Ambo caliak baliak di buku, iyo indak ado
Koto Tuo doh. Baa sababno kolah, iyo indak dapek pulo di
ambo manjawab do. Mohon maaf dek ambo sadang barajo pulo baru. Mungkin
rancak awak tanyo kan ka Mak Sati atau Mak Bandaro. Baa tu
Mak???
Dalam buku Budaya Alam Minangkabau susunan Drs
Zulkarnaini, nan Mak Sati adolah editornyo, dicuritokan baiko:
Papindahan panduduak ka Agam nan tajadi dalam
ampek angakatan itu, disabuik ampek-ampek angkek:
Angkatan Paratamu mambuek
nagari
- Biaro
- Balaigurah
- Lambah
- Panampuang
Angkatan Kaduo mandirikan
nagari
- Canduang
- Kotolaweh
- Kurai
- Banuhampu
Angkatan Katigo mandirikan
nagari
- Sianok
- Koto Gadang
- Guguak
- Tabek Sarajo
dan Angkatan Kaampek mambangun pamukiman
nagari
- Sariak
- Sungaipua
- Batagak
- Batu Palano
Jadi nampak ampek angkek
masiang-masiang ampek nagari, sahinggo disabuik Ampek-ampek
Angkek. Ruponyo kudian disingkek sajo manjadi Ampek Angkek.
... Minta maaf ka Inyiak Jangkuang, lah ambo
sajo nan bacurito koha...
Tolonglah di tambah...
Tantangan Koto Tuo tadi
nampaknyo nagari ko tamasuak nan didirikan oleh angakatan katigo, sarangkek
jo Koto Gadang dan Sianok. Baa mangko indak masuak? Salah satu parkiraan
ambo, mungkin kaadaannyo dahulu ciek nagari jo Koto Gadang. Wallahu
a'lam
Salam
Adyan
satuju sajo ambo tunyo mak, kalau
ditanyokan ka nan labiah mangarati/ nan labiah paham saroman ka Mak Sati
atau Mak Bandaro. sapangatahuan ambo dari kecek urang, Koto Tuo ko
langkoknyo disabuik Koto Tuo IV Koto ; yaitu koto tuo,
Balingka, Sianok jo Koto
Gadang. Mudah2-an ado nan punyo literatur
nan dapek manjalehkan
Salam,
rp