Angku Lembang Alam sarato Warga RN sa Jabotabek kasadoanno.
Alah mangarati ambo kini baraso tujuan Partamuan jo Pak Eddy ko indak lain
cuma untuak basilaturrahim. Batamu muko jo maota kailia kamudiak. Tasarah
masiang-masiang a nan kadiota-an. Soal pangambangan home-page RN nan ambo
simak salamoko adolah soal dana. Kok lai nan kamangamukokan masalah dana ko,
tasarah nan badompet taba sajolah, kok bara ka baiyua. Ambo nan alah pansiun
ko sato mandanga sajo. Dalam kapalo ambo nan ado cuma ide mangkomersilkan
RN, sahinggo maatasi masalah dana bukan sacaro baiyua tapi mancari investor.
Mangkomersilkan RN aratino manjadikan RN sabagai sarana suatu usaho
komersil. Kalau baiyua, tantu pangambangan RN cuma saukuran bara banyak
pitih nan bisa dikumpua-an. Kalau manarik investor untuk suatu usaha
komersil (istilah ambo: "nan manyangkuik paruik"), tagantuang kecap
("feasibility") dari usaho komersil itu sandiri. Kalau kecapno saraso kecap
nomor satu, tantu banyak investor nan baminat. Masalahno paralu tanago
panggarak ("management team") yang dibantuak dari warga RN sandiri untuak
"mambidani" lahia-no suatu usaho komersil.
Sayangno sasudah ambo paratian sajak ambo lewakan ide ambo ko, indak ado nan
baminat, dek karano tanyato nan manjadi motivasi warga RN datang ka "lapau"
adolah cuma untuak maota tantangan apo sajo nan ka lamak diota-an.
Konsekuensino kadang-kadang ado nan tasingguang bagai, lalu mambaleh jo
jawaban nan agak manganduang emosi. Tapi iyo itulah nan maramian lapau RN
ko. Nan jaleh alah banyak nan mandapek manfaat dari RN. Antaro lain
kapatangko Inyiak Sunguik nan di Santa Kuruih alah basuo baliak jo kawan
baliau di Batusangka nan alah tigopuluahlimo tahun indak panah basuo
(walaupun kasudahanno sacaro babisiak-bisiak lewaik japri).
Sarupo kasimpulan nan alah panah ambo lewakan baraso tanyato soal "paruik"
adolah parsoalan di tampek "mangakeh" masiang-masiang warga RN sahinggo ide
manjadikan RN untuak sarana usaho komersil pasti indak kamandapek dukuangan.
Tujuan pai ka lapau RN tanyato bukan untuk maatasi masalah "paruik", tapi
untuk santai maota. Bak kecek Angku Lembang Alam, indak manjadi parsoalan
pai ka lapau ko jo Bendi Bugih atau Bendi Dineh atau
manompang jo bendi urang lain. Nan paralu sampai di lapau hati sanang.
Masiang-masiang tingga manakan keyboard jo manggosok "mancik"
masiang-masiang.
Nan ingin ambo kamukokan dalam e-mail ko adolah kasimpulan ambo nan tarakhir
baraso lapau RN dalam kondisi sarupo kiniko alah cukuik untuk mamanuahi
fungsi jo tujuan lapau. Jadi indak paralu-lah kalua tanago, waktu dan dana
untuk "mamparancak-i". Kalau diparancak bana sarupo home-page
MinangNet, mubazir, cuma untuak kajadi konsumsi warga nan pai ka lapau jo
"Bendi Perai". Iyo rancak sarupo mambaliak-baliak majalah, tapi masih
tagantuang isino. Jadi masih tagantuang tanago jo waktu (team redaksi)
sarato dana untuk mangumpua-an a nan ka manjadi isi home-page. Di sampiang
itu nan pakai
Bendi Bugih atau Warnet iyo bapikia dulu untuak masuak baputa-puta
(surfing) di "biliak lapau" (home-page) samacam itu.
Tantangan waktu partamuan hari Minggu 15 Oktober 2000 nan diusulkan Angku
Lembang Alam, manuruik ambo makin capek makin elok. Cuma kalau siangno ambo
indak bisa dek karano ado acara silaturrahim jo famili-famili nan ado di
Jakarta. Kalau sasudah mugarik, insyaallah ambo bisa datang dan kalau bisa
di Pasa Rumpuik juo. Bisa muloi registrasi pukuah 5.00 sore, sumbayang
mugarik dulu bajamaah di Musajik Pasa Rumpuik, sasudah itu baru dimuloi
acara silaturrahim jo Pak Eddy. Nan ka datang sasudah mugarik, tasarah.
Namono basilaturrahim, sia nan ka pulang dulu, silakan. Apo lai nan alah
bacucu sarupo ambo . . . .
Wassalam,
St. Batuah
-----Original Message-----
From: muhammad dafiq saib <[EMAIL PROTECTED]>
To: [EMAIL PROTECTED] <[EMAIL PROTECTED]>
Date: Wednesday, October 11, 2000 8:09 AM
Subject: RE: RE: [RantauNet] Urgent!! - Partamuan jo Pak Eddy
Ka angku St. Batuah ambo maimbau untuak tatap hadir untuak silaturrahmi. Kok
pakaro masalah teknis (nan sabana teknikno itu bana) pakaro mameloki
lapauko, di ambo bana indak kajaleh pulo doh. Tapi ambo mancaliak
samato-mato dari suduik silaturrahmi tadi itu.
Insya Allah basuo awak di partamuan tu.
Wassalamu'alaikum wr.wb.,
Lembang Alam
Mailing List RantauNet http://lapau.rantaunet.web.id
Database keanggotaan RantauNet:
http://www.egroups.com/database/rantaunet?method=addRecord&tbl=1
=================================================
Mendaftar atau berhenti menerima dari RantauNet Mailing List, kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
[email_anda] = isikan alamat email anda tanpa tanda kurung
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
-------------------------------------------------------------------------------------------------
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
