Assalamu'alaikum wr wb', Yth. Sanak RN dan Moderator, Kebetulan ambo ikuik juo salah satu komunitas lainnyo (rato2 sanak juo punyo labiah dari satu komunitas), kebetulan di situ moderator nyo sangek pamberang, begitu anggota agak manyimpang dari netiket, beliau langsuang mambari tahu dan indak sagan kadang2 juo langsuang mancoret dari keanggotaan, dan kadang2 manampilkan baliak isi dari etiket2 itu sendiri baliak, untuak diperhatikan. Karano ambo alun tahu, baa kiro2 disiko caro mainnyo, tantunyo iko akan manambah karajo untuak sanak moderator atau uda Miko yang selalu akan tapaso to monitor or to control it what the topic is running well (antah iyo batua inggris nyo antah indak ko, yang penting baraja dan indak malu2), tapi tujuan ambo adolah bia sasamo awak indak batangka (mungkin batangka ko soal biaso) takuiknyo urang memanfaatkan keadaan awak ko yang kadang2 menuruik mereka lapeh kontrol.
Ambo marasokan keinginan untuak mambaco komunitas2 minang ko sangek kuek (mungkin sanak juo), mungkin magnetnyo gadang bana ko, sampai2 kalau dipaturuikkan akan mambuek karajo tabangkalai, apokah itu manandokan cinto kampuang (harus diuji dulu mungkin). Tapi kini ambo alah agak pandai saketek mancari waktu, kalau istirahat baru ambo bukak atau kalau alah habih jam karajo, takuiknyo gaji yang ambo makan beko indak jadi berkah, karano dipakai bukan untuak bakarajo (sasuai niat dan bunyi kontrak, terutamo kontrak hiduik dengan Allah), kalau hadist nyo memang ambo indak tahu do, sanak Rahima dan sanak lainnyo pasti tahu. Demikian suaro sumbangko, kalau salah kato mohon di moohkan, kato urang kampuang ambo. Wassalam, Syahril. NB: Alah lamo indak mandanga saluang dan manonton randai (terakhir di Solok tahun 70an), kalau kaset saluang bialah ambo cari di tanah abang, mungkin banyak, kalau ado sanak yang baminat / manitip, ambo akan malabiahkan mambalinyo dan akan ambo kirimkan ka alamaik masiang2, tapi kalau randai mungkin harus pulang kampuang dulu lah yau, artinyo manunggu nopember, lamo bana ko. > -----Original Message----- > From: Isna Huriati [SMTP:[EMAIL PROTECTED] > Sent: Monday, February 16, 2004 7:22 AM > To: Komunitas MINANGKABAU (Urang Awak) Pertama di Internet (sejak 1993) > Subject: Re: Re ( 2 ): [EMAIL PROTECTED] Seputar tanggapan permasalahanTragedi > Mina ( Haji ) > > Assalamu'alaikum wr wb' > Tata Tertib Rantau Net . Tinggal klik > <http://groups.or.id/mailman/subscribe/rantau-net> > ____________________________________________________ Berhenti/mengganti konfigurasi keanggotaan anda, silahkan ke: http://groups.or.id/mailman/options/rantau-net ____________________________________________________
