Re: [RantauNet] Dek lapau sadang langang

[Khairi Yusuf]

"Z Chaniago" <[EMAIL PROTECTED]> menulis： >Assalamu'alaikum WW > >Ka maa ko lah adidunsanak sadonyo... surang sajo bamanuang iyo indak lamak >pulo ...ambo kopikan dari lapau sabalah walaupun mungkin iko curito lamo... > >Wassalam >Z Chaniago - Palai Rinuak > Ha ha ha ha.... iyo santiang curito tu mah. Assalamu'alaikum.w.w. Palai Rinuak. Dek surang se di lapau, niak ambo kawani Palai Rinuak, jan mandingin badan tu beko. Ari ka puaso bagai, kok nyampang tibo angin buruak beko, dek kuro Palai Rinuak pulang ka rumah. Sudah tu,.... aa nan ka diota-an kiro-kiro ?. Nak agak boneh lah sangenek, jan bantuak debat kusir ala St.LA pulo beko, he he he he,... sinayan se ari dibueknyo. Co iko Palai,... Kapatang ko dek palai ndak aa, dapeklah kito curito baa nugari awak ko, dimuloi jo keadaan nan tajadi di Malaysia kutiko manyambuik tahun baru 2000. Disimpulkan pulo bahaso nagari awak dibandiangkan jo kajadian di Malaysia tu, ruponyo alah lamo sarupo itu. Alah manjadi biaso ruponyo di nagari awak. Tapi dulu, kutiko ambo alun jauh ka Japang ko, nan kajiadian sarupo itu buliah dikatokan di Jawa sajo pado umumnyo atau Jakarta pado khusus- nyo. Dek karano ibu kota, dan bergelar metropolitan, Jakarta ko indak tabarasiah-tabarasiahkan dari hal-hal nan sarupo itu. Di sinan banyak ulama gadang-gadang, tapi disinan pulo induak angkang pareman nan gadang-gadang. Dan lah jadi tabiat urang awak pulo maniru kurenah urang lua nagari tarutamo amerika. Sagalo nan dari amerika batiru abih-abih, basalin abih-abih. Kalau bacarito tu haa..."Eh..kapan lu dari LA"....ndeeeh, iyo sabana santiang rasonyo tu. Antah iko parang budaya atau indak, nan jaleh sagalo nan diamerika ditiru abih. Kalau indak, ndak "moderen" we-e doh. Sampai ka parangai- parangai urang amerika batiru. Sahinggo nan dulu indak biaso, kini lah manjadi biaso. Samantaro dek palai rinuak, nan kota Padang, ba orientasi ka Jakarta. Satiok nan pulang dari Padang mambaok carito bahaso lah banyak "kemajuan" kota Padang tu kini, baitu juo Bukik Tinggi. Gaya Jakarta lah dareh pulo mambao anak-anak mudo di Padang. Takajuik-kajuik kito mandanga kaba nan dibao. Tapikia di ambo, dima latak salah tempangnyo tu hah. ?. Apoko dek karano karajo rezim orde baru, atau memang zamannyo bana nan barubah sahinggo indak dapek ditahan lai. Ambo raso, sabanyak tu urang gaek-gaek kito, tantu lai maagiah pendidikan nan cukuik untuak anak-anak nyo di bidang moral ko ko. Atau saketek banyaknyo ado juo lah hal-hal nan dipasakkan ka talingo anak-anaknyo untuak dipacik kian kamari. Tapi nan nagari kito tu iyo lah barubah (dari segi moral). Ambo indak pulo tahu, apoko urang gaek dari anak-anak tu bana nan alah tererosi pulo dek kemoderenan tu atau baa. Dulu (sabalun krisis) kami lai mancubo malayangkan surek protest atau rekomendasi atau resolusi ka Pemda Sumbar untuak bausaho kareh maapuih sagalo bantuak maksiat tu dari nagari Sumbar. Antah baa usaho tu, ambo alun dapek kaba lai do. Apo lai sudah tu tibo krisis moneter, sahinggo nan namonyo "kefakiran mendekatkan pada kekafiran" tu mungkin juo bala- ku. Buliah dibayangkan "kemoderenan" itu tadi makin manjadi-jadi. Tapi baa kaba sabananyo dari kampuang, alun bisa disimpulkan saratuih persen lai do, dek karano lain urang lain panilaian. Kalau lah kajadian sarupo iko dek palai, aa kiro-kiro nan bisa kito buek. Kalau dari jauah ko, apo kiro-kiro nan bisa kito rekomendasikan ka urang-urang nan di Padang, atau apo kiro-kiro nan bisa kito sorakkan ka urang rami di kampuang tu ?. Memang agak tagamang ambo saketek mancaliak perkembangan di nagari kito tu. Salain jo do'a, apo nan bisa ka dipabuek ?. .... ... Wassalam Khairi Yusuf Mailing List RantauNet http://lapau.rantaunet.web.id Database keanggotaan RantauNet: http://www.egroups.com/database/rantaunet?method=addRecord&tbl=1 ================================================= Mendaftar atau berhenti menerima dari RantauNet Mailing List, kirimkan email Ke / To: [EMAIL PROTECTED] Isi email / Messages, ketik pada baris/kolom pertama: - mendaftar: subscribe rantau-net [email_anda] - berhenti: unsubscribe rantau-net [email_anda] [email_anda] = isikan alamat email anda tanpa tanda kurung ================================================= WEB-EMAIL GRATIS ... @rantaunet.web.id ---> http://mail.rantaunet.web.id ------------------------------------------------------------------------------------------------- WebPage RantauNet http://www.rantaunet.web.id dan Mailing List RantauNet adalah servis dari EEBNET http://eebnet.com, Airland Groups, USA =================================================