Assalamu'alaikum Uni Yanti!
Dari caritonyo nampaknyo lebiah tapek ambo panggia Uni karano menuruik hemaik
ambo umuanyo labiah tuo dari ambo. Ambo lulusan Sasing Unand th.1997 (masuak 1990).
Ooo...jadi Uni Yanti pernah bakarajo di ProRLK yoh. Berarti kami bisa banyak manimbo
ilmu
jo pangalaman ka Uni Yanti. Kami iko disiko masih paralu banyak baraja lai dan kami
butuh
urang-urang sarupo Uni untuak itu. Iko alamaik ProRLK yang ambo dapekkan, semoga Uni
bisa
malapehkan taragak Uni samo kolega-kolega Uni yang ado di ProRLK dulunyo: Gedung
Bappeda
Lt.3, Jl.Khatib Sulaiman No.1, P.O.Box 146, Padang, Sumbar, 25001. Telpon
(0751)55332,
58403 Faksmimili (0751)51591. Uni bisa kontak pulo via e-mail : [EMAIL PROTECTED]
Untuak mampatahankan visi, misi dan 'mimpi-mimpi' kami iko iyo indak mudah doh Uni.
Dalam
hal pembentukan dan penguatan organisasi tani misalnyo, kami harus berhadapan jo sikap
mental, budaya dan karakter 'materialistic-oriented' dari para petani yang alah
tabantuak
dalam waktu yang cukuik lamo dan panjang. Indak saketek dari petani/kelompok tani yang
kami kunjungi mamandang sabalah mato terhadap ide dan semangat iko. Katiko kami datangi
(ataupun yang datang ka tempek kami begitu mandanga tentang SPSB) banyak yang batanyo :
bara kredit yang bisa kami dapekkan dari SPSB? bisa ndak SPSB mambantu kami mandapekkan
bantuan modal? bisa ndak SPSB mambantu untuak mandapekkan traktor? dsb., katiko kami
jawek
bahwa SPSB bukanlah agen kredit atau bantuan dan kami katokan bahwa sabananyo mereka
bisa untuak mengatasi dan mamanuahi masalah itu, banyak yang menanggapi: "ah, apo pulo
gunonyo kami bagabuang jo SPSB", "...ah teori nyo seh mah tuh, dimano pulo kito bisa
punyo
modal, kito iko bansaik..." Yah...baitulah kiro-kiro sebahagian tantangannyo. Kami
indak
manyalahkan ka mereka jo kondisi sarupo iko. Dalam situasi sarupo iko, biasonya kami
lapehkan sajo mereka itu untuak manyampaikan apo yang ado dalam pikiran dan
perasaannyo,
kemudian sambia maota lamak (kadang saharian sarupo yang uni karajokan dulunyo itu)
kami
cubo untuak labiah mampajaleh dan mampadalam makasuik ide jo gagasan kami dengan
manggunokan contoh dan ilustrasi sederhana, yang kiro-kiro mudah diserap dan
dimangarati
dek mereka (seperti matematika sosial yang pernah ambo sampaikan sabalunnyo). Kami juo
mangajak mereka untuak bahituang jo bakali-kali sacaro sederhana dalam badiskusi dan
maota
tersebut. Misalnyo di sebuah kelompok yang ado di Agam dimano anggotanyo lumayan banyak
juo (sekitar 200 urang) karano gabungan dari beberapa dusun, kami ma ajak mereka itu
bahituang dan bakali secaro dialogis: "...apokah barek dek bapak-bapak untuak
mangumpuakan
pitih iuran saribu saminggu...kalau lai indak barek berarti dari 200 urang anggota kito
bisa takumpua pitih 200 ribu saminngu dan sabulan 800 ribu...tigo bulan...6
bulan...satahun..., itu baru pitih nan ta kumpua, alun pulo kalau pitih iko bisa
'diputa'
pulo dek pengurus".
Caro iko indak langsuang efektif juo doh. Alah kariang aia ludah awak, lah abih pulo
rokok
duo bungkuih, nan umpan iko indak juo dicatuih dek ikan. Kami menyadari sapanuahnyo
kalau
hal iko butuah waktu dan proses nan panjang. Untuak itu paralu kesabaran, energi dan
stamina nan labiah. Seperti kelompok yang ado di Agam iko, yang lai mancatuih dan
tertarik
ka ide dan gagasan iko pado awalnyo hanyo 4 urang sajonyo. Dari pertemuan, diskusi dan
dialog kami salamo babarapo bulan, dari 4 orang ikolah mulai terbentuk organisasi (nan
4
urang iko, dek saking samangaiknyo, namuah bamalam babarapo hari di sekretariat kami).
