Assalamualaikum wr wb.
Imel baru elok baliak, kironyo ado diskusi nan manarik.
Ambo nio sato manyampaikan kato agak saketek.
Parsoalan mandakekan ugamo baliak kapado generasi baru, nan disadari jadi
persoalan manyolok dek awak di Minang Kabau, nampaknyo marato di berbagai
belahan bumi koh.
Hal iko manjadi paisi pikiran ambo sajak babapo lamo, sabok ambo dengan
modal apo nan ado bagaluik jo soal dakwah ko, walau dalam bantuak
ketek-ketek.
Ambo nio sharing Idea, sia tahu banyak masukan baharago nan dapek dari sanak
sudaro untuak 'project' nan sadang digeluti.
Awak buliah sanang maliek sumarak kahidupan pandidikan agamo. TPA-TPA indak
tahituang banyaknyo. Jadi indak paralu takuik anak-anak indak bisa mangaji.
Salain itu pangajian-pangajian rutin tatap ado, saminggu sakali paliang
indak di musajik atau surau.
Persoalannyo, ado nan nampak talengahkan: Ado segment nan indak taparatian
salamoko, nan justru secara sukses pernah digarap dek SOERAU TEMPO DOELOE.
Kini ko, TPA-TPA manggarap anak-anak usia 12, 13 tahun ka bawah
Pangajian di surau, manggarap apak-apak jo induak induak.
Sia nan menggarap nan ditangah-tangah?
Para remaja? : 15 - 25 tahun?
Mereka disuruah ka TPA alah malu, bakawan jo kalene keceknyo...
Diajak dek apaknyo ka majlis taklim, malu juo, takuik digalakkan kawan ,
alah gadang masih manuruik apak...
Jadilah golongan iko lapeh indak ado nan mangamehan.
"WILL THEY BE THE LOST SHEEPS in Muslim Cummunity?"
(Maaf pakai istilah iko)
Padohal segment umua sakianlah nan paliang rentant tahadok pangaruah budayo
asiang.
Golongan ikolah nan jiwanyo paralu di bimbiang.
Golongan iko nan ka manjadi the 'men in the next 10 - 15 years'
Golongan iko nan ka dicontoh adiak-adiaknyo nan masih di TPA.
Kini siapo nan manggarap?
Ambo kiro disiko latak kaunggulan SOERAU. Justru nan dibina di SOERAU tu
adolah kalompok nan kini talupokan dek program dakwah.
Iko bukan kasimpulan sabuah panalitian, namun "I got a very strong feeling,
its there!"
Ikolah nan mamaliharo mental pandahulu kito nan manjadi BONEH. Jadi rujukan
di Indonesia ko.
Sairiang dengan evolusi fungsi surau, justru peran surau nan iko nan ilang.
Aka tunggangnyo bana nan dipotong. Dan awak liek kini kualitas generasi
kini.
Persolan ko jadi paratian, khususnyo di lingkungan Sydney, nan urang awaknyo
baribu urang.
APO NAN HARUS DILAKUKAN?
Dari 'strong feeling' tadi, lalu apo nan harus dilakukan?
Apo awak baliak ka system surau?
Apo awak suruah anak-anak awak lalok ka surau baliak?
Ambo indak yakin ide iko akan dapek sokongan. Jadi baa?
Program nan kini sadang disiapkan, adolah maambiak 'kekuatan' nan ado pado
SOERAU dalam hal segment nan dijangkau. Segment nan dibidik tu adolah para
remaja jolong gadang.
Persoalannyo, indak mudah maajak anak jolong gadang tu mangaji. Mereka indak
bisa dipaso. Diharokkan kesadaran surang juo jauah panggang dari api.
Jadi Baa?
BERTAHAP
Untuak iko paralu ado tahap-tahap nan musti dilalui, sabalum tumbua
kesadarannyo.
1. Introduksi, socialisasion of idea(s)
2. Persuasi
3. Awarness development
4. Acceptance
6. coordination
Iko nan nio dicubo di siko. Baparapo diantaro kegiatan ko sadang diusahokan
di Sydney.
# 1
Nan partamo, ide ko musti disosialisikan. tanpa iko susah akan bahasia. Nan
paralu disosialisasikan adolah bahaso iko merupakan urusan basamo, karajo
menyeluruh. Harus malibatkan urang gaek, tokoh masyarakat, organisasi/
perkumpulan-perkumpulan. Tarangkan baa kritisnyo keadaan. Baa bahayo nan ka
dihadoki jiko indak capek dikamehkan. Bahaso kalau anak-ko nantinyo 'rusak',
mako nan batangguang jawek adolah ayahnyo.
