Dunsanak Aryulika, sambah tibo bakeh sanak. Walau di lahie, dunsanak surang nan basabuikkan namo baimbaukan gala, hakekat sambah tahunjuak kapado jama'ah nan barado di surau nangko. Tantangnan diri ambo, iyo bak bidai orang awak juo. Ramo-ramo si kumbang janti, Katik endah pulang bakudo. Patah tumbuah ilang baganti, pusako lamo baitu juo. Adat pulai bapangkek naiek, maninggakan rueh dengan buku. Adat manusia bapangkek turun, kaninggakan adat jo pusako. Mati Datuak baganti datuak, nan gala tatap bak samulo. Tantangan wajah nan sarupo iko, tibo dibadan diri ambo. Buleklah aie dek pambuluah, buleklah kato di mufakat. Bulek lah bulieh digoloangkan, picak lah bulieh dilayangkan. Tibo di adat lah baisi, limbago lah dituang. Tanduak samo ditanam, dagiang samo balapah. Ketek banamo DAMRUS LUKMAN, gadang bagala PAKIEH SUTAN. Marabah sadundun dengan balam, sikok barulang pai mandi. Sambah sadundun dengan salam, kato dipunta dihabisi. Sakian Sambah pado dunsanak. ----- Original Message ----- From: Aryulika <[EMAIL PROTECTED]> To: <[EMAIL PROTECTED]> Sent: Saturday, August 19, 2000 9:45 PM Subject: RE: [surau] Fw: [Rantau-Net] INDUAK PASAMBAHAN > Kok bulek lah buliah digolongkan, kok picak yo lah buliah pulo dilayangkan, > kan iyo baitu sanak awak kasadonyo, namun induk pasambahan alah batarimo jo > hati nan lapang sarato jo hati nan janiah molah > sanak jikok buliah awak tahu nak bakanalan awak talabiah dahulu, bak kato > urang tuo juo, iyo ketek banamo gadang bagala, sekian salam pasambahan dari > ambo di rantau, ko mah dikampung ambo dipanggia jo datuak > Wassalam. Mailing List RantauNet http://lapau.rantaunet.web.id Database keanggotaan RantauNet: http://www.egroups.com/database/rantaunet?method=addRecord&tbl=1 ================================================= Mendaftar atau berhenti menerima dari RantauNet Mailing List, kirimkan email Ke / To: [EMAIL PROTECTED] Isi email / Messages, ketik pada baris/kolom pertama: - mendaftar: subscribe rantau-net [email_anda] - berhenti: unsubscribe rantau-net [email_anda] [email_anda] = isikan alamat email anda tanpa tanda kurung ================================================= WEB-EMAIL GRATIS ... @rantaunet.web.id ---> http://mail.rantaunet.web.id ------------------------------------------------------------------------------------------------- WebPage RantauNet http://www.rantaunet.web.id dan Mailing List RantauNet adalah servis dari EEBNET http://eebnet.com, Airland Groups, USA =================================================
