ŧ���mm�����k�m w�r�hm�t����h� w����k�t�h
Rusuah bana hati ambo kalau ka mamulai mangecek soal Hompeage ko. Untuak
manjawek email dari dunsanak-dunsanak tentang HP ko pun, dari kapatang ambo
agak lintuah jo barek hati ka manjawek, dek ambo bapikie ... apo ado gunonyo
dijawek? Antah lah.
Alah hampie tigo tahun karajo ka mambuek Homepage RN ko hanyo baragak-ragak
sajo. "Indak ado nan indak satuju kalau Homepage ko dibuek" tapi "indak
surang juo pun nan basuaro dan dapek dimintai tolong kalau ditanyo apo nan
ka bisa dipasamokan untuak ka dipabuek untuak HP RantauNet ko". Alah
babarapo kali rapek dan pembicaraan tapi sasudah tuh, indak pernah ado
kelanjutannyo doh. Ilang dimakan wakatu.
Ado ciek nan paralu diluruihkan ... kalau karajo mambuek HP ko khususnyo
atau tentang Lapau dan domain rantaunet.com keseluruhan, kalau dapek bisa
manjadi tanggung jawab awak basamo disiko, bukan tanggung jawab urang dapua
sajo. Kami urang dapua ko kebetulan bakarajo untuak manjago lalu lintas
lapau supayo tajamin kenyamanan di lapau awak ko dan untuak babarapo alasan
security, dek indak mungkin kasado awak bisa malakukan hal sarupo iko. Kalau
memang ado nan bisa ma ambiek aliah pembuatan HP ko, silahkan sajo. Indak
ado masalah doh. Tapi alangkah rancaknyo kalau awak bisa bakarajo sacaro
kolektif.
Akhienyo muncullah MinangNet. Tadi malam ambo datang jo Maifil ka launching
MinangNet ko di Hotel Regent, Kuningan. Mancaliek keadaanyo persiapan
MinangNet ko saruponyo labieh terarah dan labieh punyo ikatan jo urang
Minang di rantau. Sarupo lembaga Gebu Minang dan tokoh-tokoh Minangkabau di
Rantau. Tadi malam ambo sempat mangecek jo Pak Azwar Anas dari Gebu Minang,
Pak Yanuar Muin, Pak Taufik Ismail, Pak Hamid Jabbar dan banyak lagi tokoh
Minang yang hadir (mungkin Maifil bisa tambahkan). Dan juo kami sempat
mangecek jo bos MinangNet ko dan kami sempat mangecek tentang keberadaan
RantauNet awak ko jo baliau.
Dari keadaan yang ado bantuaknyo, awak indak ka bisa manyusul MinangNet ko
doh. Dek sagalo sesuatu nan berhubungan tantang Minangkabau ko alah tapacik
dek inyo. Nan bisa awak bangga kan jo RantauNet ko adolah awak punyo
komunitas yang cukuik berakar sejak 1992. Dari pembicaran jo Pak Kostra
Baladhika (bos MinangNet) tadi malam mungkin nan ka bisa awak lakukan adolah
mambuek sinergi antaro RantauNet dan MinangNet dan mungkin dengan Mimbar
Minang nan ka dibuek Budi Putra di Padang. (sekalian manjawek email Budi
Kurniawan dibawah). Tapi ba a sinergi ko tantu paralu pemikiran juo.
> -----Original Message-----
> From: [EMAIL PROTECTED]
> [mailto:[EMAIL PROTECTED]] On Behalf Of Budi Kurniawan
> Sent: 26 Agustus 2000 23:08
>
> ...
>
> Ambo babarapo wakatu balakangan iko batamu jo Budi Putra, urang lamo nan
> kiniko manjadi pandanga nan baiak sajo. Dari patamuan Ambo jo baliau iko
> disampaikanlah bahwsannyo satalah manjadi pandanga sekian lamo, beliau
> kiniko mancubo 'manjawek' keinginan dari babarapo dunsanak kito nan ado di
> lapau iko untuak melakukan sesuatu nan 'labiah' dengan mambuek
> situs portal
> (bisnis dot com namonyo kalau indak salah, yo Bud?) nan berbasiskan Ranah
> Minang (mimbarminang.com). Kiniko beliau sadang mempersiapkan sagalao
> sasuatunyo untuak peresmiannyo. Insya Allah, kalau indak ado aral
> melintang,
> tanggal 13 Oktober 2000 bisuak alek iko ka di lewakan (khan lai indak ado
> perubahan doh Bud?). Beliau meminta Ambo untuak mambantu baliau dalam
> 'content' bahaso Inggirih-nyo, tapi Ambo pikia Mak Sati tantulah labiah
> bakompeten dalam hal iko.
