At 6:31 PM +0000 6/28/00, Bandaro wrote:
>Dari berita SCTV June 28 - 18:20 nan tadanga
>sabagian :
>
>Rabu 28 Juni, telah terjadi kecelakaan KA
>bermuatan Batu Bara di Lembah Anai, menyebabkan
>13 meninggal, 14 luka berat, ...... luka ringan.
>Innalillah wa innaillaihi rajiun.
>
>Para penumpang tersebut umumnya anak-anak sekolah
>beserta orang tua dari Kayu Tanam yang akan
>kembali ke Ky Tanam. Mereka ke Pd Panjang dlm
>rangka menyambung sekolah di Pd Panjang.
>Mereka naik KA karena jalan raya di Lambah Anai
>ditutup ( 24 - 28 Jun) karena ada pelurusan jalan
>di Silaing Kariang.
>
>Kecelakaan tersebut :
>KA berangkat dari Pd Panjang - sampai di .........
>( Lembah Anai) rem KA los. KA tidak terkendali -
>meluncur kebawah - deretan KA tsb pecah menjadi
>beberapa bagian. Masinis ikut menjadi korban
>
>Kalau ndak salah thn 50an (40an ??) juo tajadi kecelakaan
>KA nan sarupo iko.
> Baa curitono Nyiak ????
>
>Bandaro.
>~~~~~~~~~
>
Inna lillahi wa inna ilaihi raajiuun ....
Tacoroh pulo aia mato ambo mambaco barito sadiah ko. Malang nan indak dapek
ditulak, mujua nan indak dapek di raiah. Kito sadonyo dalam suasana
bakabuang dengan kajadian ko. Kito manyampaikan raso dukocito ka para
korban nan indak disangko-angko ka manderita saroman tu. Mudah-mudahan
para famili samo-samo batawakkal maadoki kajadian ko. Kito samo-samo badoa
kapado Allah. Amiin.
Kajadian ko ka manjadi trauma bukan sajo dek para kaluarga korban nan dakek
tapi bagi kito urang pajalan. Sabab tadinyo jalan koretapi ko ka manjadi
salah satu alternatif urek nadi jalan dari Padang ka Ateh.
Ambo baru sajo mangirim postiang sabalunnyo nan antaro lain tantang
elok-elok dalam bajalan di rimbo. Ambo tambahkan di siko, bukan sajo doh
bajalan di rimbo, tapi kama kito pai bajalan di dunia ko, jan lupo mangana
Tuhan, bado Bismillah kok ka malangkah, baso Alhamdulillah kok lah salasai.
Manganai kajadian kacalakaan koretaapi nan dahulu tu adolah Maso Japang.
Kalau ambo indak salah tahun 1943/44. Kajadiannyo memang dakek
Padangpanjang juo, tapi bukan di Anai, tapi koretapinyo arah dari
Bukittinggi ka Padangpanjang. Ambo masih ketek-ketek wakatu itu, jadi
indak jaleh barito umum doh.
Tapi ado kawan ambo samo gadang dari Sikumbang, Koto Gadang, namonyo Irmei
Imran Nazir, nan masih hiduik salamaik dari kacalakaan tu. Im jo ambo
adolah kawan sajak dari SMP (tahun 1947) sampai kini. Im lah nan
mancaritokan ka ambo baa parasiainnyo dalam pajalanan tu. Inyo pai jo
ayahnyo jo koretapi tu dari Bukittinggi ka Padangpanjang tapi dakek-dakek
ka Padanpanjang tajadilah kacalakaan gadang tu. Banyaj urang nan maningga,
patah-patah dan luko-luko. Dapek kito bayangkan Im nan baru baumua 8 tahun
tu manangih mancaliak darah baserak, apolai salah satu nan maningga tu
dihadokinyo adolah ayah kanduangnyo sandiri ....
Im kini tingga di Jalan Musajik Pajompongan di Jakarta. Sayangnyo wakatu
pai ka Makah kapatangko kami indak basuo.
Salam,
Nyiak Sunguik
LAPAU RantauNet di http://lapau.rantaunet.web.id
Isi Database ke anggotaan RantauNet:
http://www.egroups.com/database/rantaunet?method=addRecord&tbl=1
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
=================================================
Subscribe - Mendaftar RantauNet Mailing List, kirimkan email
Ke / To: [EMAIL PROTECTED]
Isi email / Messages: subscribe rantau-net email_anda
Unsubscribe - Berhenti menerima RantauNet Mailing List, kirimkan email
Ke / To: [EMAIL PROTECTED]
Isi emai / Messages: unsubscribe rantau-net email_anda
=================================================
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
