Maa Rang Lapau nan Basamo,
Dek karano postiang nan partamu ko indak mancogok-cogok juo di Lapau
saroman nan lah dilaporkan Angku Abrar di Baruah, ambo kirimkan baliak di
bawah ko. Dan pulo ambo peloki saketek nan salah tep di maa nan tampak.
Tambahan ciek lai memang bana, Nagari Guguak Tabek Sarojo tu adolah nagari
tukang dan saudaga-saudaga ameh di Jalan Kumidi Bukittinggi dan baserak di
kota-kota lain dan babelok di Indonesia dan kini mungkin banyak pulo nan
manggaleh ameh di Sydney, Australia.
Salam,
Mak Ngah
X-eGroups-Return:
[EMAIL PROTECTED]
To: Bandaro <[EMAIL PROTECTED]>, Rang Lapau <[EMAIL PROTECTED]>
Cc: Henmaidi Alfian <[EMAIL PROTECTED]>, Biaro <[EMAIL PROTECTED]>,
" H. Abdul Hadi " <[EMAIL PROTECTED]>,
AL <[EMAIL PROTECTED]>,
Vita Chaidir Husein <[EMAIL PROTECTED]>,
Dick Tito <[EMAIL PROTECTED]>
From: Sjamsir Sjarif <[EMAIL PROTECTED]>
MIME-Version: 1.0
Mailing-List: list [EMAIL PROTECTED]; contact
[EMAIL PROTECTED]
Delivered-To: mailing list [EMAIL PROTECTED]
Precedence: bulk
List-Unsubscribe: <mailto:[EMAIL PROTECTED]>
Date: Tue, 11 Jul 2000 08:34:46 -0700 (PDT)
Reply-To: [EMAIL PROTECTED]
Subject: [Biaro_Tangah20] Re: Guguak Tabek Sarojo ?? Re: [Rantau-Net] Urang
Awak di Sydney
At 5:31 PM +0000 7/9/00, Bandaro wrote:
>mak Ngah, dimaa Guguak Tabek Sarojo ko ?
>Nan banyak toke / tukang ameh ? Dakek Sianok ?
...
>'Ndaro
>~~~~~~~~
Maa Angku Bandaro sarato Rang Lapau nan Basamo,
Guguak Tabek Sarojo atau Guguak Tinggi sabanonyo babatehan jo Banuampu.
Lataknyo babatehan bana, sapaimbauan dari Parabek, sabalah ka Puun (Barat)
Parabek babatehan jo sawah-sawah ka arah ka tapi Ngarai.
Kalau awak baoto dari Birugo ka Padang Lua indak kito kasanoi doh nan
bahaso ado duo nagari di sabalah ka Puun di balakang Parabek tu, karano
takalimbun jo kayu-kayu nan disangko rimbo tapi ngarai sajo. Tapi ado
Nagari Guguak nan anok-anok sajo di tapi Ngarai tu nan lah tabagi duo pulo
banamo Guguak Tinggi jo Guguak Randah. Tinggi jo Randahnyo ko agak
tabaliak. Guguak Tinggi iyolah nan sabalah ka ilia (Utara) , nan tarandah,
badakekan jo Birugo, sadangkan Guguak Randah nan labiah tinggi sabalah
ka mudiak (Selatan), badakekan jo Kototuo arah ka Gunuang Singgalang.
Kalau kito etong-etong nan Ampek Koto tu sabananyo dari subarang Ngarai
sabalah ka Puun Bukittinggi, adolah Sianok, Koto Gadang, Koto Tuo, Guguak.
Sianok jo Koto Gadang di sabalah ka puun Ngarai sadangkan Guguak (Guguak
Randah jo Guguak Tinggi di sabalah ka Ujuang (Timur) Ngarai. Sadangkan Koto
Tuo di ateh melereng Gunuang Singgalang di ateh kapalo Ngarai tu.
Ambo lampiakan Gambar Ngarai Sianok nan tampaknyo diambiak dari Panoramo
Bukittinggi. Antah sia nan mangirim dahulu ka Lapau, lupo ambo. Tapi ambo
simpan untuak diciliang-ciliang paubek ibo hati sakali-sakali. Maaso dahulu
Panorama Ateh Ngarai ko dinamokan "Taman Pelipur Lara". Untuak paubek
rindu bialah ambo acah-acah gambar ko jo carito.
