Bandaro,
-----Original Message-----
From: Bandaro <[EMAIL PROTECTED]>
To: [EMAIL PROTECTED] <[EMAIL PROTECTED]>
Date: Wednesday, September 20, 2000 5:13 PM
Subject: Re: [RantauNet] Pak Eddy sedang di Jakarta
>
>Ambo satuju dan mandukung diadokan partamuan tu.
>Sampai akhir Sept ambo alun ado rencana kalua kota.
>1 Oktober dan salanjuikno, akan "kalua", mungkin kakampuang.
>
>Hal-hal lain mbo sampaikan ka japri babarapo Rantaunetter-
>Batawi.
>
Lai nan kapikiran di ambo saketek tantangan pangambangan RantauNet di maso
nan akan datang ko, Angku Bandaro. Sarupo nan lah panah ambo kamukokan ka
Angku Bandaro sangkek awak duduak maota di Lapau Angku Hadi
<[EMAIL PROTECTED]> bulan Juli nan lau baraso di jaman cyber-ko ado
samacam "tampaik bakumpua" nan disabuik jo istilah "holonic-network" (Ref:
"Beyond Business Process Reengineering: Towards the Holonic Enterprise",
Patrick McHugh - Giorgio Merli - William A. Wheeler III; 1995, John Wiley &
Sons Ltd, England).
Ambo usul supayo dalam partamuan itu, muloi dibicarokan kamungkinan untuk
mangambangkan RantauNet ka arah holonic network itu. Mungkin indak bisa
lansuang
bisuak jadi, tapi sakurang-kurangno rancana nan dibuek mangarah ka situ.
Holonic-network dibantuak dari anggota atau "holon" (dari bahaso Yunani;
"holos" yang dalam buku tadi diartikan "whole and 'on' inferring part").
Jadi ado "sasuatu" nan mulo-mulo marupokan satu kasatuan, tapi dipacah-pacah
dulu manjadi bagian-bagian lalu disarahkan ka anggota nan bakapantiangan,
kamudian masiang-masiang anggota malakukan sasuatu sasuai jo kapandaian
masiang-masiang, akhirno sasudah masiang-masiang anggota salasai digabuang
baliak mambantuak suatu kasatuan. Nan unik adolah baraso masiang-masiang
holon tatap badiri sandiri-sandiri. Bisa sabagai perorangan, atau suatu
badan hukum.
"Sasuatu" tadi barasal dari "kabutuhan orang dalam manjalani hidup ini",
yang dalam wujudnya dinamokan "produk". Ado yang barupo barang (goods), ado
nan barupo jasa (services), atau bisa juo hanyo barupo ide (ideas).
Masiang-masiang awak anggota RantauNet pasti mampunyoi "kapandaian"
(competency) nan manyangkuik suatu produk. Ado nan mampunyoi kapandaian
untuk mamproduksi suatu produk (mambuek, atau sato mambuek, atau mambali
dari urang lain sahinggo siap tasadio untuak dijua). Fungsi ko kito sabuik
sajo fungsi "Produksi". Ado nan pandai manjua sajo atau kito sabuik sajo
fungsi "Panjualan". Ado nan pandai mancatat jua-bali sahinggo
jaleh bara pitih masuak bara pitih kalua (pambukuan) manyangkuik suatu
produk tertentu,
atau kito sabuik sajo fungsi "Administrasi". Fungsi produksi, panjualan jo
adminstrasi itu sacaro kasatuan kito sabuik sajo fungsi "Operasional".
Tapi nan paliang pokok di sampiang fungsi Operasional adolah tantangan
"produk nan kadisadiokan". Fungsi nan ciek ko kito sabuik sajo fungsi
"Pamasaran", yaitu manantukan produk nan ka disadiokan dan manganalkan ka
urang-urang di pasa. Iko bana nan sarik. Sabab sabalun ditantukan harus
yakin baraso bantuak produk nan kadisadiokan itu sabana diparalukan urang.
Salah-salah indak ado nan kamambali doh, alias indak laku. Tapi nan sarik ko
jadi gampang kalau alah punyo informasi tantangan "kabutuhan orang dalam
manjalani hidup ini". Dunia cyber (cyber world) adolah dunia informasi
(information world) dan RantauNet ado di dalamno, sahinggo RantauNet bisa
mancari dan mangumpuan informasi nan diparalukan itu, marumuskan manjadi
suatu rencana produk, lalu malewakan ka anggota. Salanjuikno "lah kaji
manurun", asal RantauNet dikandalikan oleh "management professional", yaitu
sangaik concern tantangan fungsi Sumber Daya Manusia" nan manjalankan
RantauNet atau kito sabuik sajo fungsi "Pembinaan SDM" dan tantangan
pendanaan atau kito sabuik sajo fungsi "Pendanaan/Keuangan".
Kalau dalam RantauNet alah langkok ka-ampek fungsi itu (Pamasaran, Operasi,
Pendanaan/Keuangan dan Pembinaan SDM), mako jadilah RantauNet suatu "holonic
enterprise". Suatu "virtual enterprise", tapi mampunyoi aturan-aturan nan
mengikat anggotan-angotano.
Nan jaleh RantauNet hanyo bisa hiduik dari partisipasi anggota. Dasar dari
partisipasi adolah motivasi. Motivasi nan paliang "manganai" adolah kalau
manyangkuik "paruik".
Wassalam,
St. Batuah
Mailing List RantauNet http://lapau.rantaunet.web.id
Database keanggotaan RantauNet:
http://www.egroups.com/database/rantaunet?method=addRecord&tbl=1
=================================================
Mendaftar atau berhenti menerima dari RantauNet Mailing List, kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
[email_anda] = isikan alamat email anda tanpa tanda kurung
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
-------------------------------------------------------------------------------------------------
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
