On Mon, 24 Apr 2000, Dedi N. wrote:
>
> Assalamu'alaikum wr.wb.
> Rupono ota ko lah salah kaprah lo komah Ustadz, tapi walau
> salah kaprahno lai manganai untuak dijadikan sabagai panambah-nambah
> ilimu. Apo lai kalau nan maagiah tanggapan dari sanggahan tu adolah
> ustadz Khairi. Lamak cingkunek no, indak taraso kupi paik angek
> tasasok,
> diparuik se dingin no :):). Jadi manuruik ambo lanyau se lah ustadz...
> Salam,
> dn
-------------------
Minta ampun ambo, ambo kalau ka di LANYAU 'pemimpin' bialah lari. :-)
Mambana kami urang padusi...
Tapi kalau di pikia-pikia bana, justru hal-hal semacam ikolah, satu dari
sekian banyak contoh, nan ingin kami hapuskan dengan jalan emansipasi. Baa
supayo kami kaum padusi ndak saketek-saketek di 'LANYAU' pemimpin kami.
Babeda pandapek, kaum padusi dianggap pantas di LANYAU. Ndak katuju apo
nan dikatokan atau karajokan urang padusi, urang maraso berhak ma LANYAU.
Kami diharokkan manuruik kato-kato kaum pemimpin, Insya Allah, kami
turutkan...
tapi apokah itu juo merupakan suatu pembenaran bagi laki-laki untuak ma
LANYAU ? Disiko lah sabananyo 'starting point' gerakan emansipasi nan
kini hangat didiskusikan masyarakat tu.
Apokah iko merupakan suatu potret sederhana kehidupan nan manggambarkan
bagaimana 'pandangan' (sebagian) urang laki-laki tahadok kami kaum padusi?
Wallahu'alam, ambo bukan laki-laki, jadi ambo ndak barani men'judge'.
Jawaban nan sabananyo ado di hati urang laki-laki nan manjadi pemimpin
kami.
Tapi sabalun kami ka tuan 'lanyau' juo, (apokah itu sakadar bagarah,
manggaragak, atau memang baniat sabananyo :-)), cubo awak babaliak ka
pangka masalah, apo sabananyo nan awak diskusikan.
Diskusi kito muloi katiko sanak mampatanyokan apo bana nan kami minta
dalam emansipasi. Katiko surang jo ba duo kami urang padusi mangamukokan
pandapek, mungkin ado nan satuju, mungkin indak.
Tapi picayo lah...
Kami mangamukokan pandapek kami untuak didiskusikan. Indak manyiapkan diri
untuak dilanyau :-)
(Tagalak ni Dedeh tadi sambia makan gulai tunjang di muko TV jadinyo :-).
Kami mangamukokan pandapek, kalau kironyo apo nan salamoko kami karajokan
memang batua, batambah yakin kami jo apo nan ka dikarajokan. Kalau tanyato
salah, disitulah kami mangatokan kami butuah bimbingan urang laki-laki,
minta pandapek, mintak bimbingan (bukan mintak lanyau) ... :-)
Dan tolong ijinkan kami juo mencernanyo jo pikiran kami apo sabab jo
akibatnyo, janganpok oknyo di larang, atau pokoknyo disuruah, tanpa ado
penjelasan.
Mudah-mudahan dengan kami ungkapkan apo nan ado di pikiran kami kaum
padusi, samo-samo batambah tahu apo sabananyo diinginkank aduo belah
pihak, sahinggo kalau ado kepentingan nan berbenturan, bisa didiskusikan
jalan kalua nan labiah elok....
Tapi antahlah yo.... mungkin dek ambo urang awam, ambo sendiri masih
baraja mancari kebenaran itu sendiri....
Dan itulah manuruik ambo gunonyo diskusi..( tapi jan lanyau urang padusi).
Silakan lanjuikkan den sanak-sanak nan lain, ambo pribadi tapaso ikuik
diskusi sampai di siko, tanggal 7 Mai bisuak kami ujian akhir semester,
jadi ndak ado wakatu untuak balaruik-laruik jo emansipasi... :-)
Ambo minta tarimo kasih ka Uda Khairi jo sanak-sanak nan lain nan lah
maagiah masukan jo pemikiran. Kalau ado kato-kato ambo nan salah, ambo
minta maaf...
salam
Anak Dusun
http://lapau.rantaunet.web.id
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
=================================================
Subscribe - Mendaftar RantauNet Mailing List, kirimkan email
Ke / To: [EMAIL PROTECTED]
Isi email / Messages: subscribe rantau-net email_anda
Unsubscribe - Berhenti menerima RantauNet Mailing List, kirimkan email
Ke / To: [EMAIL PROTECTED]
Isi emai / Messages: unsubscribe rantau-net email_anda
=================================================
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
