Re: [RantauNet] Syariat Islam di Minangkabau ....?

[Khairi Yusuf]

"RINALVI" <[EMAIL PROTECTED]> manulih： > >Assalamualaikum wr wb ....untuak bapak ,ibu ,mamak , etek ,uni , uda ,dan >dunsanak kasadoannyo di Mailing list ko ..... > > >Ado kegembiraan dan kebanggaan di hati ambo sabagai anak minang .....dimano >awak senantiasa membicarakan dan memperdebatkan tontang dua Hal yaitu agamo >dan adat ... ...(..)... >Jadi baa kalau samo - samo usulkan sajo di minangkabau ko di berlakukan sajo >syariat Islam ....? >Sasuai jo firman Allah nan artinyo : Masuklah engkau kedalam islam dengan >sebenar-benarnya ...... > >Wassalamualaikum wr wb > >/rinalvi /Jakarta /th lahir 1970 Assalamu'alaikum.w.w. Tarimo kasih banyak diak Rinalvi (maaf kok salah himbau). Sabananyo persoalan ko alah pulo pernah dilantunkan babarapo ukatu nan lalu dek babarapo urang dunsanak kito, tapi nampak nyo gayuang ko indak basambuik, tekong ko dingin. Antah dek karano ado pulo persoalan lain wakatu itu, atau urang sadang lamak bacarito nan lain, dan maaf, ambo　pun ukatu tu iyo saba- na tabedo. Atau dek karano ragu sahinggo indak basuaro, atau mungkin juo takuik, takuik kok diberlakukan hukum Islam, kanai kuduang tangannyo. Dan iko memang lah panyakik, sabab urang kini takuik jo Islam ko, inyo indak takuik jo Tuhan Allah do (Allah swt.-red), tapi takuik jo Islam. Antah baa ko lah. Jadi indak ado respon snek juo doh. Di bawah ko ambo cuplik kan tulisan babarapo dunsanak kito tu tantang itu, cubo simak. Nan partamo dari sanak Rinaldi (hampia samo jo sanak namonyo, atau memang ciek urangnyo ambo indak tahu, cuma address balain). ---- Rinaldi manulih ---- Kalau Aceh alah resmi manerapkan syariat Islam di nagarinyo. Tadanga pulo ndek kami kalau gairah urang di Sulawesi Selatan untuak manerapkan syariat Islam samakin hari samakin gadang. Baitu pulo Kabupaten Tasikmalaya jo calon provinsi Banten sarato Madura. Ba-a kaba urang-urang di ranah minang, apokoh lai ado muncua kainginan untuak manerapkan syariat Islam di nagarinyo? Soalnyo, agamo Islam tu alah mandarah mandagiang di nagari minang. Tapi kini, iyo prihatin mancaliak nagari. Tiok pulang hari rayo ka Padang/kampuang, iyo samakin jauah urang minang dari agamonyo. Di jalan-jalan alah lazim padusi pakai baju adek (baju ketat), pacaran bebas di tapi pantai atau tampek-tampek mojok, judi gelap di sapanjang jalan, hamil di lua nikah, narkoba, kristenisasi, ... ondeh ... banyak lai kok ka dicaritokan sadoalahnyo. Iyo la-i banyak jo urang nan alah bajilbab, banyak urang nan ka musajik, tapi kamaksiatan pun samakin banyak pulo. Manuruik kami, solusi untuak sadoalah parsoalan tu adolah panerapan syariat Islam di ranah minang. Kalau Islam ditagak-an, pasti amanlah nagari, Tantu sajo syariat Islam itu untuak urang-urang Islam sajo. Urang-urang non Islam di ranah minang indak taikek jo syariat tu. Kini zaman otonomi daerah, tantu kasempatan ameh untuak urang-urang di nagari minang sarato parantaunyo mampajuangkan syariat Islam. Ba-a pandapek sutan-sutan? Wassalam Rinaldi Munir Bandung ----- Ditanggapi dek sanak Z Chaniago salincam sajo, sarupo di bawahko. Assalamualaikum WW SAlah satu jalan supayo dasar Adaik Basandi Syara' , Syara' basandi Kitabullah , iyo rancak juo dipakai dengan sacaro resmi marenapkan Syariah Islam, dengan