On Mon, 24 Apr 2000, Khairi Yusuf wrote:
.....
> Aratinyo, kalau awak iyo ingin juo maajak mereka ko ka jalan nan ditunjuak
> kan dek Allah swt. lewat Muhammad Rasulullah. Iyo batanyo kito ka badan diri
> kito baliak. Lai capable kito ndak ?. iko untuak urusan dunia ko, lai katasuok-i
> sasuok pagi jo sasuok patang ?. Kalau indak baa aka ?, alah talangga kewajiban
> manuntuik ilimu, alah talangga kawajiban "bekerjalah kamu" dalam ayat
> "Faidza faraghta fanshab, wa ilaa rabbika farghab",
> "bila selesai satu urusan maka kerjakanlah urusan lain, dan hanya kepada
> Tuhanmu sajalah kamu berharap" (Alam Nasrah 7-8).
> Kan iyo barek tu, taruih tarang ambo kecekkan nan iko iyo agak kurang kini.
> Raso tangguang jawab, sudah tu nan diayat 8, hanya kepada rabbmu sajalah
> kamu berharap, aratinyo sacaro kasa bakarajo tanpa korupsi. Dan nan
> labiah-labiah kurang pulo lai di nan kaduo, soal lai batua atau indak nan
> kadituruik tu. Kalau kalimaik ibuk tu diateh, "minimal dari suduik pandang
nan
> awam", kalau dek ambo ... indak caritonyo doh, dari suduik pandang agamo kito
> tinjau.
> Sabab pandangan awam indak ka maagiah mudharat jo manfaat ka kito doh.
Haa.. batua tu... nan sabana nyo...
Dek karano ambo memang urang awam, jadi nan ambo kamukokan manuruik
pandangan awam, kini bialah kami (urang padusi) 'manambah'
permintaan. Kok ka maja, mambimbiang, mamimpin kami, tolong ka nan batua
manuruik agamo, ndak cuma manuruik pandangan awam, sahinggo kami nan
lah awam juo ko indak batambah salah jalan... :-)
> Tapi agamo maagiah pahala dan dosa, agamo maagiah "reward" jo punishment. Aa
> pulolah nankadijawek katiko ditanyo dek Tuhan Allah, "baa caro kamu maaaja
> keluarga ?". "Lai jo pitih halal baagiah makan anak jo bini ?".
> ...Lai katajawek di kito tu, kok indak sasuai jo agamo ?. Kan iyo juo ambo
> kecekkan, indak diagiah minta ancit kita dek rang padusi ko ko doh.
Olalaa... Kanda oi...
Kami urang padusi ko banyak nan takuik jo 'ancit', ado urang mamintak,
rancaklah diagiahkan ... (eh 'ancit' ko mancik?)
Bukannyo kami ndak namuah maagiah 'ancit', tapi tujuan kami urang padusi
mangamukokan kenyataan dan perasaan nan mungkin salamo ko cuma kami
kunyam-kunyam sapihak. Tapi dengan kami diskusikan jo kaum laki-laki tu,
permasalahan dan ganjalan-ganjalan salamoko di kadua belah pihak bisa
dicari jalan kalua nan batua, dan mamuaskan semua pihak.
Juo bukan menggugat, tapi memang kami (tamasuak ambo pribadi),
merasakan bahwa disadari atau tidak, kadang-kadang kami mengkaji suatu
permasalahan pakai 'kaco mato kudo'. Kalau nan ka dikaji tentang sesuatu
dari sisi negatifnyo, yo bana itu se nan dikaji, itu se nan ditonjolkan
dan dipermasalahkan, seolah-olah nan positifnya nol koma nol.
Sementara kalau nan ka dikaji sesuatu dari sisi nan elok/positif, lalu
sengaja atau tidak, manutuik mato terhadap segala kekurangan nan ado dan
efek nan mungkin timbul. Makonyo kami mancubo maagiah 'counter example',
sahinggo diskusi jadi labiah barimbang.
