RE: [RantauNet] Lubang Japang di Ngarai Sianok

[Darul Makmur]

Title: Lubang Japang di Ngarai Sianok

Ass.ww

 

Angku Erwin,

 

Bia ambo cubo mambagi carito saketek, dek ambo alah dua kali masuak ka lubang japang nangko, mambao anak-anak pulkam 3 tahun nan lalu.

 

Lubangko maubungkan taman Puti Bungsu jo jalan ka Sianok. Jalan ka Sianokno manuruni ngarai Sianok ko.

 

Awak bisa masuak dari pintu utama-nyo di Taman Puti Bungsu. Dari pintu masuak tu awak masuak tarowongan nan badiameter kiro-kiro 3 meter. Manuruni tangga nan mampunyoi anak tangga labiah saratuih buah. Tibo dibawah lubangko ba-simapang-sampang. Nampakno bapetak-petak kakida jo kasouk, tapi kalau dijalani awak bisa batamu disinan baliak.

 

Didalam terowongan nantun ado tompaik-tompaik : rapek, lalok, istirahan, dapua, makan, tahanan, persembunyian dan lain. Lubangko tembus ka jalan Sianok ado di 3-4 tompaik. Dapua umumnyo, juo barado dakek ka jalan nangko.

 

Lubangko dikali jo tangan, pakai balencong. Dididingnyo dipadiagan indak rato, disangajo supayo indak tajadi sipongang. Sabana santiang, iyo indak ado gema suaro disinan doh, dek pantualan suaro tapacah-pacah dek dinding pantulan nan indak rato.

 

Ciek lai, dek lubang ko tembus ka duo tompaik nan bajauhan dan maadok ka duo arah, iyo terjadilah sirkulasi udaro nan sempurna. Jadi didalam lubangko udaronyo, barasiah dan ba-oksigen cukuik. Malah kalau angin kancang awak bisa kadinginana didalamnyo.

 

Lubang japangko, kini jadi obyek wisata di Bkt. Masuakno mambali karicih duo kali. Patamu masuak Taman, nan kaduo masuak ka lubang nangko. Didalamno alah diagiah lampu listrik nan cukuik dan juo tasadia talepon otomatis, nan bisa mancaritogan tantangan carito ngarai nangko. Iyo sayang mbo ndak sempat mancubono wakatu nantun

 

Iyo nan dapek ambo tarangkan manuruik pandangan mato ambo.

 

Wass.ww

St.P

-----Original Message-----
From: [EMAIL PROTECTED] [mailto:[EMAIL PROTECTED]]On Behalf Of Erwin Moechtar
Sent: Monday, October 23, 2000 9:57 AM
To: Rantau-Net (E-mail)
Subject: [RantauNet] Lubang Japang di Ngarai Sianok

AS. W.W.

Urang Lapau ...!
Batanyo saketek, kapatang ambo manarangkan Ngarai Sianok ka kamanakan, 
Cuma pas manarangkan Lubang Japang, ambo ndak jaleh bana, mungkin Dunsanak di Lapau tahu tantang Informasi  Lubang Japang ko, bara  meter sampai ka dalam, tambuih nyo dima ...?

Mohon informasinyo ....
Tarimo kasih sabalumnyo

Wass..
EM
I