Assalamu'alaikum Wr.Wb.
Talalai ambo mambaleh Pak Zul Amri ! maklumlah , namono manggaleh babelok, ampia sarupo jo limau anyuk, dima tasakek sinan bamalam.
Tarimokasi banyak, alah batarimo ambo di Dangau, sasudah itu lah babaok pulo ambo ka Rumah Makan "Adinda". Iyo lapeh taragak awak jadino, apolai wakatu maota jo "etek" sarato jo Yusril. lah kalua kato-kato "usali" nan salamoko alah banyak nan indak mamakai.
Kapado Sidang RN, paralu pulo ambo sampaikan, ambo dibaok makan Pak Zul Amri di RM Adinda, nan punyo Pak Zul Amri. disiko ambo makan jo samba spesial (indak balatakkan di Paluang doh) tapi samba nan babuek khusus untuak urang dapua, yaitu Randang Buruang Marpati, onndeeee sabana sero, apo lai ditambah jo Lado Mudo Maco Bada sarato Taruang Uok Tarung, indak dapek nan kadisabuk, tunjuak manunjuakkan rasono, nan jano Randang, randang nan lamak, nan jano Lado, lado nan santiang, nan Taruang indak pulo amuah kalah, kecekno, taruang nan sero. Mulo-mulo ambo usak-i nasi nan diambiakkan dek anak Pak Zul Amri, tapi kasudahanno manyasa ambo mausak-i, dek karano taraso bana "garamno", Daripado manjadi panyasalan, tapaso ambo ambiak baliak nasi patambuahan, bialah sagan saketek jo Pak Zul Amri sarato jo Etek. ha ha ha. (tabukak pacokian ambo yo Pak Zul Amri ?
Kalau ado Sidang RN nan ka mancubo, raso bisa dipasan ka RM Adinda, (kan lai buliah yo Pak Zul Amri ?)
Tarimokasi banyak Pak Zul Amri ateh panarimoan ambo di Bali, salam sajo untuak Etek sarato kaluarga. Insyallah wakatu nan katibo diulang baliak.
Wassalamu'alaikum Wr.Wb.
SBL
zul amri <[EMAIL PROTECTED]> wrote:
zul amri <[EMAIL PROTECTED]> wrote:
Assalamualaikum wr.wb:Alhamdulillah , ambo lah basobok ( kopi darat ) jo sanak kito Zulhendrif Sutan Bandaro Labiah kapatangko sawakatu baliau ko manggaleh babelok ka Bali . Iyo sabana lapeh taragak ambo dek batamu jo baliau ko , karano lah lamo bana kasampatan ko ambo tunggu tunggu . Tarimo kasih banyak ambo ucapkan kasanak SBL , dalam kasibukan baliau mauruih 1400 orang tamu masih sempat bakunjuang katampek ambo .Wassalam : zul amri piliang .
Do you Yahoo!?
Friends. Fun. Try the all-new Yahoo! Messenger____________________________________________________
Berhenti/mengganti konfigurasi keanggotaan anda, silahkan ke:
http://groups.or.id/mailman/options/rantau-net
____________________________________________________
Yahoo! Messenger - Communicate instantly..."Ping" your friends today! Download Messenger Now
____________________________________________________ Berhenti/mengganti konfigurasi keanggotaan anda, silahkan ke: http://groups.or.id/mailman/options/rantau-net ____________________________________________________