Kalau di acah-acah mancaliaknyo, tampak ado tigo bagian tabiang-tabiang
putiah curam dalam gambarko nan mambuek tigo onggok guguak di tapi Ngarai
ko nan disawoki dek kayu-kayu saroman rimbo sajo malinduangi
kampuang-kampuang di dalamnyo. Urang-urang nan indak tahu indak ka
mangkasanoi doh nan bahaso di bulakang pamandangan nan saroman-rimbo-rimbo
Ngarai tu tasimpan kampuang-kampuang nan unik di nagari awak.
Di ateh Onggok nan di sabalah kida dalam gambar tu adolah Bulakang Balok jo
Nagari Birugo (kan lai tabayang tu Des?). Dalam Onggok nan di subalah suwok
di sinanlah tasimpan nagari Koto Gadang (sayang di Lapau awak indak tampak
dek ambo adidunsanak nan dari Koto Gadang). Di Onggok nan di tangah-tangah
gambarko di sinanlah lah tasimpan Nagari Guguak Tabek Sarojo atau Guguak
Tinggi.
Manuruik carito nan ambo danga, babarapo katurunan sabalun awak ko
Tabiang-tabiang dindiang Ngarai tu alun sacuram tu bana lai. Wakatu tu ado
nan masih takana carito nenek-nenek Urang Guguak Tabek Sarojo masih bisa
bajalan ka Koto Gadang pai manjapuik api untuak paiduiki tungku.
Barangkali Ustaz Henmaidi dapek maporowaikan postiang ko ka Angku Tarumun
dan Dunsanak-dunsanak awak dari Tabek Sarojo di Sydney tu untuak
mangkonfirmasi carito-carito Urang Gaek asak ko. Taririiang salam dari
ambo. Kalau baliau-baliau tu ado di kampuang tahun 1963-66 mungkin masih
ado nan takana jo ambo atau Mak Sati karano kami acok ka Tabek Sarojo maso
itu. Untuak paubek rindu indak baa doh kok Angku Bandaro porowaikan pulo ka
email Banua atau ka email Biaro dek Angku Elthaf.
Kalau di bayangkan di bulakang Onggok nan Duo di sabalah kida tu dapek
ditakok di sinanlah tabantang Ranah Banuampu Sungai Pua sampai-sampai ka
Lereng Bukik Marapi. Angku Bandaro jo adidunsanak dari Banua dapek
mambayangkannyo. Kok ditaruihkan pulo ka sabalah kida lai (indak tampak di
gambar ko tabayang pulo lataknyo Ranah Ampek Angek. Bayangkan sajolah nan
paliang sabalah kida babatehan jo Banuampu jo Sungai Pua di sabalah ka
ujuang (timur) Bukittinggi.
Sadangkan di Bulakang Onggok nan di tangah dan sabalah suwok tu tahandoklah
Ranah Ampek Koto sampai-sampai ka Lereng Gunuang Singgalang. Agak jauah
sayuik sayuik sampai kito caliak lakuang malangkuang randah patamuan
Gunuang Marapi jo Singgalang. Di sinanlah lataknyo Kotobaru Bateh jo Aia
Taganang nan tingginyo labiah dari 900 meter dari muko lauik. Di sabalah
suok dapek pulo kito bayangkan Nagari Pandai Sikek tampek Angku Adryan
bamukim jo maengong-engongi urang batanun kain songket sambia
manuncik-nuncik komputernyo kok ka maota di Lapau awak ko. Dibaliak tu
jauah sayuik-sayuik sampai dapek kito bayangkan Padangpanjang jo Lambah
Anai tampek Koretapi jatuah kapatang ko...
Kalau di acah-acah bana banyak nan dapek ambo caritokan jo bayangan
gambarko. Kini ambo sarahkan sajo ka kenang-kenangan dan imaginasi Rang
Lapau nan Basamo sarato Adidunsanak nan Jauah di Rantau antah dimaa lah
kini ko taseba di Kuliliang Bumi...
Salam,
Mak Ngah
%Panorama.jpg
Panorama.jpg
%Panorama.jpg
Panorama.jpg