- Hal iko lah dicubokan dalam babarapo kesempatan, dan feedback nan
didapekkan luar biaso. Urang bapak/ ibu nan ado punyo anak jolong gadang
niok langsuang capek mahambua, untuak program pambinaan ko capek dikarajokan
(Iko tajadi katiko ambo utarakan dalam pengajian masyarakt Pariaman, di
Sydney. Alhamdulillah.
- Disampiang itu, juo didiskusikan jo pangurus majelis taklim sacaro
informal, Imam masjid Al Hijrah Tempe, Sydney). Rato-rato sado nan dihubungi
antusias. Baitu juo, pernah ambo lontarkan dalam majelis taklim urang
Malaysia, Sydney, pengarus Bangladesh Moslem Community.
Iko ambo raso paralu, kalau cuma skop ketek, indak akan efektif. Kalau dapek
manyaluruah, satiok community ikuik program ko.
#2.
Sasudah sosialisasi ko, mulai masuak ka tahap ka duo, mambujuak anak remaja
untuak namuah mangaji.
Saketek rumik, jiko lah sampai dalam hal iko. Sampai akhirnyo kito bapikia
untuak mancari entri point nan mungkin. Mako nampaklah ciek alternatif :
Olah raga (Mungkin sanak sudaro ado ide entri point nan lain)
Untuak maliek kefektifannya, babarapo waktu nan lalu, kito cubokan di TPA
nan dibawah naungan KPII (Keluarga Pelajar Islam Indonesia) UNSW, Sydney -
kebetulan ado murik-murik nan teenagers ciek kelas. Sasudah anak-anakko
baraja mangaji, mereka diajak untuak ka lapangan untuak baolah raga (sipak
bola). Apo nan tajadi?
It's very fun! They enjoy it very much. Pado wakatu itu ado babarapo kawan
guru mangaji laki-laki nan hadir. Kami para guru ko ditantang dek anak-anak
tu.
"Ayo teacher lawan students!, Teacher berlima tambah children...."
tantangnyo. Jadilah kito main sipak bola. Dasar dek lah tuo-tuo tantu sajo
akhianyo murik-murikko manang.
Tapi indak disinan latak pointnyo doh.
Nan taliek adolah gairah anak-anak remajako. Sahinggo kutiko dipanciang
untuak mambuek sport club, langsuang mereka antusias. Cuma mereka batanyo:
"dengan siapa kita akan bertanding?"
Mako disinan masuak ciek point. Dikecekkan, nanti kita suruh majelis taklim
lain buat klub untuk anak-anak teenager mereka.
Langkah barikuiknyo, mandake'i majelis taklim lain untuak mambuek klub olah
raga untuak remaja, abis itu kompetisi. Dengan dasar ide : "Sport for
Dakwah", nan ditekankan adiolah: sabalum olah raga, agiah pangajian dulu jo
sistem mentoring, nanti mentornyo kito siapkan basamo-samo. Dan jiko sampai
wakatu sumbayang, hentikan oleh raga, lalu shalat berjamaah.
What I want to tell you (paro dunsanak), is: Dengan caro sarupo iko awak
mulai maikek para remaja. Dengan adonyo ikatan klub ko, program dapek
dilanjutkan. Dari siko nanti timbua kebersamaan, persaudaraan. Kalau lah
baitu, mulailah kaji manurun. Sampailah kito kapado tahap nan ka tigo:
#3: Awarness development
Program indak baranti sampai klub tabantuak. Namun klub olah raga ko hanyo
samacam paikek. Dari siko mulai masukkyo program pengembangan kesadaran
baragamo.
Dari siko, mulai ditingkekkan porsi dakwahnyo. Dibuek pangajian dengan waktu
labiah panjang. Suruah mereka mengorganisir, manantukan bilo mangaji, dimaa
tampeknyo dst. dst. Mereka sanang jiko diagiah baban manjalankan organisasi
surang Hal iko tabukti berhasil dilakukan pado mahasiswa undergraduate di
Sydney, nan sikolah biayo urang gaek, nan di indonesianyo mereka adolah
anak-anak elit. Pangajian ko sampai kini disabuik pangajian Kingsford, nan
pendiriannyo dibimbiang babarapo mahasiswa post graduate. Anggotanyo pernah
mancapai saratuih urang labiah. Kini alah banyak nan tamaik, pulang ka
Jakarta, dan mambuek pengajian "Alumni Pengajian Kingsford"
Baliak kapokok: Kegiatan mereka tatap dibina sacaro taratur. Kurikulum
disuplay, dimano kurikulum kop sandiri adolah hasia karajo para ustdz/
ulama. Kalo dapek kurikulum pengajian diseragamkan untuk setiap pengajian
sekawasan. Mentoring tatap dilakukan.
