-----Original Message-----
From:
Sjamsir Alam <[EMAIL PROTECTED]>
To:
RANTAUNET <[EMAIL PROTECTED]>
Date:
Monday, April 10, 2000 5:11 AM
Subject: [Rantau-Net] TELKOMNET
MASUAK PADANG
Ma sagalo adidunsanak jo anak
kamanakan,
Assalamu'alaikum w.w.
Sajak sakiro sapakan nan lalu ko, lah
batambah ciek lai labuah gadang ka cyberspace ko dari Padang. Kok
salamo ko ado tigo, Meganet, Indosatnet jo Wasantaranet, kini telokomnet lah
masuak pulo.
Iko bisa jadi labuah alternatif, kok labuah
nan golong biaso nyampang macet. Labuah ko saroman jo jalan tol, kok lalu
awak kiun, awak baia 150 rp/minik, lah tamasuak pulsa telepon, dan
dimasuakan ka dalam rekening telepon bulan di muko. Indak ado biaya
abonemen. Indak ado pendaftaran, apo lai biaya pendaftaran. Sia nan punyo
bindi, pandai manjalankan bindi tu di labuah ko, nio masuak, pakai. Indak
masuak indak mambaia.
Tapi susahnyo, telkomnet indak manyadiokan
fasilitas imel, jadi kok nak ka lapau tapaso manumpang ka free webmail. Awak
disarankannyo mambuek account di ***@telkom.net nan punyo POP3 (kecek kawan
maota di lapau sabalah bisa dibaco offline saroman jo Outlook Express,
dll.), tapi sasudah ambo cubo mangirim 3 tes kiun, tetap sajo indak bisa
ambo baco offline. Mungkin ambo nan begok. Sia anak kamanakan jo adidunsanak
nan bisa manunjuakan ka ambo, baa caronyo supayo awak bisa mambaco sacaro
offline di webmail nan lain POP3 ko? Atau free webmail a nan lai bisa dibaco
offline?
Mangkoambo batanyo bana, dek nampaknyo,
sasudah dietong-etong sewo bindi ko tiok bulan, iyo agak randah kok mamakai
labuah baru ko. Jadi mungkin untuak pansiunan takarak aleh saroman ambo ko
mungkin iko alternatif baimaik snek.
Mokasi banyak labiah
dulu,
mS
Nurman mam baleh
Assalammu 'alaikum... Mak sati
Ambo kini lah mampagunokan Telkom net juo
mak.
untuak Imil , Mamak bisa nampang jo Yahoo.com sajo
bisa di baco ofline
Incoming Mail (POP3 ) server : pop.
mail.yahoo.com
Outgoing Mail (SMTP) Server :
smtp.mail.yahoo.com
Account Name / login Name : Tasarah
Mamak
ambo raso cuma itu nan bisa ambo sarankan
Salamaik mancubo , tapi ambo raso telkomnet ko agak
lambek dari indosat
Wassalam
Nurman
