Assalamu'alaikum wr.wb.,
Iyo nyiak, itukan:
Jikok dikaka daun mangkudu
Jatuah badarai si bungo lado
Jikok dikana nan daulu
Jatuah badarai si aia mato
Kuretapi cako nyiak, masih ambo tompang pai sikola tahun 69 dari Biaro
sampai ka stasiun gadang. Ambo sikola di Birugo. Tiok Satu jo Rabaa
acok talaik masuak sikola, dek kureta manantiaan amai-amai dari Baso,
Canduang, Panampuang, Balai Gurah, Lasi.
Taun 74 ambo pulang kampuang, rasono lah ndak ado kuretapi lai doh.
Sajak itu pulo, stasiun jo stoplat lah barubah jadi kadai, jalanno lah
ditimbun urang.
Bendi masih ado tapi saroman kini lah banyak manambang kota, indak
dapek awak naik bendi dari Biaro ka pasa lai doh, kacuali kalau sabana
bakandak bana alias amuah mancarter.
Caritoko agak balain komah. Ambo agak baangan-angan, pabilolah kaado
di nagari awak kuretapi nan labiah elok pado nan saisuak. Lah salamoko
mardeka alun ado ciek juo mantari nan bapikia nak mambuek jalan
kuretapi sapanjang pulau Sumatera. Baik Emil Salim atau Azwar Anas nan
samo-samo panah jadi mantari perhubungan, ndak tagarak ati baliau doh.
Antah dima kolah salahno.
Wassalam,
Lembang Alam
______________________________ Reply Separator _________________________________
Subject: Re: [Rantau-Net] Membangun Kereta Api Kalimantan
Author: [EMAIL PROTECTED] at Internet
Date: 5/10/00 4:57 AM
Kok di awak? Jalan di asak Urang Lau, Cupak dialiah Urang Panggantang.
Wakatu ambo pulang partamu kali tahun 1985 dahulu sasudah 20 tahun
batualang di Nagari Urang, ado parasaian ambo sakali di Aua Tajungkang.
Ambo hilang aka di Aua Tajungkang, indak tantu jalan ka pulang. Dicari
Sitoplat Koretapi Aua Tajungkang indak ado lai, Jalan Koreta alah ditumbun
Urang. ..
Di cari bendi ka Biaro, indak sikua juo kudo nan tampak, kusia nan sisuak
indak ado lai. Tan Katik, Tan Danan, Tan Bulah kusia-kusia ambo ka Biaro
saisuak indak ado lai. Bendi kawan-kawan Rang Panampuang nan saisuak agak
suko pulang labiah malam indak ado pulo nan tampak. Ari lah sajo ujan
rinai-rinai pulo.
Pai ambo ka parantian oto ka Payokumbuah saisuak untuak manyetop oto nan
dari Padang. Tapi oto nan dari Padang indak lalu ka sinan lai. Lah lalunyo
mamutuih dari Tarok ka Pakang Ladang. Pai ambo ka Simpang mandiangin kok
lai oto malam nan lewat Lambaou dari Tarok. Ditunggu-tunggu malam lah
batambah laruik juo, ujan batambah rinai juo. Durian tigo disuok tigo
dikida lah batambah barek juo.
Sadang manunggu di Simpang Lambau/Mandiangin tu ambo caliak jalan koreta
api, batambah mancucua aia mato ambo maengong kasuao ka kito, maagaki
maratoki kaadaan Nagari Awak, Jalan Koreta Api Ditimbun Urang.....
-- Inyiak Sunguik
At 2:24 AM +0200 5/10/00, Dave SAIB wrote:
> Assalamu'alaikum wr.wb.,
>
>
> Mukasuikno bilo pulo kadimuloi di awak, manyatuan sajak dari Banda
> Aceh ka Banda Lampuang, lalu di Bonjo, di Bukiktinggi, taruih ka
> Sijunjuang ka Lubuak Linggau. Kan baitu nyiak? Baano kok inyiak
> cubo-cubo mancari nan kaamuah jadi banda di sinan?
>
> Nan masih tingga kini iyo nan dipusakoan van Stakenborgh juo lai, nan
> alah rarak tiok suduik.
>
>
> Wassalam,
>
>
> Lembang Alam
>
>
>
>
>
LAPAU RantauNet di http://lapau.rantaunet.web.id
Isi Database ke anggotaan RantauNet:
http://www.egroups.com/database/rantaunet?method=addRecord&tbl=1
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
=================================================
Subscribe - Mendaftar RantauNet Mailing List, kirimkan email
Ke / To: [EMAIL PROTECTED]
Isi email / Messages: subscribe rantau-net email_anda
Unsubscribe - Berhenti menerima RantauNet Mailing List, kirimkan email
Ke / To: [EMAIL PROTECTED]
Isi emai / Messages: unsubscribe rantau-net email_anda
=================================================
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
