Assalamu'alaikum Wr. Wb. Dun sanak, uda-uda, uni-uni dan mamak-mamak kasadonyo ado satu hal tantang hukum jua bali nan ambo kurang jaleh hukumnyo dalam agamo kito.
Masalahnyo baiko : Si Pulan usahonyo Jua Bali Barang Sacaro karedit, Si Pulan ko maambiak barang di Toko A, Satiok ado urang (si X) nan kamambali samo si Pulan tadi salalu di ajak ka Toko A itu bia urang tu bisa mamiliah langsuang barang apo nan inyo ka tuju dengan caro pembayaran kredit ka Si Pulan tadi. Barang nan diambiek dek urang itu tadi dibaie sacaro tunai dek si Pulan ka Toko A, dan si X itu tau harago tunainyo. Jadi baa manuruik agamo kito ko transaksi jua bali kredit barang antaro Si Pulan (urang nan mamberi kredit barang) jo Si X (urang nan manarimokredit barang tu) kalau harago nan dibaie dek Si X ko dinaikan dek Si Pulan sabanyak 35% dari harago tunai. Karano ambo pernah mambaco bahwasanyo dalam jua bali tu indak buliah ado dua harago pada barang nan samo saat bertransaksi. Demikian lah caritonyo, semoga dun sanak kasanonyo bisa manjalehkan ka ambo, bia hati indak ragu-ragu lai manjalankannyo. Tarimo kasih. Wassalam, Afriadi ____________________________________________________ Berhenti/mengganti konfigurasi keanggotaan anda, silahkan ke: http://groups.or.id/mailman/options/rantau-net ____________________________________________________