Kiniko anggotanyo ado 400 urang. Uang kas kelompok dari iuran rutin anggotanyo alah
bajuta
(kadang pengurusnyo iko bilo ka padang lah pakai mancarter oto pulo bagai).
Alhamdulillah,
kelompok iko alah mulai menuju kapado sebuah kelompok yang cukup ideal. Namun demikian,
jalan pengembangannyo masih cukup panjang. Kami secaro kuntinyu masih harus mendampingi
kelompok iko, membantu mereka untuk menyusun dan menyempurnakan aturan dan tata tertib
organisasi, memastikan bahwa pertemuan rutin kelompok lai taruih dijalankan sebagai
sarana
kontrol bagi anggota ka pengurus dan juo agar dalam kelompok iko suasana dan mekanisme
diologis partisipatifnyo senantiasa tajago dan tabangun, mendampingi mereka dalam
menyusun
program dan agenda kerjanyo, membantu pengurus untuk mambuek pambukuan keuangan yang
baik,
mambantu pengurusnyo untuak mambuek semacam database kelompoknyo (databse iko mamuek
infomasi yang salengkap-lengkapnyo : masalah-masalah yang ado, potensi yang dimiliki
seperti kalau ado anggotanyo yang basawah, bara lueh sawahnyo dan bara hasilnyo satiok
kali panen, kalau punyo taranak bara ikua. Kamudian juo mamuek bara urang dari anak
anggotanyo iko yang putuih sakolah basarato alasannyo. Bahkan kalau bisa database iko
juo
mamuek kabutuhan-kabutuhan dari anggotanyo seperti bara banyak inyo paralu gulo, minyak
manih, dsb dalam sabulan. Informasi iko bisa digunokan dek pengurus untuak 'mamuta'
pitih
iuran kelompok, dengan iko mereka bisa mambalinyo langsuang ka agen/grosir dan bisa
mandapek harago yang labiah murah dek karano mambali kolektif/jumlah banyak sahinggonyo
anggota bisa mambali harago yang lebiah murah dan kas kelompok bisa batambah dari
keuntungan penjualan. Gadangnyo prosentase keuntungan penjualan iko harus dibicarakan
dan
disetujui dalam rapat rutin kelompok). Database iko (dan juo database dari kelompok
yang
lain) akan kami gunakan pulo dalam menyusun dan mambuek agenda karajo SPSB.
Dalam pengembangan dan penguatan organisasi iko, kami juo harus melakukan pendekatan
yang
logis dan realistis. Kami tidak manyatokan ka para petani bahwa kredit dan bantuan itu
haram dan indak buliah ditarimo oleh petani karano pitih mamitih iko adolah faktor yang
cukup penting. Namun, hal yang paralu ditekankan itu adolah bahwa kredit atau bantuan
itu
bukanlah sagalo-galonyo, bahwa kalau kito indak mandapek kredit atau bantuan dari orang
lain bukan berarti kito iko indak bisa babuek apo-apo samo sekali. Yang paling pantiang
itu adolah kebersamaan dan kekeluargaan yang bisa diwujudkan melalui organisasi yang
kuek
dan kredibel. Melalui organisasi yang kuek iko nantinyo sacaro basamo-samo akan lebih
mudah bagi kito untuak memenuhi kebutuhan keuangan iko. Sacaro sederhananyo, dengan
bakumpua dan basamo kito mencarikan modal, bukan dengan adonyo modal kita bakumpua dan
basamo.
Panjang juo caritonyo yoh...paralo di 'doping' pulo saketek koh mah...lai ado teh talua
tuh Mak?
Sagitu dulu lah. Hari lah jam satangah ampek pagi. Bisuak ambo ka barangkek pulo ka
Payakumbuah (Rimbo Data) mandampingi dan membantu petani disinan untuak lapeh dari
kabek
sistim ijon. Ado yang ka mamasan Galamai jo Bareh Randang?
Wassalam,
BUDI K.
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
=================================================
Subscribe - Mendaftar RantauNet Mailing List, kirimkan email
Ke / To: [EMAIL PROTECTED]
Isi email / Messages: subscribe rantau-net email_anda
Unsubscribe - Berhenti menerima RantauNet Mailing List, kirimkan email
Ke / To: [EMAIL PROTECTED]
Isi emai / Messages: unsubscribe rantau-net email_anda
=================================================
WebPage RantauNet http://rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
