Assalamu'alaikum w.w.
Niniak Mamak, Alim Ulamo, kaum Bapak, Cadiak Pandai, Bundo Kanduang, Sidang RN.
Hari salasa kapatangko, tanggal 30 Maret 2004, jam 20.00 sampai salasai, batampaik disalah satu Stasiun Radio, alah diadokan partamuan antaro Caleg DPR, DPRD jo pandanga radio. Caleg nan tibo antaro lain Samuel Koto dari PAN, Zulkarnaen Jabar dari Golkar, Irwandi dari PDIP dan ado nan lain, tapi ambo lupo. Dalam partamuan nantun kapado Caleg-2 dibarikan wakatu untuak manyampaiakan pamikiran, ide nan kajalankanno kalau alah jadi Angleg. kapado pandanga nan datang atau pun malalui talipon , buliah pulo mananyokan sagalo sasuatu nan takana, tantuno manyangkuk pemilu ko.
talapeh dari tanyo jawab atau panyampaian pamikiran, ado nan positif nan ambo ambiak wakatu dalam partamuan tu, yaitu sia nan kadipiliah diantaro dunsanak awak nan jadi caleg tu ? kajawab di Caleg-caleg tu adolah : Kalau Dunsanak alah mantap kamamiliah PAN, mako cucuaklah gambar Partai PAN dan namo Samuel Koto, kalau alah jaleh ka mamiliah Golkar, tusuaklah Gambar Partai Golkar jo namo Zulkarnaen, baitu pulo sataruihno. Jan dicucuak Gambar Partai Golkar sarangkek jo namo Samuel Koto, baitu pulo sabaliakno, jan ditusuak Gambar PAN basamaoan jo namo Zulkarnaen Jabar, karano dianggap bata suaro tu.
Baitulah kajadian nan ambo ikuk-i pado malam tu, sasudah acara tu, baru kami bagurau basamo-samo sampai subuah.
Jadi nampak badunsanakno urang awak wakatu itu, indak saliang manyalahkan, atau manampakkan / adu santiang doh.
Sakian sajo. salamaik mancucuak pado tanggal 5 (kalau jadi).
Wassalamu'alaikum w.w.
Bandaro Labiah
Yahoo! Messenger - Communicate instantly..."Ping" your friends today! Download Messenger Now
____________________________________________________ Berhenti/mengganti konfigurasi keanggotaan anda, silahkan ke: http://groups.or.id/mailman/options/rantau-net ____________________________________________________