#4. Acceptance
Sampai dalam tahapan penerimaan ko, karajo bukan salasai. Pembinaan tatap
dilakukan, cuma model pengajiannyo dibuek model halagoh-halaqoh. Dalam
materi tertentu, anggota halaqoh ditugaskan mancari bahan lalu
mempresentasikan ka kawan-kawannyo di pengajian, lalu diskusi. Dengan caro
iko, satiok anggota dipacu untuak manggali Islam sacaro aktif, melalui
buku-buku dan sarana lain.
Adopun bantuak kegiatan perhalaqoh nan mungkin adolah:
- Buka jo mambaco alfatihah,
- Lanjutkan jo tadarus (mambaco Quran), bagi manjadi kelompok ketek-ketek (5
- 6 urang perkelompok) Paliang indak surang diantaro kelompok tu bagus
bacaannyo: tajwid dsb. Tiok anggota mambaco sakitar 4-5 ayat bagantian.
Anggota nan alah bagus bacaannyo mambantu mengoreksi jiko ado anggota lain
nan bacaannyo kurang lancar.
- Lanjutkan dengan mambaco terjemahan (kalau memunkinkan, jiko ado nan
paralu diulas, diulas dek mentor: if applicable).
- Dilanjutkan dengan panyampaian materi dek salah seorang anggota sakitar 25
minit.
- Break, snack/ makan nan disadiokan sacaro bagilir dek anggota sendiri.
- Diskusi
- Tutup dengan Wal 'Asri dan doa penutup majelis.
Iko mungkin bukan bantuak nan terbaik, namun hanya menjadi model sajo.
#5 Koordinasi
Bukan bararti dalam tahap sabalumnyo indak ado koordinasi, namun untuak
tahap iko, karajo utama adolah koordinasi. Manfaatnyo adolah:
- Manjamin kesinambungan pengajian/ halaqoh.
- Pengembangan kurikulum
- Pembinaan
- Saling komunikasi antar halaqoh
- Mengadakan kegiatan bersama.
Nah kalau memungkinkan, di setiap halaqoh, dilengkapi dengan resouces:
Kitab-kitab tafsir. Kitab-kitab Hadist, Buku-buku Fiqh, Kajian-kajian Islam
dsb.
Sanak sudaro sakalian. Ide ko bukanlah untuak mambuek manjadi eksklusif.
Samo sakali indak. Usahokan tatap inklusif, tidak menutup diri.
Kalau ide ko dapek talaksana, dan menyebar dengan berbagai modifikasi
disesuaikan dengan kabutuhan. Nan tabayang dek ambo adolah, peran surau nan
mambina urang mudo-mudo dapek diikuti jajaknyo jo program ko. Insya Allah.
Sanang bana rasonyo kalau ado diantaro didunsanak nan sudi maagiah tanggapan
atau saran. Manuruik rancano dalam wakatu dakekko, ka dicubo di organisasi
Minang Saiyo. Nan paralu kini adolah mambuek contoh, kalau nampak hasianyo,
insya Allah tanpa diminta nan lain tadorong pulo untuak mamulai.
Wassalam,
Henmaidi
________________________________________________________________________
Get Your Private, Free E-mail from MSN Hotmail at http://www.hotmail.com
LAPAU RantauNet di http://lapau.rantaunet.web.id
Isi Database ke anggotaan RantauNet:
http://www.egroups.com/database/rantaunet?method=addRecord&tbl=1
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
=================================================
Subscribe - Mendaftar RantauNet Mailing List, kirimkan email
Ke / To: [EMAIL PROTECTED]
Isi email / Messages: subscribe rantau-net email_anda
Unsubscribe - Berhenti menerima RantauNet Mailing List, kirimkan email
Ke / To: [EMAIL PROTECTED]
Isi emai / Messages: unsubscribe rantau-net email_anda
=================================================
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
