muhammad dafiq saib manulih :
>
>>>Maha benar Allah, maha benar Rasulullah.
>>
>> Di nan iko, Mahabenar Allah, bana rasulullah.
...(....).....
>Kan baitu? Antah kok indak sasuai angku Khairi?
>
>Wassalamu'alaikum wr.wb.,
>
>Lembang Alam
Wa'alaikum salam.w.w. yaa akhii.
Jazakumullah khaira.
Sabananyo bana indak ado masalah do Sutan, kalau lai bapandangan sarupo itu.
Nan ambo takuikkan adolah sesuatu yang tajadi jo ummat Nasrani, ataupun kaum
yang menuhankan 'Ali kw.
Dan rasonyo jo Sutan indak pulo ado nan paralu dipakatokan bana dalam hal iko.
Cuma, colok-colok ganti asah kecek urang, panunggu Tukang alun tibo, cubo pulo
Sutan danga dari ambo he he he he.
Dimulai jo pemanggilan ka Sukarno dan rajo Malaysia, itu alah salah gadang,
manuruik ukuran ambo (ukuran ambo go eh). Sabab nan berhak untuak gelar-gelar
itu hanyolah Allah swt. sajo.
"Qul 'audzubirabbinnaas, Malikinnaaas".
Kecekkanlah, ambo balinduang jo Tuhan manusia, Rajo manusia.
Hanyo Allah swt. sajo nan berhak mamakai gelar tu. Kalau ado pulo disandangkan
ka nan lain gelar Sri Baginda Yang Mulia, bahkan sampai Baginda Rasuul, rasonyo
alun pantas lai dek karano masih manusia juo nan indak luput dari kesalahan.
Kok diadokkan ka ambo kato-kato Akbar dalam bahaso Arab.
Dalam terjemahan ka bahaso Inggeris (kito cubo pulo caliak jo bahaso lain),
kato besar adolah great, tapi untuak Akbar diterjemahkan The Most Greatest.
Sudahlah greatest batambah pulo jo The Most, tapi iyo baitulah nan dapek
manyandangkan raso ke Mahabesaran Allah swt. tu. he he he he.
Sebab julukan Al-Mutakabbir (Yang Maha Sombong) dalam asma ul-husna hanyo berhak
disandang dek Allah swt. Dalam bahaso Arab nan ambo tahu kato besar indak Akbar
ciek sajo do, kabiir atau kabiirun juo berarti besar, azhiim juo berarti besar.
Dan untuak Tuhan dek urang Arab diagiah kato Akbar nan berarti The Most Greatest
tadi, itu sababnyo Nabi Ibrahim as. bakato sarupo itu.
Baliak kito ka pangka, bahaso Muhammad saw. adalah manusia biasa. Dikecekkan
dalam Al Qur'an,
"Wamaa Muhammadun illa rasuuul ...."
"Dan tidaklah Muhammad itu melainkan hanyalah seorang utusan...dst."
('Ali Imran...)
Dalam hadits disampaikan...
"Aku adalah manusia biasa seperti kamu juga...".
Jadi ado perbedaan nan cukuik telak antaro Khalik jo makhluk, antaro Nan
Manyuruah jo nan disuruah. Iko nan harus kito pacikkan. Sabab nan namonyo
manusia dek ulah Setan nan tibo, capek bana jatuah ka syirik. Antah dari sia
kaba nan mambuek bahaso pai ka Ulakan samo jo haji gadang ka Makah. Dan iko
ado marato di seantero Nusantara hal-hal nan sarupo iko, bamacam kuburan tampek
urang mamintak. Ilang kemurnian Tauhid nan dimukasuik. Iko nan ambo camehkan.
Dan memang bamulo dari saketek ka saketek, mulai dari menghormati guru, kudian
sampai ka maminum aia siso guru dan bahkan sampai maminum aia mandi guru. Alah
jauah bana dari nan sabananyo. Mereka banamo urang Islam, tapi babuek doso nan
indak ado ampunan. Naudzubillah.
Dan ado pulo dek indak sangajo-sangajo go eh, dek saking menghormati dan
saking cinta ka Rasulullah ko, babuek dalam lagu (cubo Sutan cari kaset atau
CD Cinta Rasul nan beredar di Indonesia). Dan iyo sanang mendanga lagunyo,
rancak untuak pendidikan anak. Jo ambo-ambo jatuah aia mato terharu mandanga
lagu tu. Lalu batanyolah ka urang Arab nan tahu apo nan disabuik lagu ko.
Aa nan tajadi, ciek barih ciek barih mulai kanai coret, keceknyo pulo
iko indak batua... iko syirik,... contoh sarupo iko..
Di barih
"Muhammadin sayyidul qaunaini wa tsaqalaini wal fariqaini min
'urbin wa min 'ajami...."
ndak kanai doh, rancak...tapi di barih sasudah tu
"Maulaa yaa shalli wasalim da imaan abada....dst..."
kanai coret,... indak batua.... syirik... kecek inyo pulo.
Tamanuang ambo sudah tu. Eh, kalau indak tahu-tahu awak ko lah tabaok
rendong jo doso sajo ko mah nan kecek ambo pulo. Sudahtu aa jawab nyo.
"Kalian indak mangarati mungkin indak baa doh, tapi keceknyo..., disiko
latak kasalahan kami, nan babuek bid'ah sarupo iko dari urang Arab sandiri"
kecek inyo pulo.
Kasudahan kaji, iyo bahati-hati bana awak urusan syirik jo indak ko komah,
sabab tatulih dalam Al Qur'an, doso nan indak berampun, kalau doso nan lain,
kok lai bakandak Allah mengampuni lai juo dapek ampunan, kalau nan syirik ko
indak dapek barubah sangenek alah juo do. Nadzubillah.
Co itu pandangan ambo Sutan he he he he, nampaknyo Tukang lah tibo ko (Sang
Professor), sakitu dulu dari ambo.
Wabillahi Taufiq walhidayah
Wassalam
Khairi Yusuf
LAPAU RantauNet di http://lapau.rantaunet.web.id
Isi Database ke anggotaan RantauNet:
http://www.egroups.com/database/rantaunet?method=addRecord&tbl=1
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
=================================================
Subscribe - Mendaftar RantauNet Mailing List, kirimkan email
Ke / To: [EMAIL PROTECTED]
Isi email / Messages: subscribe rantau-net email_anda
Unsubscribe - Berhenti menerima RantauNet Mailing List, kirimkan email
Ke / To: [EMAIL PROTECTED]
Isi emai / Messages: unsubscribe rantau-net email_anda
=================================================
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