Tapi memang ambo mangajinyo dari pandangan umum. Kalau nan ka manunjuakkan
dari segi agamo, bukan ambo urangnyo....
> >Tapi nan jaleh, kami ingin dihargai sasuai jo kamampuan kami. Kalau memang
> >kami ingin berkarir di lua rumah, sepanjang kami ndak malupokan posisi
> >kami sebagai 'Ibu', why not ?
>
> ...Hmm, jadih monah, tapi ingek buk, kalau indak ado izin suami indak buliah
> do buk. Why not kecek ibuk, dek Tuhan Allah indak buliah, tu kamanga awak ?.
Iyo....
Why Not nan ambo mukasuikkan kan juo bukan 'hantam kromo', makonyo sangajo
indak ambo sabuik, pokoknyo diijinkan atau dilarang suami ...jalan...!!!
Bukan...
Justru ambo katokan 'why not' sebagai 'argue', sahinggo
ambo sertakan contoh jo alasan, untuang-untuang jadi pertimbangan lebih
lanjut bagi kaum pemimpin tu sabalun manyuruah atau malarang kami babuek
sesuatu. Kalau lah banyak masukan dari kami urang padusi sendiri, Insya
Allah, kami kan jadinyo indak ka talarang ka nan elok, atau tasuruah ka
nan salah.
Dan dek lah tahu permasalahan kami, kalaupun ka malarang/manyuruah, tantu
lah punyo gambaran dan caronyo, sahinggo kami disadari atau indak, jo
sanang hati se manuruik.
Jadi nan mambimbiang sanang dek bimbingannyo patuah, nan dibimbiang juo
sanang karano di'treat' dengan caro nan lamak, karano apo nan
disuruah/dilarang tu kami malakukannyo tanpa merasa dipaksa.
> Kalau lai ateh saizin urang nan mamimpin, buliah tu buk, kama sajo urang
> padusi buliah melanglang buana, indak ado nan malarang, tapi ciek nan tadi
> dipenuhi, izin suami. Baa mangko baitu.
> Eh, ndak usah soal bajalan nan dipakecekkan, baibadah nan jaleh-jaleh dapek
> pahalo bantuak puaso sunat sinayan jo kamih, kalau indak dizinkan indak
> buliah. Baitu ajaran ugamo buk. Dituruik atau indak, tasarah.
Rasonyo ko eh.... sasuai uraian ustadz juo...
Justru di situ tantangan buat kaum pemimpin, baa supayo maagiah
pertimbangan dan ajaran nan bana. Indak asal larang, atau asal suruah.
Tapi sasuai jo pandangan awam, eh... plus agamo...
Sahinggo kami malakukan apo nan disuruah pemimpin tu indak jo kabarinyik
kaniang, apokah itu karano indak mangarati atau indak setuju...
Kalau memang nan mambimbiang tu jaleh manunjuakkan arah jo tujuannyo,
logis maajakan baa mangko indak, baa mangko iyo, sasuai jo agamo. Masuak
dipangana kami alasan-alasan nan dikamukokannyo.
Kalaupun kami akhirnyo disuruah mamiliah "Dituruik atau indak, tasarah",
Insya Allah kebanyakan kami kaum padusi akan mamiliah nan partamo.
Sanang malah hati kami kalau dibimbiang masuak sarugo... :-)
Alaaah... lah panjang pulo....
salam jo maaf
Rita
> Oiii lah panjang bana pulo, alah dulu tuu.
> Wassalam
>
> Khairi Yusuf
http://lapau.rantaunet.web.id
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
=================================================
Subscribe - Mendaftar RantauNet Mailing List, kirimkan email
Ke / To: [EMAIL PROTECTED]
Isi email / Messages: subscribe rantau-net email_anda
Unsubscribe - Berhenti menerima RantauNet Mailing List, kirimkan email
Ke / To: [EMAIL PROTECTED]
Isi emai / Messages: unsubscribe rantau-net email_anda
=================================================
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
