Assalamu'alaikum wr.wb.,
Sabana sabulan ambo indak ka lapau, dek pulang ka kampuang dalam rangko mamparalekkan
kamanakan.
Nan partamu ikuik maraso kahilangan ka angku Miko. Mudah-mudahan ayahanda angku
mandapek tampek nan elok di sisi Allah SWT dan angku tatap diagiah kasabaran.
Ka inyiak Sunguik, pasan jo salam inyiak ambo sampaian ka urang di kampuang, labiah
kurang sabanyak nan inyiak sabuik, kacuali mungkin Mak Imam (Muslim gantiang), karano
baliauko alah lamo daulu.
Di kampuang salain maadoki alek kamanakan cako, ambo sasian pulo alek katam kaji di
ampia tiok kampuang di Ampek Angkek (Koto Tuo, Balai Gurah, Sitapuang, Biaro, Ampang
Gadang.......)
Bukiktinggi iyo sabana batambah rami jo oto urang rantau dan agak semrawut, mungkin
karano sadang ditata baliak (Pasa Ateh).
Ambo bajalan darek malalui lintas tangah pulang baliak (Kota Bumi, Lubuak Linggau) dan
pulang malalui Pakanbaru, Taluak Kuantan, Kiliran Jao. Iko ciek nan kaambo katangahan.
Salamo malinteh dari Pakanbaru sampai ka Taluak Kuantan dalam wakatu labiah kurang
4jam, basalisiah indak kurang jo 120 oto parah gadang paangkuik kayu balak, ado
diantarono nan gandengan. Ciek oto raso-rasono indak kakurang dari mamuek 3 batang
kayu gadang. Aratino salamo 4 jam lalu, paliang kurang nan nampak diambo ado kiro-kiro
360 batang nan di parangkuikan urang. Nan manuruik carito nan ambo danga angkutan
kayuko indak baranti dalam 24 jam. Jadi saari indak kakurang dari 2160 batang (etongan
kasa). Lah bara taun agakno iko balangsuang? Iyo patuik kacaruah juo rimbo Sumatera ko
sabanta lai.
Nampak pulo asok sapanjang jalan cako kadang-kadang suok kida.
Itulah dulu carito panokok pintu baliak.
Wassalamu'alaikum wr.wb,
Lembang Alam
------------------------------------------------------------
Free Web-email ---> http://mail.rantaunet.web.id
Minangkabau WebPortal ---> http://www.rantaunet.web.id
LAPAU RantauNet di http://lapau.rantaunet.web.id
Isi Database ke anggotaan RantauNet:
http://www.egroups.com/database/rantaunet?method=addRecord&tbl=1
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
=================================================
Subscribe - Mendaftar RantauNet Mailing List, kirimkan email
Ke / To: [EMAIL PROTECTED]
Isi email / Messages: subscribe rantau-net email_anda
Unsubscribe - Berhenti menerima RantauNet Mailing List, kirimkan email
Ke / To: [EMAIL PROTECTED]
Isi emai / Messages: unsubscribe rantau-net email_anda
=================================================
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
