Lhokseumawe, 21 July, 2000
Yth,
Keluarga Sdr Ahmad Mikardo
Di
JAKARTA
Assalamualaikum W.W
Inna lillahi Wa innailaihi Rajiun
.Nan Punyo Allah Kembali KapadoNyo
Ateh namo keluarga besar Minang nan ado di PT. Arun NGL Co., kami maraso turuik baduka cita nan sagadang-gadangnyo. Sahubuangan bapulangnyo ka rahmatullah urang tuo (Ayah dari Sdr. Ahmad Mikardo - Miko, administratur rantau-net) pado hari Kamis jam 11.30 WIB di RSCM - Jakarta. Mudah-mudahan arwah baliau ditarimo Allah swt sabaiak-baiaknyo, dilapangkan kuburannyo, di ampuni doso-dosonyo dan ditarimo sagalo amalannyo. Amin yrb.
Pasan kami ka kaluarga nan ditinggakan, supayo basaba dan tabah manarimo cobaan nan cukuik barek dari Allah swt. Sarahkanlah diri sapanuahnyo kapadoNyo.
Sungguahpun baitu, kasadiahan jo baban barektu ka manjadi ringan kalau dipasamoan. Mudah-mudahan kadatangan surek kamiko dapek manjadi sitawa sidingin dek Sdr Miko sakaluarga.
Demikian kami sampaikan.
Wassalam,
Nizarwan Dedi Nofersi
Ketua Sekretaris
