At 10:55 PM +0700 8/4/00, ivan wrote:
>Kalau tak Salah, iko gmbar surau di Koto Baru. Kini musajik tu alah batuka,
>barehab bana, sahinggo ampia indak sarupo jo nan di gambar tu lai. Kolam
>alah hilang.
>Kok iyo di Koto Baru, Ambo tingga di rumah nan tampak di balakang surau tu
>nan ado batang cemaranyo. itu taun 81-83, kutiko ambo mangaji di MAN Koto
>Baru.
>Dunsanak nan rajin naik gunuang Marapi jo Singglang, biasonyo singgah di
>sinan untuak sumbayang, mandi dst.
>Kini jarang urang naiak gunuang, dan koto Baru terkenal jo bika
>(Marianana)-nyo.
>
>Ivan
>
>
Memang gambar musajik jo surau jo rumah adat dalam lingkungan kampuang di
Minang ko acok difoto urang bahkan panah ditabikkan. Bagi ambo manjadi
takok taki juo tiok gambar tu kalua karano biaasonyo indak disabuikkan namo
kampuangnyo dan tanggal atau tahun baraa dipotereknyo.
Kadang-kadang tabayang dek ambo musajik jo kampuang di jalan manurun ka
Singkarak kalau awak baoto dari Padang Panjang. Ambo lupo namo kampuangnyo.
Kadang-kadang tabayang pulo dek ambo gambar musajik di Kampuang Rao-rao
dakek Tabek Patah di jalan ka Batu Sangka.
Kok Angku Ivan di Kotobaru (Bateh) iyolah tapek tu mah lai dakek jo Pandai
Sikek tampek Angku Ardyan. Apo tu MAN tu? Kalau Pandai Sikek tamusahua jo
Kain Pandai Sikeknyo dalam seni tanun sarato jo saka jo kilang tabunyo,
lobak lambaunyo, Kotobaru memang marupokan palabuahan ekspor hasia-hasia
sakitarnyo. Taragak pulo awak jo Karupuak Jangek nan banyak dijua urang di
Kotobaru tu. Di Pasa Kotobaru tu iyo lai rami juo tiok Silasa (?) memang
dahulu tamusahua juo jo "Bika Si Ana" bagi urang nan baoto atau naiak
koretapi Padangpanjang-Bukittiggi-Payokumbuah. Sayang jalan koretapi tu
alah ditimbun urang sajo jadi basi bakarek atau diciluik urang lanyok
manjadi ekspor basi tuo.
Walaupun "Si Ana" ko mungkin alah tuo jadi niniek muyang urang atau indak
ado lai, namun Bikanyo tatap tamusahua jo "Bika Si Ana. Istilah "Si"
sabagai panggilan ko saroman itu juo jo "Pical Si Kay" di Panorama
Bukttinggi, walaupun Kak Ikay lah manjadi Nenek (kalau masih hiduik juo,
mudah-mudahan) namun urang ba "Si" sajo ka baliau gadang ketek.
Salam,
Mak Ngah
X____________________________ Sjamsir Sjarif
Indonesian Translator and Cultural Consultant
Tel. (831)-426-1333 Fax (831)-426-8907
Email: [EMAIL PROTECTED]
Web Page: http://www.usindo.net/hambo
************************************************************
Mailing List RantauNet http://lapau.rantaunet.web.id
Database keanggotaan RantauNet:
http://www.egroups.com/database/rantaunet?method=addRecord&tbl=1
=================================================
Mendaftar atau berhenti menerima dari RantauNet Mailing List, kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
[email_anda] = isikan alamat email anda tanpa tanda kurung
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
-------------------------------------------------------------------------------------------------
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
