Elthaf,
Tarimo kasih ateh laporan "Acara Temu Ramah Alumni SMA-1 Bukittinggi dengan
Pak Djufri, alumni 1965 (Walikota Bukittinggi) di rumah Pak Mazni Harun,
'68,
(Danrem 031 WB Riau).
Sabagai urang asli Kurai Bukittinggi, ambo bapitaruah/bapasan saketek ka
Elthaf. Dek
karano Elthaf indak jauah bana dari Bukittinggi dibadiang-kan jo ambo,
tolong
caliak-caliak-an dalam sataun ko baa palaksanaan dari "visi dan misi kota
Bukittinggi ke depan" nan dikamukokan dek Pak Wako tu. (Anggap sajo alah
dipiliah dek kami-kami urang Kurai manjadi Anggota DPRD TK.II Kodya
Bukittinggi). Kalau tanyato "ota
sin nan gadang", tolong "pacik-an sarawa" baliau, kalau paralu "oco-an
saketek" untuak maingek-an carito baliau dalam partamuan di Pakan Baru tu.
Sabagai urang
mudo (nan alah kenal bulo jo baliau), ambo yakin tantu Elthaf pasti barani.
Tapi siap-siaplah kalau tanyato baliau baciloteh sarupo ciloteh tatulih Gus
Dur di Sidang MPR kapatangko: "Maaf belum mampu menyelesaikan . . . . . .
.". Barangkali karajo tu bamuloi sajo alun ladoh, dima bulo nan kasalasai .
. . Banyak alasanno tu nanti. Alasan nan paliang klasik adolah "tidak ada
dana". Apo lai dari kini-kini alah diparsoalkan PAD nan minim sakali. Nan
jaleh, jan nanti Elthaf sampai heran, apo lai sampai baketek hati bulo. Di
nagari awak ko biaso sajo tu ciloteh nan saroman itu.
Kalau kami nan alah tuo-tuo ko, tarutamo nan marantau, dari dulu laguno itu
ka itu juo: "marantau kami daulu, di rumah paguno balun". Akhirno kami
marantau
abih, dek karano tanyato "di rumah paguno balun" . . . . . sampai kini.
Indak tantu nan ka diojok kalau tagak di kampuang tu, dima kapaguno di
urang . . . . . . .
Wassalam,
Muchti
Mailing List RantauNet http://lapau.rantaunet.web.id
Database keanggotaan RantauNet:
http://www.egroups.com/database/rantaunet?method=addRecord&tbl=1
=================================================
Mendaftar atau berhenti menerima dari RantauNet Mailing List, kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
[email_anda] = isikan alamat email anda tanpa tanda kurung
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
-------------------------------------------------------------------------------------------------
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