>
> Beliau kiniko juo mananti usul, saran, kritik dan komentar dari
> dunsanak-dunsanak nan ado dilapau iko tentang karajo dan ka
> diusahaokan dek
> beliau iko.
>
> Wassalam,
> BUDI KURNIAWAN
-----------------------
> -----Original Message-----
> From: [EMAIL PROTECTED]
> [mailto:[EMAIL PROTECTED]]On Behalf Of Yofi Andri
> Sent: 29 Agustus 2000 15:19
>
>
>
> Mungkin bisa ditarangkan dulu ndak?
> kiro-kiro
> - Operating system yg dipunyoi rantaunet apo? NT,UNIX,LINUX?
> - Web Server yang dipakai? IIS, Apache?
> - Database yang akan digunokan? Oracle, SQL Server?
> - Tool yang dipakai apo? cgi-c, cgi-perl,asp, jsp,php atau apo?
> - Terus sabalunnyo ada manyingguang soal pemrograman database..
> kiro-kiro bantuak kebutuhan apo yang akan dibuek sehinggo butuah
> akses database? apo sakadar registrasi anggota sajo?
> Mungkin dengan gambaran diateh.., sanak2 yang ado...bisa mancocokan
> kemmapuan nan dimiliki..jo kainginan mambantu..
> Biasonyo sih.. kalo harus baraja baliak agak maleh..kalo indak
> tapaso :) ..
> dan biasonyo kalo masalah tapaso (dalam arti kato lain indak ado pilihan
> lain)..iyo barhubungan dengan tugas kuliah dan karajo..:)
>
> wassalam
>
> Yofi
Server RantauNet kini ko mamakai Windows NT. Web Server kurang jaleh (Pak
Eddy bisa bantu???). Nah kalau ka mambuek database rasonyo indak ado masalah
doh, ka pakai php, cgi/perl, oracle ataupun nan lain. Awak kan alun mulai di
database lai doh. Jadi kalau ka pakai apopun bisa dinstalkan di server
untuak database ko.
Mancaliak perkembangan nan ado ko, manuruik pemikiran ambo awak labieh baik
bapikie soal HP RantauNet nan manuju ka Homepage Komunitas Urang Awak dek
karano untuak nan lainnyo alah di isi oleh Website MinangNet dan Mimbar
Minang. Jadi idenyo awak akan mambuek Website Komunitas Minangkabau, secara
umum dan khusus. Umum misalnyo sarupo Lapau nan alah ado, khusus misalnyo
Kumpulan-kumpulan Komunitas Kampuang sarupo Banuhampu, Sulik Air, Surau atau
alumni sekolah di dlsb. Nah untuak mandukuang iko dirasokan paralu database
yang inter active sarupo nan dimakasuik Adinda Yofi Andri, mungkin salah
satu sarupo registrasi tadi dan kalau bisa langsuang registrasi ka milis nan
ado. Tamasuak juo sarupo usulan Sanak Adyan di bawah.
> -----Original Message-----
> From: [EMAIL PROTECTED]
> [mailto:[EMAIL PROTECTED]] On Behalf Of Adyan
> Sent: 29 Agustus 2000 16:36
>
>
> barangkali dapek ditambahkan hal-hal sarupo iko:
>
> - jajak pandapek tantang babagai isu minang
> - database namo-namo suku awak urang minang
> - database namo-namo nagari di minangkabau
> takah namo-namo tampaik, namo nagari, sungai, bukik,
> kelok, nan bisa
> awak nikmati dari posting-posting Inyiak Sunguik. Bisa manjadi data nan
> baharago kalau anggota lapau awak dapek manambahkan data nan dikatahuinyo.
> mungkin pulo data-data tu nanti dibukekan matriks, hubungan suku jo nagari
> dsb, statistikno dsb.
>
> - database istilah, logat dan dialek-dialek nan hiduik di
> minangkabau.
> supayo awak bisa punyo khazanah istilah dan kato kato nan antik nan indak
> bisa diperoleh kecuali dengang mendatangi suatu desa atau nagari.
Itu sajo dulu, ambo manunggu tanggapan dari dunsanak kasadonyo.
Mudah-mudahan karajoko bisa manjadi tanggung jawab awak dan kerja kolektif
awak basamo hendaknyo.
W姧��mm�����k�m w�r�hm�t����h� w����k�t�h
--------
MIKO
--------
e-mail: [EMAIL PROTECTED]
[EMAIL PROTECTED]
Mailing List RantauNet http://lapau.rantaunet.web.id
Database keanggotaan RantauNet:
http://www.egroups.com/database/rantaunet?method=addRecord&tbl=1
=================================================
Mendaftar atau berhenti menerima dari RantauNet Mailing List, kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
[email_anda] = isikan alamat email anda tanpa tanda kurung
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
-------------------------------------------------------------------------------------------------
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
