|
Assalamu'alaikum wr.wb.
Mambaco sarato mandanga kaba harago padi/bareh nan
manjujuik turun samapai-sampai Rp. 100 sakilo untuak padi, iyo ibo hati awak dek
no. Baa kok baitu Mak. Sabab tabayang di ruang mato adi-dunsanak ambo nan
usahono batanam padi nan taibo, sabab wakatu batanam lah dirancang hasianyo
untuak kamambali sasuatu. Tapi rupono rasaki nan alun kasakuih.
Takana di ambo wakatu kenek-kenek dulu, inyiak ambo
punyo sawah nan hasianyo kiro-kiro total 200 belek, kamudian baparak, mananam
gabelo jo lado, alhamdulillah baliau bisa manyikolaan anak-anak no minimal
tamaik SLTA. Tapi kini cubo di test apokoh jo hasia padi sakitu bisa hiduik
manyikolaan paja ??? Kalau indak aratino awak tu mundur bukan maju.
Ambo batanyo, apo tu sabab nyo
Maaaaaaaaaaaaaaaaaaaaaaaak.???
Salam,
dn
|
