Assalamu'alaikum wr.wb.,
Angku Abrar manulihan;
Saisuak, kutiko di kampuang ado nan namonyo 'julo-julo'. Sakali sa belok nan jadi
anggota mangumpuekan pitih, pitih nan takumpue di agiekan ka anggota sacaro bagilir,
tapi di-undi sia nan dapek partamo- kaduo dana sataruihnyo, sampai salasai sadonyo
anggota dapek giliran.
Maju saketek. Tingga di kota, urang ba arisan. Caronyo samo juo jo julo-julo.
Jumlahnyo tantu labiah banyak. Pelaksanaanyo ber-variasi. Anggotanya terbatas. Tapi
tetap ado undian-nyo.
Maju saketek lai. Kini alah ado internek. Julo-julo sarato arisan bakambang taruih.
Anggota kini indak lai tabateh dek jarak jo ukatu. Sia sajo buliah ikuik, dimano pun
barado buliah sato. Arisan jaman modern lewat komputer dirumah atau kantue
masiang-masiang. namonyo $5 gimmick, dan banyak nan lain.
Apakah semua itu samo jo judi? Nan jaleh itu bukan usao perdagangan.
Tolonglah buya-buya nan ado di Lapau di agieh komentar senek.
Mokasi,
Abrar.
Angku Abrar,
Sabalunno ambo ingin tau baa bana caro mainno 'gimmick' ko. Kalau julo-julo maupun
arisan, jaleh jumlah anggotano, jaleh gadang pitih nan dikumpuaan dan nan dipalegakan.
Salain dari badaulu-bakudian manarimo pitih, indak ado nan dirugian. Jadi indak ado
unsur judino, walaupun manatapan sia nan dapek daulu - sia nan kudian diatur jo undian.
Kalau nan gimmick tadi sarupo pulo jo itu dalam jumlah nan mungkin labiah gadang tantu
bukan tamasuak judi. Tapi kalau ado kamungkinan surang-surang urang indak panah
manarimo baliak, tapi taruih juo mambaia, sarupo urang mambali lotere, jaleh tamasuak
judi.
Sakitu sajo daulu,
Wassalamu'alaikum wr.wb.,
Lembang Alam
------------------------------------------------------------
Free Web-email ---> http://mail.rantaunet.web.id
Minangkabau WebPortal ---> http://www.rantaunet.web.id
Mailing List RantauNet http://lapau.rantaunet.web.id
Database keanggotaan RantauNet:
http://www.egroups.com/database/rantaunet?method=addRecord&tbl=1
=================================================
Mendaftar atau berhenti menerima dari RantauNet Mailing List, kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
[email_anda] = isikan alamat email anda tanpa tanda kurung
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
-------------------------------------------------------------------------------------------------
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
