[Rantau-Net] AWAK : Kalau Individu Rancak, Tapi Kalau Tim Payah

[Dedi N.]

Assalamu'alaikum wr.wb.   Ado babarapo urang pakar (ambo lupo namo no) nan mangato-an baraso bangsa Indonesia ko kalau hal-hal nan basifat individu banyak nan berhasil, tapi kalau lah bakumpua dalam tim jarang nan sukses. Contohno dalam bidang olah raga, bulu tangkis, catua, angkek basi nan cukuik sukses; kudian main imban, basket, poly, dlsb nan agak payah. Kalau dibidang usaho, kalau usaho tu CV atau PT lailah agak lumayan, tapi kalau nan namono koperasi lah 55 taun mardeka masih jauh taicia.   Masalah ko, kecek pakar juo, disababkan dek kito didik (disikola mukasuik mbo) labiah banyak dalam mamacahkan masalah sacaro individu. Caliaklah mato pajalaran awak, kabanyaan maapa dan mangarajokan PR surang-surang dirumah. Jarang kito disuruah baraja bakalompok, atau disuruh mamacahkan masalah sacaro bakalompok. Kalau pun ado itu kabanyakan diadokan extra kurikuler. Ambo takana jo sistem dan dibuek dek SMA I Padang kiro-kiro sakitar tahun 80-an mudah-mudahan samapi kini masih ado. Di SMA ko satiok siswa wajib maambiak salah ciek dari kegaiatan extre kurikuler nan diadokan sikola , mis Pramuka, PMI, OR, Kesenian dan di absen. Dan harus mambuek kalompok baraja mingguan dan diabsen dek ortu dima nyo baraja tu. Hasia no wakatu tahun 84 kalau ambo ndak salah siswa SMA I banyak ( labiah dari 75% lulusannyo) nan di tarimo di PTN dalam dan luar daerah.   Dilapau ambo caliak banyak pakar, mungkin bisa di uleh apo resep supayo kito sacaro Tim juo bisa tokcer/hebat gitu.   Salam, dn