumbar. Jadi anyo lah biaso datang ka Sumbar. Dan anyo kini manjadi guru silek di Univ of Michigan ko. Bayangkan, silek diajakan di universitas di Amerika. Dan merekalah punyo jaringan silek di seluruh dunia. Silek Minang! Bukalah website silek mereka. Cari saja di Google: Silat, begitu. Nan jaleh kami lah harus pulang akhir Feb nan ka datang, dek karano panggilan pemilu sebagai calon DPD. Jadi kalau bisa samantaro kami masih disiko, andaknyo adolah nan bisa kito gaet dari AS ko. Wassalam, Mochtar Naim ____________________________________________________ Berhenti/mengganti konfigurasi keanggotaan anda, silahkan ke: http://groups.or.id/mailman/options/rantau-net ____________________________________________________
