At 01:29 PM 10/24/00 +0700, Adyan Anwar wrote:
>Assalamualaikum w.w.,
>
>----- Original Message -----
>From: "Ma'Dang JoLelo" <[EMAIL PROTECTED]>
>To: <[EMAIL PROTECTED]>
>Sent: Tuesday, October 24, 2000 9:33 AM
>Subject: Re: [RantauNet] Nagari Tiku
>
>
>> Indak jauah-jauah gai doh, sakali jantiak jo jari se
>> sampai http://www.geocities.com/asepty/nagari_tiku/
>> Tapi iyo maaf ambo, halaman rumahnyo alun salasai ambo
>> sapu. Masih sadang ambo ansua-ansue.
>>
>
>Alhamdulillah, sadang ambo caliak-caliak kini tu. Io katuju bana diambo
>homepage nan macam iko. Mudah-mudahan halaman-halaman Ma'Dang capek
>salasainyo.. jauh kadicailak-caliak dakek kadisilau-silau..
>
>Rang lapau kasadonyo,
>
>Ambo juo sadang mancobo Web nan lain sasudah HP tanun nan lalu. Kini cobo
>klik di http://www.angelfire.com/id2/adyan Nan iko tantang Pandaisikek sajo.
>Mungkin dek pangaruah awak maota di lapau ko pakai bahaso Minang sajo, ambo
>buek HP to pakai bahaso minang pulo. Tapi iolah, dek masih "under
>cosnstruction" lah namonyo, masih 'draft', tantu masih banyak kakurangannyo.
>Mohon dimaafkan kok banyak salah ketik bagai.
>
>Wassalam
>Adyan
>
Maa Angku Adyan,
Alah ambo caliak Halaman Rumah Pandai Sikek. Sanang hati ambo.Walaupun
"draft" alah ambo caliak pulo dasar parumahannyo. Bisa dipalaweh, bisa
diparancak, dibilai-bilai baransua-ansua. Sabagai draft memang tyupo (salah
tep) taruih mambayangi kito. Baiak dimaa sajo kito manulih, saroman manulih
email di Lapau ko, banyak typo nan tajadi. Itu alah nasib panulih. Tapi,
saroman acok ambo katangahkan, typo ko paralu kito peloki, apo sajo nan
kito tulih. Kok dicaliak-caliak jo masin ambo nan baru ko banyak bana typos
dalam email ambo nan datang baru-baru ko, karano masinnyo agak capek (capek
ko caro awak. bukan caro rang subarang, pangguluik, panggageh).
Ambo pangunjuang nomor 18. Sayang indak ambo caliak ado buku tamu nan
paralu ditandotangani.
Mancalaiak denahnyo, tampaknyo nanti Halaman Rumah Gadang ko ka manjadi
sumber nan baharago untuak angkatan panalaah Kampuang Halaman, baiak maso
kini, maupun untuak angkatan kamudian.
Dek karano di Pandaisikek (satu kato atau duo kato? saroman karaguan Angku
Adyan nan lah dikatangahkan dalam email nan batopik parubahan namo-namo di
kampuang awak), mungkin cuma Angku Adyan surang sajo nan punyo komouter.
Baiko kok lah salasai Halaman Rumah Pandai Sikek ko tantu rancak dicetak,
disimpan atau dipacalaiakkan untuak umum di Kantua Nagari di Kampuang,
dipacaliakkan untuak Rang Banyak (public) dan dapek manjadi bahan diskusi
bagi para paminat Sejarah Kampuang Halaman.
Sakitulah dahulu. Tarimo kasih ateh usaho mangatangahkan latar bulakang
Nagari Pandai Sikek na banyak kito nan di lua Pandai Sikek sandiri indak
banyak mangatahui sacaro detail.
Sambia mancaliak Pandai Sikek (duo kato atau ciek?) dari dalam atau ka
dalam (micro) nanti kalau alah ado pulo Halaman-Halaman Rumah di Kampuang
nan lain, saroman Tiku (Mak Dang Jolelo
http://www.geocities.com/asepty/nagari_tiku/), Biaro (Elthaf, H. Abdul Hadi
jo anak kamanakan [EMAIL PROTECTED]), Banua (Banuhampu), Magek,
dll nan alun tahu bana kito dari dalamnyo lai, nanti dapek kito caliak dan
bandiang-bandiangkan Ranah Minang dalam pandangan macro, hubuang kampuang
jo nagari sarato luhak satu samo lain. Kito caliak kaik bakaik rotan sagonyo.
Itu adolah tugeh panjang, tugeh kito basamo, para peminat sejarah dan
budaya Minang, mancaliak Kampuang Halaman kito, dari dalam, dari lua, dari
ateh, kok dapek pulo dari bawah, dalam kaik-bakaiknyo (interealtionship)
baiak di dalam Ranah Minang sajo maupun dalam hubuangannyo ka lua dalam
pandangan sacaro galobal (global). Mudah-mudahan paratian adat budaya nan
kito acah-acah di Lapau salamoko dapek kito arahkan nanti ka angkatan
salanjuiknyo, nan maa nan baminaik untuak mandalami kakayoan budaya
kampuang halaman kito ko, ka kito caritokan diulang-ulang untuak maso datang.
Salam salamaik dari ambo,
Mak Ngah
x______________________Sjamsir Sjarif
Indonesian Translator and Cultural Consultant
Tel. (831)-426-1333 Fax (831)-426-8907
Email: [EMAIL PROTECTED]
Website: http://www.usindo.net/hambo
**************************************
Mailing List RantauNet http://lapau.rantaunet.web.id
Database keanggotaan RantauNet:
http://www.egroups.com/database/rantaunet?method=addRecord&tbl=1
=================================================
Mendaftar atau berhenti menerima dari RantauNet Mailing List, kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
[email_anda] = isikan alamat email anda tanpa tanda kurung
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
-------------------------------------------------------------------------------------------------
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
