Wa'alaikumsalam wr.wb., Taruih awak musti baa? Awak musti barani manganaan ka baliau-baliau nan jadi wakia rakyaik tu, kok lai nan tipak di dunsanak, atau kawan atau kanti, supayo ijaan kisok bana. Jaan cangok bana, kana salero nan ka mangabek badan isuak, kok indak di dunia ko di akhiraik.
Ambo mancaliak iko bagian dari proses 'demokrasi' nan mudah-mudahan jadi palajaran rancak untuak baliau-baliau nan basumangaik untuak jadi wakia rakyaik. Salah-salah ambiak, salah-salah awai, dimasuakan urang badan ka kandang si tumbin. Ari Satu malam kapatang kami mangaji di musajik. Sasudah pangajian, ustad nan maagiah kaji tabao pulo jo ota fulitik saketek. Baliau batanyo, lai kolah nan tau, taun 55 saisuak baa caro urang gaek awak bafulitik. Karano katiko itu rasono indak tadanga urang main pitih ladoh. Pamimpin-pamimpin fulitik tasabuik pengamal hidup sederhana nan sabana-banano. Ado Perdana Menteri katiko itu nan dasi sajo basalang. Tapi kini? Baa mangko sagalo jo pitih. Ado kawan ambo di kantua. Sato jadi caleg ka patangko. Indak tambuih. Untuak kampanye jo iko itu sabagaino tandeh juo pitih 40 jt. Hasia akhia, indak tapiliah. Ambo mawanti-wanti. Kok tapiliah angku, tantu ka sipak sintuang pulo agakno nanti, paliang indak untuak manjapuik pokok nan alah tandeh tu. Kecek no insya Allah indak. Kini dek indak 'jadi' tantu iyobana indak agakno. Walaahu a'lam. Wassalamu'alaikum wr.wb., Lembang Alam --- Z Chaniago <[EMAIL PROTECTED]> wrote: > Assalamu'alaikum WW > taruih awak musti baa ? > > > > Wassalam > Z Chaniago - Palai Rinuak > -http://photos.yahoo.com/bada_masiak/ ===== St. Lembang Alam __________________________________ Do you Yahoo!? SBC Yahoo! - Internet access at a great low price. http://promo.yahoo.com/sbc/ ____________________________________________________ Berhenti/mengganti konfigurasi keanggotaan anda, silahkan ke: http://groups.or.id/mailman/options/rantau-net ____________________________________________________
