Maa Angku Abrar, Rang Dapua, sarato Rang Lapau nan Basamo,
Lah samo manyarumpuni ambo ateh niaik dan karajo baiak Angku Abrar. Dari
baduo jo batigo kito di Lapau Gindo Arisman (Rang Dapua Usali, Pucuak Bulek
Urek Tunggang) di Kansas sisuak (Maret 1993) kini, awal Agustus 2000 ambo
caliak alah 171 nan tadaftar. Alun lai nan mintak tap (istirahat pai ka
bulakang Lapau atau mancaliak aia ka baramban) sabanta.
Dari mulo-mulo banyak nan teloh-teloh kito manulih jo mangatangahkan
pikiran kito jo Bahaso Minang, kini kito lah maraso sanang dan malahan
bangga lah dapek mangatangahkan dan manggunokan Bahaso Minangkabau di
Rantaunet dengan latar bulakang dialek Kampuang Halaman kito
masiang-masiang. Rantaunet adolah mailing list partamu dan tatuo nan
manyarankan kapado anggotanyo untuak manggunokan Bahaso Minangkabau sabagai
bahaso pengantar utama. Mudah-mudahan kito tatap dapek samo saliang baraja
manghayati buah pikiran nan tasimpan di Kampuang Halaman kito dengan bahaso
nan iduik dari masyarakaik kito sarato dapek mangatangahkan interaksi
pikiran dan pangalaman antaro Kampuang jo Rantau.
Salam,
Sjamsir Sjarif
At 3:44 PM +0700 8/6/00, Elthaf wrote:
> Pak Abrar,
> Sato ambo saketek dari anggota rantaunet..
> Kalau manuruik ambo sangaik paralu, karano kito ingin kito bisa
>manjadi satu keluarga besar Rantaunet, jadi sakali-sakali bisa juo awak
>maota jo telepon, atau kalau awak sasek atau barencana ka satu kota , awak
>bisa saling mancari informasi...
> Paling indaknyo, wakatu mangirimkan mail tu, disabuiikkan dimaa awak
>barado...
> Tarimokasih
> Wassalam
> Elthaf St. Sri Bagindo, 40 Th., Rang Biaro - IV Angkek Canduang di
>Pekanbaru.
>
>> ----------
>> From: Abrar YUSUF[SMTP:[EMAIL PROTECTED]]
>> Reply To: [EMAIL PROTECTED]
>> Sent: Sunday, August 06, 2000 3:20 PM
>> To: [EMAIL PROTECTED]
>> Subject: RE: RE: [Rantau-Net] FW: Anggota Baru.... Statistik
>>
>> Rang Dapue/Admin. Yth,
>>
>> Tahun 1999 ambo pernah mambuek Statistik Anggota Rantaunet.
>> Apokah untuk tahun 2000 alah taraso paralu kito buek pulo.
>> Kok taraso paralu, ambo basadio mangutak-atiek data anggota nan masuek.
>>
>> Silahkan kirim. Ambo tunggu.
>> Wassalam,
>> Abrar di Baruah.
>>
>>
>> >From: Elthaf <[EMAIL PROTECTED]>
>> >To: "'[EMAIL PROTECTED]'" <[EMAIL PROTECTED]>
>> >Date: Sun, 6 Aug 2000 13:27:44 +0700
>> >Subject: RE: [Rantau-Net] FW: Anggota Baru
>> >Reply-To: [EMAIL PROTECTED]
>> >
>> > Ondee lah batambah banyak juo anggota ML rantau net awak ko yoooo,
>> >kalau buliah bakandak, ambo mohon dikirimkan daftar anggota ML Rantau
>> net.
>> > Tarimokasih dan salut ambo samo Pak Admin Rantau net. yang begitu
>> >pandainyo mancarikan jalan kalua untuak kito bisa bakomunikasi dan
>> saliang
>> >malewakan barito.
>> > Terimakasih
>> > Wassalam
>> > Elthaf
>> >
Mailing List RantauNet http://lapau.rantaunet.web.id
Database keanggotaan RantauNet:
http://www.egroups.com/database/rantaunet?method=addRecord&tbl=1
=================================================
Mendaftar atau berhenti menerima dari RantauNet Mailing List, kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
[email_anda] = isikan alamat email anda tanpa tanda kurung
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
-------------------------------------------------------------------------------------------------
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
