Assalamu A'laikum W.W. Ambo takana baliak wakatu partamu kali baraja Pancasila tahun 1972. Nan paliang masuak di hati ambo apo nan disampaikan Pak Dosen adolah bahasnonyo "Pancasila itu tata urutannyo "hierarkhis piramida". Aratinyo nan diateh nan paliang santiang, indak buliah dibaliak-baliakan, apo lai kapalo ka kaki, badan ka kapalo, dst. Wakatu itu ambo jadi bapikia, bahasonyo sila "Ketuhanan Yang Maha Esa" alah mancakup kasadonyo. Wakatu ambo sampaikan dengan manggunokan pendekatan agamo nan ambo anut(Islam), baliau sangat satuju. Balakangan sasudah bakarajo, ambo alah 4 kali panataran P4, dan panah pulo diimbau 4 mato dek Inspektur kantua ambo tahun 1980, (Kolonel nan kini lah almarhum). Sababnyo ambo mambahas dalam pidato ambo "Efek Negatif Dari Pembangunan" (judul no.9/paliang akhir kok lai nan takana), menggunoan pendekatan "culture lag". Ambo kecekkan kiniko labiah banyak pambangunan fisik dari mental, sehinggo pamanfaatannyo indak maksimal, aratinyo ado mukhaluak Allah di Indonesia ko, tarutamo di pedesaan indak tau apo gunonyo nan dibangun, sikola dibangun di hutan (ambo panah di Kalbar 5 tahun), gunonyo adolah untuak kandang jawi, karano paja umua sikola disitu indak bara bana doh. Ambo sarankan, utamokan juolah pambangunan mental, maisi utak, informasi nan dibarikan agar dapek maisi kapalo (kognisi) urang Indonesia, untuak apo gunonyo nan dibangun tu. Indak asal jadi, proyek asa salasai dst-dst (kan lai poaham tu dst-dst nantun). Baliau (Pak Inspektur tu) mangecekkan indak buliah mambahasnyo bantuak itu, namonyo kito manalanjangi program pamarentah. Ambo badebat jo baliau sakitar satangah jam. Walaupun sacaro ilmiah baliau maakui, tapi indak buliah dibao ka nan rami. Nampak bana wakatu itu "kemunafikan" pejabat kito, (mungkin kini masih banyak barangkali yo?). Akibatnyo ambo indak jadi dapek juaro ciek, tapi turun jadi juaro duo.
Nan kaambo sampaikan disiko sabananyo adolah bahasonyo panataran P-4 tu iyo samo sajo jo indoktrinasi, (kecek ayah ambo samo jo Manipol-Usdek dulu,)indak samo jo apo nan dibahas di bangku kuliah. Ciek lai nan paralu, kalo kito lah bapegang jo "tali Allah", iyo indak paralu (atau kurang paralu = saketek euphimis) Pancaslia tu. Itu nan pasti manuruik pandapek ambo. Sakian sajo, kok lai pangalaman nan lain buliah juo batuka kito. Tarimo kasih. Wassalamu A'laikum W.W. Hanif Hoesin, Dt. Panduko Nan Gadang (52) __________________________________ Do you Yahoo!? Yahoo! Mail - More reliable, more storage, less spam http://mail.yahoo.com ____________________________________________________ Berhenti/mengganti konfigurasi keanggotaan anda, silahkan ke: http://groups.or.id/mailman/options/rantau-net ____________________________________________________
