Assalamualaikum WW,
Mamak-mamak jo dunsanak nan ado dilapau,
Kalau buliah ambo sato mangamukokan pandapek ambo manganai UPO PT. BA.
Kabatulan ambo hadir dalam rapek (samacam presentasi) yang diadokan di aula
kantue gubernur sekitar 4 bulen nan lampau. Wakatu tu nan hadir Pak
Gubernur, Muspida Kotamadya Sawahlunto, Muspida Kabupaten
Sawahlunto-Sijunjuang, Niniak Mamak dari dua dati II tu, Dirut PT BA dan
staff sarato babarapo instansi takaik. Intinyo urang PT. BA mangundang urang
Minang untuak sato dalam investasi untuk mambuka tambang dalam karano sacaro
matematis tambang tabuka alah ampia abih depositnyo (2003) samantaro mereka
indak punyo modal doh.
Ambo manilai sacaro pribadi alasan PT. BA akan diprivatisasi sahinggo UPO
akan jadi punyo urang pusat dimanipulasi supayo urang awak sato. Kesannyo
sarupo abih manih sapah dibuang. Katiko sadar bahwa UPO indak provitable lai
mereka mancubo lapeh tangan jo maajak awak sato. Nampak ado semacam
keinginan nan kuek untuak manutuik UPO kalau indak ada investor baru. Dilain
pihak dusanak-dusanak awak di Sawahlunto sangaik tagantuang jo UPO ko.
Salain mamikiakan nasib dusanak-dusanak awak itu, ado baiaknyo awak
mamikiakan kondisi alam nan alah abih dikureh. Alah samapai dima urang PT.
BA mareklamasi tanah nan alah dibongka bapuluah meter dalamnyo tu. Jan
sampai katiko mereka pai tanah tu masih tabuka dan nan pasti tanah tu indak
bisa ditanam untuk sawah jo ladang.
Wassalam
Hilman
Mailing List RantauNet http://lapau.rantaunet.web.id
Database keanggotaan RantauNet:
http://www.egroups.com/database/rantaunet?method=addRecord&tbl=1
=================================================
Mendaftar atau berhenti menerima dari RantauNet Mailing List, kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
[email_anda] = isikan alamat email anda tanpa tanda kurung
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
-------------------------------------------------------------------------------------------------
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
