Assalaamualikum, Wr. Wb. OOOii rang kampuang!
Salam khusus ambo tujukan kapado sanak Sukmawat, Dian; Captain Darul M., Jiran ambo di Cijantuang dan Angku Syahrial Yoenus. Pak Darul, tarimo kasi sambutannyo; Angku Syahrial tarimo kasi "for sharing", dan Sdr. Dian, ambo ingin malapeh unek-unek tahadok nan disampaikan salah satu Cawapres tu.
Ambo sangat satuju jo komentar barisi pasan "Pak Ical, "Orang sebaik itu perlu di dukung" wakatu baliau mambicarokan M. Amien Rais. Sayang sakali ado komentar, atau panjalehan, kalau ini benar, dari cawapres Amien, yaitu kiro-kiro babunyi "...tidak usah negara nan maatur pelaksanaan syariat Islam..."
Ambo takuik Siswono indak baitu jaleh jo apo nan disabuiknyo doh. Usul ambo untuak Pak Siswono, dan untuak sia sajo nan sadang bausao nan jadi pamimpin dari negara nan isinyo labiah dari 87% urang Islamko:
1. Pabanyaklah ingek Allah; ingeklah baraso Allah maha mandanga dan indak palupo.
2. Ingeklah baraso pandapek sakuler adolah datang dari nagari Baraik. Di baraik urang indak saroman awak baagamo doh. Jan sampai urang itu maajakan parinsip nan salah, tapi mantang-mantang urang-urang baraik sadang "diateh" kito sato-sato pulo bapikia sarupo mareka.
3. Kalau Pak Sis indak sabana tau paralu atau indaknyo negara maatur pelaksanaan syariat Islam, labiah baik diam.
4. Ambo raso Urang saroman Pak Siswono patuik diingekkan oleh Amien Rais, maupun oleh siapo sajo nan bisa.
5. Sapandia-pandia urang baretong, tantu sajo "Winning the heart of the Majority of this people" labiah elok dari " Creating their resentment, let alone disappointment".
Batu sanak. Last, but not least ambo akan reiterate apo nan dikecekkan Pak Ical dan maniru struktur kalimat baliau:
Ical: "Orang sebaik itu perlu didukung"
Al: "Syariat sebaik itu wajib didukung dan dijunjung" .
Angku Syahrial, tadinyo ambo maraso kato "aba" itu alah ilang; tanyato masih ado, tarimo kasih. Mungkasuik ambo:
Jan sampai "diantak ABA", yaitu jan sampai awak kanai panyakik dari urang-urang nan "ABA"--Asal bukan Amien tadi. Ambopun satuju jo akronim Angku: "ABA"--Ada Baiknya Amien.
Alberi Putra Bachtiar Chaniago
Yahoo! Messenger - Communicate instantly..."Ping" your friends today! Download Messenger Now
____________________________________________________ Berhenti/mengganti konfigurasi keanggotaan anda, silahkan ke: http://groups.or.id/mailman/options/rantau-net ____________________________________________________
