Ma sagalo adidunsanak jo anak kamanakan di tiok suduik bumi Allah ko, Assalamu 'alaikum wr.wb., Puji jo syukur kito ucapkan ka hadirat Allah swt. nan lah maagiah rahmat jo hidayah untuak awak sampai sagalo sanak mambaco tulisan ambo ko. Dek sibuik jo urusan awak surang-surang, indak taraso lah di adokan awak pulo bulan suci Ramadhan. Bari ijin pulo ambo mambao lalu etongan saketek lai, yaitu, kok ado lah sakiro-kiro adidunsanak nan bakalapangan dibari razaki dek Allah swt., dan lai baniaik pulo untuak bajakaik jo bainfak untuak syi'ar agamo Islam di kampuang, kurang laweh tapak tangan nyiru ambo tampuangan, tolong pulolah masuakan musajik kami di kompleks dangau ambo di Tabiang ko, nan kami agiah namo Mesjid Nurul Huda, nan kini sadang tabangkalai juo baru. Iko lah taun nan kaampek ambo malewakan celengan musajik kami ko di lapau ko. Alhamdulillah, puaso kapatang ko lai ditolongi dek rang lapau ampia Rp. 3.000.000,- nan lah lansuang balakekan sakali untuak pambali simin, basi jo kasiak. Samo badoa awak ka Allah swt., puaso nan kini labiah lah andaknyo uluran tangan adidunsanak. Ateh namo panguruih musajik jo sagalo jamaah musajik kami, ambo ucapkan banyak tarimo kasih. Sampai saaik kini, musajik kami nan baukuaran lk. 14 x 14 m. baru sakadar bisa untuak tampaik sumbayang di lantai dasar. Kok dietong-etong, baru salasai sakitar 20%. Adidunsanak nan bakalapangan dapek mamasuakan ka salah satu celengan ambo ko: Bank BCA Cabang S. Parman, Padang, Rek. No. 3120244140, ateh namo Drs. Sjamsir Alam, tapi jan lupo malewakan di lapau. Kok sagan lalu di jalan nan rami labuah nan golong, bisiakan sen ka talingo ambo jo japri. Wa billahi taufiq wal hidayah. Wassalamu 'alaikum wr.w.b. Mak Sati Jalan Sitawa 25, Tabing, Padang 25171 Telp. 0751-51959 & 0812 6600 639 -------------------------------------------------------------------------------- Mailing List RantauNet http://lapau.rantaunet.web.id Database keanggotaan RantauNet: http://www.egroups.com/database/rantaunet?method=addRecord&tbl=1 ================================================= Mendaftar atau berhenti menerima dari RantauNet Mailing List, kirimkan email Ke / To: [EMAIL PROTECTED] Isi email / Messages, ketik pada baris/kolom pertama: - mendaftar: subscribe rantau-net [email_anda] - berhenti: unsubscribe rantau-net [email_anda] [email_anda] = isikan alamat email anda tanpa tanda kurung ================================================= WEB-EMAIL GRATIS ... @rantaunet.web.id ---> http://mail.rantaunet.web.id ------------------------------------------------------------------------------------------------- WebPage RantauNet http://www.rantaunet.web.id dan Mailing List RantauNet adalah servis dari EEBNET http://eebnet.com, Airland Groups, USA =================================================
