Assalamualaikum WW Sanak Ad nan kini sadang bagumbira saat pulang kampuang.
Mudahan pulang kampuang kini dapek mambuek hati nan sanang dan penuh kegembiraan. Juo handaknyo dapek mambuek sesuatu nan bararti buek urang Minang dan Minang itu sandiri. Rancaklah awak muloi dari lapangan tenis Halim di hari Minggu tu. Nan indak main tennis juo rancaklah datang kasitu. Mudahan tabantuak suatu kesan nan indak dapek dilupokan dan berkelanjutan dimaso nan kadatang. Nan lai ado waktu dan kesempatan di harti Minggu pagi, muloi jam 06:15 s/d jam 09:00, rancaklah mancogok kalapangan tennis dibulakang RSPAU ko. Kami tunggu. Wass. WW Darul -----Original Message----- From: Adrisman Yunus [mailto:[EMAIL PROTECTED] Sent: Friday, April 02, 2004 2:32 AM To: Dewis Natra; 'Komunitas MINANGKABAU (Urang Awak) Pertama di Internet (sejak 1993)'; [EMAIL PROTECTED] Nismah Rumzy Cc: Bandaro; 'Darul'; 'Miko'; 'Nofen'; 'Iraf'; 'Ronald. Putra'; [EMAIL PROTECTED] Subject: RE: Reminder Tennis - Insya Allah uda Adrisman akan hadir. Assalamu'alaikum wr. wb. Mamak, sanak jo bundo kasadonyo. Ondeh iyo lai kasanangnyo hati ambo pulang kiniko, iyo taraso bana saroman pulang kakampuang, uda jo adiak sarato mamak jo bundo lai manyambuik, kalaulah saroman iko sadonyo urang kampuang awak tantulah urang rantau acok2 juo pulang, indak tabang habih sajo, lupo sanak, lupo kampuang. Insya Allah, kalau nan kuaso mengizinkan awak bisa basuo beko di Bogor atau di Halim, iko iyo duo tampek nan pernah jadi kenangan di ambo, terutamo waktu ad masih samo samo karajo jo mak ban di lauik jawa dulu. Ad barencana katingga di Ina 2 atau 3 minggu, kalau sagalonyo lancar mungkin taruih pai kacino dan pulang ka houston, tapi kalau indak, mungkin akan baliak ka Ina bulan Mei. Jadi nampaknyo awak punyo banyak waktu bisa maota, chit-chat atau kongkow2 beko, terutamo jo bundo dan mamak2 nan ambo hormati, sarato sanak jo adiak2 di rangmudo, walau awak alun pernah basuo, mudah mudahan pertemuan awak beko bisa sebagai jalan untuak mampaarek tali silaturahmi nan alah ado diantaro kito. Untuak mak darul jo pak ridwan, maaf ad indak sempat manelpon, insya allah kalau ad kajakarta ad hubungi mamak baduo. Untuak bundo tarimo kasih jo salamnyo, alaika alaihissalam, salam2 pulo dari ad untuak bundo jo ayah dirumah. wassalam Adrisman nb. apokah ronal chandra alah ado pulo di jakarta..?, untuak hendra bialah da ad karumah hendra sabtu mendatang. ____________________________________________________ Berhenti/mengganti konfigurasi keanggotaan anda, silahkan ke: http://groups.or.id/mailman/options/rantau-net ____________________________________________________
