At 7:55 AM +0700 8/6/00, Sjamsir Alam wrote:
>Sjamsir Sjarif wrote:
>
>> Aa, apokoh buku ko karya Mak Sati?
>>
>> 1. Tenun tradisional desa Pandai Sikek dan Kubang di Sumatera Barat / tim
>> penyunting, Syamsir Alam ... [et al.]. [Jakarta] : Proyek Pengembangan
>> Permuseuman Jakarta, Direktorat Jenderal Kebudayaan, Departemen
>>Pendidikan
>> dan Kebudayaan RI, 1984.
>
>Untuak nan kiro-kiro saumua awak Nyiak, namo "Syamsir Alam" ko sangaik
>"ngetop", atau istilah awak
>nan labiah sasuai "namo pakodian". Jadi ambo cuma salah satu dari ribuan
>urang nan banamo itu. Jadi
>Syamsir Alam nan mangarang buku di ateh tu, pasti ukan ambo, Nyiak.
>
>mS
>
Bukan "namo kodian" doh. Generasi kito adolah generasi partamu nan mamakai
namo Sjamsir Alam tu di patangahan 1934/34 dimaso baby-boom sasudah bareh
maha (1930). Indak ado anak-anak nan banamo Sjamsir Alam doh sabalun
angkatan kito. Sasudah tu dek memang anak-anak (nan kini ko alah jadi
inyiak-inyiak) memang rancak-rancak parangainyo, mangko banyaklah urang tuo
nan manamokan anaknyo Sjamsir Alam. Bahkan baru-baru ko masih ado ambo
danga urang padusi nan ka baranak mangatokan, "Kok lahia anak den iyo ka
den namoi juo Sjamsir Alam". Jawab ambo mudah-mudahan barakaik.
Para Sjamsir ko banyak nan mailangkan "Alam"nyo. Namo ambo pun sabananyo
Sjamsir Alam juo. Tapi untuak praktis di sikola sajak ketek mako ayah ambo
mandaftarkan ambo sajak kalas satu sikola desa sabagai Sjamsir Sjarif, lai
talakok namo baliau nan kabatulan baliaupn Guru ambo juo dari kalas satu jo
kalas duo sikola desa. Di Biaro Balai gurah sajo kami ado barampek nan
banamo Sjamsir. Ado Sjamsir Jasin (antah dimaa nyo kini, dahulu Dosen di
Univ Aia Langga Surabaya), Sjamsir Amin (terakhir anggota DPRD Sumbar
(1985), ciek lai ado Sjamsir juo guru di kampuang. Di SMP I Bukittinggi
dahulu (1947) ado kawan ambo Sjamsir Adjram namonyo dari Kapeh Panji. Di
BI Sejarah (1956) ado kawan ambo Sjamsir Djohari dari Situjuah, Pikumbuah.
Sadangkan adiak kawan ambo Djawanis Juki (di BI Sejarah juo saangkatan,
1956) dari Cupak Solok banamo pulo Sjamsir Djuki. Sudah tu ado pulo adiak
kawan ambo Magalena Kadir, Piaman, ado pulo adiaknyo Sjamsir Kadir nan
kabanyo urang pantiang di Jakarta.
Ruponyo di sekitar Bukittinggi dan di kota-kota lain di Sumatera Barat ado
buku carito rakyat nan terkenal diantaro para guru-guru dan dibaco urang
wakatu itu. Carito tu lakonnyo "Sjamsir Alam" dan nonanyo "Siti Zahara".
Settingnyo di Padang Pasia. Sjamsir Alam ko banyak mampunyoi kapandaian
ajaib nan baiak-baiak, bahkan kadang-kadang inyo bisa tabang-tabang ka
langik. Antah dimaa asa carito tu indak tahu ambo doh, tapi Amak ambo acok
mancaritokan ka ambo wakatu ambo ketek-ketek. Ambo alun panah basuo jo buku
carito tu lai. Wakatu tu, angkatan partamu Sjamsir Alam ko umumnyo adolah
anak-anak Guru-guru sikola atau famili-famili nan bakatahuan dakek jo
guru-guru.
Sebagai selingan kisah cinta terpendam..., Baitu rancaknyo namo Sjamsir tu,
takana dek ambo kawan ambo nantingga di Banduang. Ruponyo wakatu mudo
sacaro rahasia inyo jatuah hati ka ambo. Tapi dek ambo anak mudo pandia,
indak ambo acuahkan bana doh. Tahun 1985 sasuah 35 tahun indak basuo,
wakatu ambo kunjuangi inyo di Banduang, dipakanakannyo ambo ka suaminyo nan
banamo Sjamsir pulo. Keceknyo: "Dek indak dapek Sjamsir nan iko (sambia
marangkuah-rangkua ambo) lai dapek juo Sjamsir nan iko (sambia marangkuah
apak pajanyo)." Iyo agak balinang aia mato kami maagaki, kawan lamo diapik
duo Sjamsir nan baru bakatahuan tapi mampunyoi sejarah emosi nan mandalam
nan marupokan kisah cinta terpendam .....
Nah, sabagai tambahan, kato "Sjamsir" ko diambiak dari Bahaso Farsi nan
aratinyo Padang (bukan kota Padang doh, tapi Pedang caro Indonesianyo, the
Sword). Wakatu ambo bacarito jo seorang Iran nan kabatulan ahli Sejarah
Sumeria, keceknyo memang kato Sjamsir ko kato Farsi tapi diadaptasi dari
Bahaso Yunani nan memang aratinyo padang juo. Tapi keceknyo Urang Yunani
kini indak tahu jo kato tu lai doh. Jadi manuruiknyo kato Sjamsir ko masuak
ka Iran ka Bahaso Farsi wakatu zamannyo Iskadar Agung (Alexander the Great)
sakitar 323 BC.
Sakitulah dahulu sakadar latar bulakang sejarah atau carito dan kisah kasih
namo Sjamsir ko....
Salam,
Sjamsir Sjarif
%SS.Foto.for.Usindo.jpeg.jpg
SS.Foto.for.Usindo.jpeg.jpg
X____________________________ Sjamsir Sjarif
Indonesian Translator and Cultural Consultant
Tel. (831)-426-1333 Fax (831)-426-8907
Email: [EMAIL PROTECTED]
Web Page: http://www.usindo.net/hambo
************************************************************
%SS.Foto.for.Usindo.jpeg.jpg
SS.Foto.for.Usindo.jpeg.jpg
