----- Original Message -----
Sent: Saturday, April 29, 2000
10:47 PM
Subject: [Rantau-Net] GAJI ANGGOTA
DPRD SUMBAR Rp. 10 juta labiah
Assalamu'alaikum wr.wb.
Ambo mandanga barita di TV babarapo hari ko
satantangan protes masyarakat dek karano gaji anggota dewan "nan
indak masuak di aka". Ado nan mangecek-an Rp 8 juta, dan di TPI
tadi pagi mangecekan Rp. 13,5 juta dan bujet nan disadioan untuak tu
adolah Rp. 11 M. Cubo sanak bandiangkan jo APBD sumbar nan indak labiah
dari Rp. 300 M (kalau ambo indak salah). Alasanno nan ambo danga, adolah
karajo anggota dewan kini sangaik barek.
Iko kan jaman reformasi. Jadi
sagalo nan lamo direformasi, tamasuak gaji anggota DPR/DPRD. Gaji nan
lamo direformasi, diganti jo gaji nan baru, dek anggotanyo baru. Dek
kini "aden nan mamacik, suko ati den, manga lo awak nan
seso?"
Nurman manambah
Ambo tambah kan saketek Mak Sati ....
Kalau dibandiangkan dengan nan dulu , mereka ko memang
karajonyo barek Mak
kalau dulu kan karajo mereka kko kan cuma batapuak
tangan , ma angguak -
angguak , lalok , marokok , sudahtu KUR
....Satujuuuuuuuuuuuuuuuu.
Kalau kini kan indak lai mereka harus bapikia
......
ba a nan kaelok untuak
dirinyoo.
tapi lai tapikia dek mereka tu , kalau lah nanti lah
Otonomi Panuah , lai ko
tatuik APBD tu .......
Saitu sajo nyo Mak sati ...
Oh iyo Mak .... nampaknyo kini ko di palantako
sarupolah ado pajanjian
nan mudo - mudo , kan baitu yo Mak sati
....
Wasalam
Nurman
Rupono anggota dewan awak ko, iyo hanyo
mamikiakan kesekahteraan no surang. Dilain pihak disakaliliang no
batebaran anak urang nan busuang lapa, nan minta sidakah, nan indak
punyo dangau tampek balinduang dllsb.
Tiok urang kan mamikiakan
dirinyo dulu, sudah tu diri bininyo, anaknyo, kamanakannyo, kawannyo,
kampuangnyo, dan sagalo urang nan bakatauan jo inyo. Soal urang nan
bansaik takarak aleh, nan busuang dek lapa, nan lalok di koloang
jambatan, dsb., itu kan urusan eksekutif.
mS