Assalamu'alaikum w.w.
calak-caak kaganti asah, pananti tukang nan tibo,
sabalun jaleh bana nan kadibantu, ijinkan ambo untuak manyampaikan pandapek saketk banyakno.
Imbauan DATUAK hanyolah disampaikan kapado Panghulu, nan lah dtinggikan sarantiang, didahulukan salangkah, alah sapakaik kaum, dilewakan pulo di nagari. Salain pado panghulu nan dimukasuk diateh cako, iyo indak ado urang nan diimbau sabagai DATUAK doh.
Kalau alah ditagakkan gala DATUAK, mako kito nan basamo haruslah "manyuruak bungkuak, malompek patah" aratino kito nan basamo indak buliah manyabukkan namo ketek baliau lai doh, tamasuak Mamak dari DATUAK tu, Kamananno, karib karabat kasadono. Kalau kito lah tahu bahaso baliau ko alah jadi DATUAK tapi kito tatap maimbau jo namo ketekno, mako kito bisa kanai dando barupo marabahkan / mambantai kabau. Hal iko alah tajadi kiro-kiro 3 bulan nan lalu.
Jadi, kalau kito maimbau DATUAK, hanyolah untuak nan alah ditagakkan gala.
Mancaliak dari nan disampaikan diateh cako, raso-rasono, imbauan DATUAK KETEK, untuak adiak dari DATUAK ambo kiro iyo kurang tapek.
Paralu pulo ambo sampaikan, disabagian Nagari awak, ado puloi imbauan datuak bagi urang nan alun diangkek sabagai datuak, disinan hampia satiok laki-laki biaso diimbau jo panggilan datuak, jadi datuak disiko mukasukno adolah imbauan untuak laki-laki (biasono bairingi jo namo aslino / ketekno, umpamo : Datuak Yus dll)
Sakian dari ambo, nyampang kok alun katabantu, bialah, tapi nan paralu nak disampaikan pulo pandapek go eh.
talabiah takurang, rila jo maaf nan dimintak
Bandaro Labiah
Nasrullah Idris <[EMAIL PROTECTED]> wrote:
Saya sedang mengapresiasikan kata TuTek (Datuk Ketek), yaitu panggilan
seseorang kepada adik dari datuknya.
Mohon dibantu ya...
Salam,
Nasrullah Idris
____________________________________________________
Berhenti/mengganti konfigurasi keanggotaan anda, silahkan ke:
http://groups.or.id/mailman/options/rantau-net
____________________________________________________
Yahoo! Messenger - Communicate instantly..."Ping" your friends today! Download Messenger Now
____________________________________________________ Berhenti/mengganti konfigurasi keanggotaan anda, silahkan ke: http://groups.or.id/mailman/options/rantau-net ____________________________________________________
