Assalamualaikum w,w, ---------- > From: Sjamsir Sjarif <[EMAIL PROTECTED]> > Subject: Pagaruyuang, Re: [Rantau-Net] Rajo Minang > Date: Tuesday, August 22, 2000 12:54 PM > > Tampak tabayang taraso dikiro-kiro, > dari katarangan nan kito tarimo cako, > nan bahaso Rajo-rajo Pagaruyuang di Minang ko, > Indak Basuku malah kironyo. > > Kok salah Nyiak Sunguik manyimpuakannyo, > tolong luruihkan dek Rang Lapau nan Basamo, > maaf diminta ka baliau nan basamo, > anak cucu Rajo-rajo di Pagaruyuang, > sarato sagalo Panghulu kito, > nan Gadang Basa Batuah, > nan taseba di Luhak nan Tigo, > di dalam Ranah Alam Minangkabau ko. > Maaminkan ambo, minta maaf ka cucu Rajo-rajo di Pagaruyuang sarato sagalo Panghulu kito, nan Gadang Basa Batuah. Ka sado niniak jo mamak nan hadir dimajlis lapau awak nangko, kok salah ambo minta disapo, tadorong minta disintak. Takana pulo baliak, mungkin suku Rajo-rajo Minangkabau tu iolah suku rajo-rajo tu bana... bukan salah satu dari suku nan ampek, Bodi, Caniago, Koto, Piliang atau pacahan-pacahannyo. Kalau lah suku nyo suku rajo-rajo, kapanga pulo dinyo lai suku urang 'kabanyakan' atau suku rakyat biaso. Kudian pulo, kalau sukunyo salah sutu dari suku nan ampek tu, misalnya taroklah samantaro, suku Koto, tantu wewenangnya tabateh dalam pasukuan nan ciek tu sajo, sadangkan nyatonyo baliau badaulat untuak Minangkabau sa-Alamnyo. Kalau pulo wewenangnyo malampaui urang sasukunyo, misalkan baliak suku Koto, tantu dikatokan pulo urang Koto mandominasi suku-suku lainnyo. Takah rajo-rajo Ming dan Han di Cino. Atau rajo-rajo lain nan akhirnyo mambuek dinasti di nagari-nagari lain. Sadangkan awak alun pernanah lai mandanga salah satu suku baketekan ati jo suku lainnyo. Jadi rupunyo rajo-rajo Minangkabau indak 'mampagaraki' susunan adaik dan masyarakaik nan alah dibuek dek Inyiak nan baduo, Datuk Katumangguangan jo Datuk Prapatih nan Sabatang. Baliau 'mancukuikkan diri' dengan badaulat ateh alam Minangkabau sampai ka wilayah rantau, sampai kabateh--bateh nana alah tamusahua, dengan manarimo ameh manah dan sabagainyo, sampai dengan mangirim urang-urang nan patuik untuk ka dijadikan rajo oleh urang di wilayah rantau tu (baliak ka posting mak Boes). Tapi daulat nan salaweh antun, indak ketek pulo dampaknyo dalam manaikkan namo Minangkabau sebagai satu kesatuan. Kalau indak dek itu, tantulah nan ado cuma nagari-nagari nan otonom, dengan adaiknyo nan salingka nagari, adaik nan teradat dan adaik istiadatnyo, walau manuruik barih jo balebeh nan ciek juo. Sanyampang pun baitu, takana juo nan dari mak Sutan Lembang Alam: > From: muhammad dafiq saib <[EMAIL PROTECTED]> > Subject: RE: RE: [Rantau-Net] Induak Pasambahan > Date: Tuesday, August 22, 2000 9:16 AM > > Katigo Datuak Asa di Rajo > Baliau tagak ditangah > > Tantangan Datuak Asa di Rajo, tasabuik baliau dalam pantun > > Pisang kalek-kalek hutan > Pisang timbatu nan bagatah > Koto Piliang dio bukan > Bodi Caniago dio antah > > Baliau ikolah agakno, nan manurunan kaum nan indak basuku, nan sampai > kini tatap ado di Minangkabau. Nan ma kolah nan iyo, nak dalam paiyoan mamak nan basamo-samao lah andaknyo, Salam jo maaf, Adyan Mailing List RantauNet http://lapau.rantaunet.web.id Database keanggotaan RantauNet: http://www.egroups.com/database/rantaunet?method=addRecord&tbl=1 ================================================= Mendaftar atau berhenti menerima dari RantauNet Mailing List, kirimkan email Ke / To: [EMAIL PROTECTED] Isi email / Messages, ketik pada baris/kolom pertama: - mendaftar: subscribe rantau-net [email_anda] - berhenti: unsubscribe rantau-net [email_anda] [email_anda] = isikan alamat email anda tanpa tanda kurung ================================================= WEB-EMAIL GRATIS ... @rantaunet.web.id ---> http://mail.rantaunet.web.id ------------------------------------------------------------------------------------------------- WebPage RantauNet http://www.rantaunet.web.id dan Mailing List RantauNet adalah servis dari EEBNET http://eebnet.com, Airland Groups, USA =================================================
