Dahulu, dalam pajalanan Minal Jibal ilal Jibal
mandaki bukik manurun gunuang, masuak rimbo kalua rimbo,
di suatu Tampek Inyiak Sunguik panah maota jo Inyiak Pi'i
(Bapak Mohammad Sjafe'i, almarhum, bakeh Mantari Pendidikan RI
dan Pambangun Sikolah M.Sjafei kayu Tanam).
Suasana: Parang PRRI, Awal Agustus 1958
Tantara Sukarono atau Tantara Pusek mandokan operasi gadang
mangaja-ngaja rombongan pemimpin besar PRRI.
Rombongan kami waktu tu sadang balinduang di
Suatu Kampuang di Tapi Rimbo Gadang.
Setting: Di suatu Tampek di dangau ketek tampek sumbayang
di tapi suatu kampuang nan jauah di rimbo gadang.
Wakatu: siang hari wakatu sumbayang luhua.
Cuaco: Galok-galok rinai-rinai ka hujan labek.
Wakatu tu Inyiak Sunguik ka Sumbayang Luhua.
Sudah bauluak, Inyiak masuak dangau tampek sumbayang tu.
Di dalam, Inyiak tapeki ado urang surang,
duduak sadang sumbayang.
Baliau adolah Inyiak Pi'i.
Inyiak Sunguik taruih sumbayang,
sudah sumbayang, mandoa.
Inyiak Pi'i pun alah sudah sumbayang luhua jo mandoa.
Sudah mandoa, Inyiak Sunguik basalam jo Inyiak Pi'i.
Samantaro tu di lua dangau turunlah hujan labek.
Dek mangunggu hujan ka taduah, sempatlah kami maota panjang,
wakatu hujan lah taduah kami bajalan pulo pulang
katampek rombongan nan basamo.
Samiai bajalan pulang baduo, kami taruih juo maota panjang
sambia mamparatikan lingkuangan alam di rimbo gadang.
Macam-macam carito kami banyak nan Inyiak parajai dari baliau.
Salah satu ota kami adolah pakaro urang sumbayang.
Antaro lain Inyiak Pi'i mangecekkan:
Ambo labiah suko sumbayang surang
sabab sumbayang ambo lambek, bacoannyo lambek pulo.
Kok sumbayang bakaum-kaum,
bacoan awak alun salasai lai urang lah rukuak.
alun salasai pulo bacoan rukuak awak, urang lah tagak lo baliak.
Alun salasai bacoan tagak awak, urang lah mangunggik pulo sujuik.
Indak takaja dek awak urang sumbayang manguggik-nunggik tu doh.
Baitu lah antaro lain kecek baliau ka Inyiak Sunguik
kini takana baliak lah labiah dari ampek puluah duo tahun
jauah dari Rimnbo Gadang, jauah di Rantau Urang.
Kapatang ko, hari Akaik 10 September 2000
Inyiak Sunguik mangikuti Komperensi Islam sahari panuah
di Newark, Kalifornia.
Acara panuah dari pukua 11 pagi sampai pukua 9 malam.
Ado sambilan ulama maagiah tabligh
manganai kahidupan Nabi Muhammad s.w.a.
Acara padek, non-stop, makan siang di sinan,
sumbayang luhua di sinan,
sumbayang asa di sinan,
sumbayang mugarik di sinan
sumbayang isa si sinan juo.
Sudah sumbayang isa makan malamdi sinan juo.
Setting: Inyiak tingga di Hotel, indak di Kampuang di Tapi Rimbo.
Sumbayang, bakaum-kaum, di ruangan mewah,
diikuti jamaah kiro-kiro duo ratuih urang,
indak di dangau ketek di Tapi Rimbo Gadang doh.
Wakatu tu takana dek Inyiak Sunguik ota kami jo Inyiak Pi'i
jauah di subarang Lauik Gadang ampek puluah duo tahun nan lalu.
Tiok duduak antaro duo sujuik
alun salasai bacoan awak lai, urang lah sujuik baliak,
sabana sabanta bana duduaknyo.
Inyiak Sunguik biasonyo mambaco
"Rabigh firli, warhamni, wajburni, warfa'ni,
warzuqni, wahdini, wa'afini, wa'fuanni."
Tapi dalam sumbayang basamo tu,
alun salasai Inyiak Sunguik mambaco "Rabig firli" sajo lai
Imam lah ambaco Allahu Akbar untuak Sujuik.
Pangalamanko indak sakali ko sajo doh.
Acok tiok sumbayang bajamaah Inyiak Sunguik
indak dapek malangkokkan bacoan tu kasadono doh
karano takaja dek imam jamaah nan lakeh-lakeh sujuik tu.
Tanyo Inyiak Sunguik ka Ustaz sarato Rang Lapau nan Basamo:
Baa mangko sabanta bana duduak imam antaro duo sujuik tu:
"Aa nan dibaco no du?"
Salam,
Inyiak Sunguik
Sadang manunggu wakatu Subuah
X____________________________ Sjamsir Sjarif
Indonesian Translator and Cultural Consultant
Tel. (831)-426-1333 Fax (831)-426-8907
Email: [EMAIL PROTECTED]
Web Page: http://www.usindo.net/hambo
************************************************************
Mailing List RantauNet http://lapau.rantaunet.web.id
Database keanggotaan RantauNet:
http://www.egroups.com/database/rantaunet?method=addRecord&tbl=1
=================================================
Mendaftar atau berhenti menerima dari RantauNet Mailing List, kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
[email_anda] = isikan alamat email anda tanpa tanda kurung
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
-------------------------------------------------------------------------------------------------
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