harapan dengan Islami-nyo situasi di daerah awak akan mambuek urang tambah bareh untuak malakukan nan indak elok. Dan ambo satuju jikok Syariat Islam dipakai di Minangkabau Z Chaniago - Palai Rinuak Tapi sabalun kaduo-duo nyo tu, alah ado nan malontarkan ide jo FWD nyo sarupo di bawah ko. >Pak Abrar, > >Tantang hiduik urang awak dikampuang nan nampaknyo indak lai bapijak ka >ajaran agamo Islam, lah agak lamo ta rasokan , apo lai bagi urang-urang >rantau nan sakali-sakali pulang. Pangalaman maliek kahidupan baagamo di >daerah rantau dapek manjadi pambandiang jo kahidupan agamo di minangkabau. >Kalau baitu, tantu usulan untuak manjadikan Sumatra Barat dapek pulo >manerapkan Syari'ah Islam dalam kahidupan masyarakatnyo adolah gagsan nan >paralu disambuik. Tapi soal nan paliang dulu harus dikamukokan, apokah >niniek mamamk, candiak pandai dan alim ulama di kampuang sandiri juo alah >sahati untuk malaksanakannyo? Artinyo, urang nan kamamikua baban kaputusan >itu tanto nan dikampuang juo. Kalau alah sapakaik sadonya tantu hal itu >dapek dimuloi untuak mandiskusikannyo. > >Pikiran sarupo juo bakambang di Yogyakarta diantaro kawan-kawan di kampus. >Untuk manuju penerapan Syari'ah Islam itu di Sumatra Barat, ado gagasan nan >bakambang dalam diskusi itu, baa kalau propinsi Sumatra Barat diganti >manjadi propinsi Minangkabau? Alasannyo, dengan namo Minangkabau ado beban >ideologi untuk manjadikan Adaik basandi syarak, syarak basandi kitabullah, >manjadi lebaiah mudah untuak dilaksanakan. Ado samacam jalan nan alah >tasadio sacaro metafor dengan mangganti namo propinsi Sumatra Barat jo >Minangkabau untuak manjadikan kampuang awak menjadi propinsi nan Islami. > >Nan alun satuju jo gagasan itu mangamukokan alasan: apo indak tajadi paham >etnosentrisme dengan mangganti namo propinsi itu? Rasonyo kok indak. Aceh, >Jawa, Banten (kalau jadi) dan lain-lain nan barangkali ka manyusul, juo >manamokan propinsi mareka jo namo suku. Lalu ado pulo nan mampasoalkan baa >kadudukan Mantawai, dan baa pulo urang Minang nan ado di propinsi Riau, >Jambi dan lainnyo, nan dulu tamasuak alam Minangkabau? Mungkin pak Abrar >dapek manjawab soal itu, walaupun kami alah pulo mancobo manjawabnyo. > >Sekianlah dulum, salam kami di Yogya untuk urang rumah > >Wasssalam > >Sjafri Sairin Wassalam Cubo　sanak tanggapi agak snek dulu, beko ambo jawek. Wassalam Khairi Yusuf Mailing List RantauNet http://lapau.rantaunet.web.id Database keanggotaan RantauNet: http://www.egroups.com/database/rantaunet?method=addRecord&tbl=1 ================================================= Mendaftar atau berhenti menerima dari RantauNet Mailing List, kirimkan email Ke / To: [EMAIL PROTECTED] Isi email / Messages, ketik pada baris/kolom pertama: - mendaftar: subscribe rantau-net [email_anda] - berhenti: unsubscribe rantau-net [email_anda] [email_anda] = isikan alamat email anda tanpa tanda kurung ================================================= WEB-EMAIL GRATIS ... @rantaunet.web.id ---> http://mail.rantaunet.web.id ------------------------------------------------------------------------------------------------- WebPage RantauNet http://www.rantaunet.web.id dan Mailing List RantauNet adalah servis dari EEBNET http://eebnet.com, Airland Groups, USA =================================================